མི་འགྱང་བར་ཁྱོད་ཀྱིས་ཅི་བྱའམ།
རེབ་གོང་འཇམ་དབྱངས། (རྨ་ལྷོ)
མི་འགྱང་བར
ཁྱོད་ཀྱིས་ལམ་གྱི་རི་མོ་དག་བསུབ་ཅིང
ཤུལ་ཏུ་ཤེལ་ངོས་སུ་ཟིལ་བ་ཆགས་པའི
ཁང་ཆུང་ཞིག་བརྩིག་ངེས
མི་འགྱང་བར
ཁྱོད་ཀྱིས་ལྕགས་ཀྱི་དྲ་བ་དག་ཐོ་བས་བཅོམ་ཞིང
ཤུལ་ཏུ་བག་ཡངས་ཀྱི་རི་དྭགས་རྒྱུ་བའི
ནགས་ཚལ་ཞིག་བསྐྲུན་ངེས
མི་འགྱང་བར
ཁྱོད་ཀྱིས་མགོ་ཐོག་གི་ནམ་མཁའ་ཤོག་བུ་བཞིན་གཤགས་ཏེ
ཤུལ་ཏུ་མུན་ནག་གིས་བསྒྲིབ་ཏུ་མེད་ཅིང
ཉི་ཟླ་སྐར་གསུམ་དུས་གཅིག་ཏུ་འཆར་བའི
ནམ་མཁའ་ཞིག་བྲི་ངེས
མི་འགྱང་བར མི་འགྱང་བར