ཀླུ་མོ། ལག་པ་འཁྱག་པ་དེས་རོལ་མོ་དཀྲོལ་དང་།
ཚྭ། (མགོ་ལོག)
ཀླུ་མོ ཁྱོད་རང་ག་པར་ཡོད
དུས་ཚོད་ཀྱི་ལྕགས་སྐུད་ཡ་ཡོར་གྱུར་ཟིན
ད་ནི་ཉི་མའི་གྲོང་ཚོ་འདིར
ཉིན་མཚན་དུས་དྲུག་གི་ཤོག་ལྷེ་རེ་རེའི་ངོས་སུ་ས་རྡུལ་གྱི་གར་རྩེན
ངས་རང་ཉིད་ཀྱི་སྙིང་ཕྱིར་བཏོན་ཏེ
དེ་ཡི་ནང་གཉིད་པའི་རོལ་ཆས་རྙིང་བ་དེ་ཡང་བསྐྱར་དཀྲོལ་འདོད་དུས
རྒྱུད་སྐུད་རེ་རེའི་ངོས་སུ་འཐིབས་པའི་ན་བུན་ཀློང་ན
ཁྱོད་རང་བཞུགས་ཡོད་པ་མཐོང་བྱུང
ལག་པ ལག་པ་འཁྱག་པ་དེའི་རྗེས་ཤུལ་གཅིག་པུ་དེས
ང་ཡི་གྲང་བའི་སྣང་བ་ཡལ་བར་དོར
ཁྱོད་ཀྱིས་རོལ་མོ་དཀྲོལ་རོགས
ངའི་མི་ཚེའི་ཆུ་ཀློང་འཇིངས་ཀྱི་ལྷ་མོ་དེར་རོལ་མོ་དཀྲོལ་རོགས
ཀླུ་མོ རྒྱུད་སྐུད་ཀྱི་ན་བུན་ཀློང་ན་བཞུགས་པའི་ཀླུ་མོ
ང་ལ་དུས་ཚོད་ཀྱི་ལྕགས་སྐུད་དྲང་མོར་བརྐྱང་བའི་རིག་པ་བསྩལ་རོགས་ཀྱེ
2017.07.23