ཁྱེད་རང་ལམ་ལ་ཆས་སོང་།
དགུན་ཁ་ཧྲིལ་པོ་ཞིག་ང་ལ་བསྐྱུར་བྱུང་།
ཁྱེད་རང་ལམ་དེར་ཕྱོགས་ཏེ།
གནའ་བོའི་ཆོ་ག་ཞིག་གི་དོན་སྙིང་ཡོད་ཚད་ཀྱིས།
མཐོ་སྒང་འདིར་ཁེར་རྐྱང་གིས་ཉལ་ནས་ཡོད།
དགུན་ཁ་ཧྲིལ་པོར།
ཁ་བ་བབས་མ་བྱུང་།
ངས་ནི་རང་གི་དྲན་པ་ཁོ་ན་སྲུང་ཡོད།
ཁ་བར་སྒུག་པའི་སེམས་ཁམས་ཇི་བཞིན།
ངས་ཀྱང་ཁྱེད་ཉིད་ལ་སྒུག་ཡོད།
ཆུང་དུས་སུ།
ཁྱེད་ཀྱིས་ང་ཡི་ལག་མགོར་འཇུས་ཏེ།
ལག་པ་གཞན་ཞིག་གིས།
ང་ཡི་ཞིང་གྲོང་དང་སྟོན་ཁ་ལྷན་དུ་བཏེགས་ཡོད།
དུས་སྐབས་དེར།
ཡིད་བརྙན་གྱི་ལྟེ་བ་ལག་པ་ཡིན་མི་སྲིད་ལ།
དཀའ་སྡུག་གི་ལག་པ་དེ་བས་ཀྱང་ཡིན་མི་སྲིད།
ངེད་གཉིས་ལ་ཡོད་པ་ནི་བྱིས་པའི་རོལ་རྩེད་ཁོ་ན་སྟེ།
ཚོན་ཁྲའི་ཁ་དོག་ཕྱིར་ཕྱེ་ལེབ་ལ་སྤྲོད་པ་དང་།
བོར་བའི་འབྲུ་རིགས་ཕྱིར་ཙི་གུར་སྤྲོད་པའོ། །
རྨོ་མོ་ལགས།
ནམ་ཉི་མ་ཞིག་ལ།
ངས་ནི་རང་གི་བྱེད་ཐབས་ཀྱིས།
མེ་ལྕེ་ཕྱིར་ས་གཞི་ལ་སྤྲོད་རྩིས་ཡོད་ཅིང་།
མིའི་རིགས་ཀྱི་དགུན་ཁ་རེ་རེར།
ཁྱེད་ཀྱིས་ཁྱེར་ཟིན་པ་ནི།
ང་ཡི་བྱིས་དུས་ཁོ་ན་མ་ཡིན་པར།
ང་ནི།
ང་ནི་ས་སྨྱུག་མིན།
རང་ལུས་སྒོ་སམ་ལ་?ར་བཞིན་པའི་ས་སྨྱུག་དེ་ང་མིན།
ང་ནི་མ་གཞི་ནས་གསེར་འོད་ལམ་ལམ་གྱི་ཡི་གེ་དེ་ཡིན།
ཡི་གེའི་ཁོག་ཏུ་ཞུགས་པའི་སྲོག་གི་ང་རོ་དེ་ཡིན།
ང་ནི་འབར་ཞུན་མིན།
རང་ལུས་མུན་ནག་ལ་སྦར་བཞིན་པའི་འབར་ཞུན་དེ་མིན།
ང་ནི་མ་གཞི་ནས་ལམ་ལམ་འབར་བཞིན་པའི་མེ་ལྕེ་དེ་ཡིན།
མེ་ལྕེའི་ནང་རོལ་གྱི་མེ་སྙིང་དེ་ཡིན།
ང་ནི་གཏུན་ཤིང་མིན།
རང་མགོ་ཁྲག་ལ་སྒྲེ་གན་པའི་གཏུན་ཤིང་དེ་ང་མིན།
ང་ནི་མ་གཞི་ནས་རྣོ་དང་ལྕགས་ཀྱི་གཤིས་སུ་གྲུབ་པ་དེ་ཡིན།
རྣོ་ལྕགས་ཀྱི་ངོ་བོར་འཐིམ་པའི་སད་སྒྲ་རིང་མོ་དེ་ཡིན།
ང་ནི་གཅུས་གཟེར་མིན།
འཕྲུལ་འཁོར་གང་རུང་གི་མ་ལག་གསེབ་ཏུ་འཚངས་པ་དེ་ང་མིན།
ང་ནི་མ་གཞི་ནས་རང་ཉིད་ཅེས་པའི་གཟུགས་སུ་གྲུབ་ཡོད་པ་དེ་ཡིན།
གཞོགས་གཏུབ་དང་སྣོན་འཕྲི་བྲལ་བའི་རང་ཉིད་ཀྱི་མ་ལག་དེ་ཡིན།