པར་ཤིང་ལ་མཚལ་བྱུགས་བཞིན་པ།
སྡེ་དགེ་པར་མའི་བཀའ་བསྟན་འགྱུར་བོད་ཡིག་གི་པར་གཞི་ཁག་ལས་གསལ་དག་བཟང་གསུམ་གྱི་ཁྱད་ཆོས་འབུར་དུ་དོད་པས། ཀྲུང་ཧྭ་བོད་ཡིག་བཀའ་བསྟན་འགྱུར་གསར་བསྒྲིགས་མའི་ཁུངས་དག་དཔེ་གཞིར་བྱས་པ་རེད། ཤེར་ཕྱིན་བརྒྱད་སྟོང་སུམ་ཕབ་དང་རྙིང་མ་རྒྱུད་འབུམ་སོགས་དཔེ་དཀོན་ཅི་རིགས་ཀྱི་པར་གཞི་ནི་སྡེ་དགེ་ལས་གོ་ལའི་ཁྱོན་ཡོངས་སུ་ཡོད་མ་མྱོང་ལ་ད་ལྟའང་མེད་པ་རེད། གསོ་རིག་རྒྱུད་བཞི་དང་། ཏ་ར་ནཱ་ཐའི་རྒྱ་ནག་ཆོས་འབྱུང་དང་། གུང་མགོན་པོ་སྐྱབས་ཀྱི་རྒྱ་གར་ཆོས་འབྱུང་སོགས་ཀྱི་པར་གཞི་སྔོན་ཡུལ་སྡེ་གཞན་དུ་ཡོད་མྱོང་ཡང་། ད་ལྟ་སྡེ་དགེ་རང་ལས་གཞན་དུ་ལྷག་ལུས་མེད་པ། གཞན་ཡང་རྣམ་ཐར་སོགས་དཔེ་དཀོན་ཅི་རིགས་བཅས་ཁྱོན་པར་ཤར་རྙིང་པ་ཁྲི་ཉེར་གཉིས་ལྷག་དངོས་སུ་བཞུགས་སུ་གསོལ་བས། 1980ལོའི་ཟླ་བ7པའི་ཚེས་7ཉིན་སི་ཁྲོན་ཞིང་ཆེན་མི་དམངས་སྲིད་གཞུང་གིས་སྡེ་དགེ་པར་ཁང་དང་པར་ཤིང་ནི་ཞིང་ཆེན་ཡོངས་ཀྱིས་རིག་རྫས་སྲུང་སྐྱོང་བྱ་བའི་གཙོ་བོའི་སྡེ་ཚན་གྱི་གྲས་སུ་བཞག་པ་དང་། སྤྱི་ལོ་1996ལོར་རྒྱལ་སྲིད་སྤྱི་ཁྱབ་ཁང་གིས་རྒྱལ་ཡོངས་ཀྱི་རིག་རྫས་སྲུང་སྐྱོང་བྱ་བའི་གཙོ་བོའི་སྡེ་ཚན་གྱི་གྲས་སུ་བཞག་ཡོད་པ་རེད།
པར་སྒྲིལ་གྱིས་པར་འདེབས་བཞིན་པ།
པར་འདེབས་བཞིན་པ།
གློད་རྡུལ་པར་འདེབས་ཀྱི་ཚན་རྩལ་རབ་ཏུ་དར་ཏེ་པར་བརྐོ་འདེབས་ཀྱི་ལག་རྩལ་ཡལ་ལ་ཉེ་བའི་དུས་འདིར་སྡེ་དགེ་པར་ཁང་གིས་འགྲོ་གྲོན་ཆེ་བ་དང་། ཡོང་སྒོ་ཆུང་བ་སོགས་ལ་མ་དམིགས་ནས་སྤྱིར་འགྲོ་བ་མིའི་སྲོལ་རྒྱུན་ལག་རྩལ་ཉམས་སོང་བ་ཕྱི་རབས་མི་ལ་དཔང་རྟགས་བསྟན་པ་དང་། སྒོས་སུ་བོད་ཀྱི་ཐུན་མིན་སྲོལ་རྒྱུན་རིག་གནས་མ་ཉམས་གོང་འཕེལ་དང་། ཉམས་པ་སོར་ཆུད། ཉམས་ཕན་འཚོ་སྐྱོང་བྱས་ཏེ། བོད་དུ་དུས་རབས་བཅུ་གསུམ་པའི་གཡས་གཡོན་དུ་དར་བའི་པར་བརྐོ་འདེབས་ཀྱི་སྲོལ་རྒྱུན་ལག་ཤེས་སྡེ་དགེ་པར་ཁང་དུ་ད་ལྟའང་བེད་སྤྱོད་བཞིན་པ་ནི་འདས་གཟུགས་གསོན་མཐོང་ལྟ་བུར་གྱུར་པའོ། །དེ་ལྟར་སྡེ་དགེའི་མངའ་ཞབས་ནས་ཀྱང་འཇིག་རྟེན་གསུམ་གྱི་མཆོད་སྡོང་བླ་ན་མེད་པར་གྱུར་པ་རྒྱལ་བའི་བཀའ་དང་དགོངས་འགྲེལ་གྱི་རྟེན་བཞེངས་ཆེན་པོ་འདིའི་མགོ་བརྩམས་པ་ནས། ལ་ལ་ནི་གསར་རྙིང་བརྡའི་ཚིག་དང་དོན་གྱི་འཁྲུལ་པ་སེལ་བར་བྱེད་པའི་དག་སྡེབ་པར་གྱུར། ལ་ལ་ནི་སྣག་ཚ་དང་སྨྱུ་གུ་ལག་ཏུ་ཐོགས་ནས་ཡིག་རིགས་མང་པོ་སོར་མོའི་འཕྲུལ་གྱིས་བསྐྲུན་པ་ལ་དཀའ་བ་མེད་པའི་ཡི་གེའི་འདུ་བྱེད་པར་གྱུར། ལ་ལ་ནི་ཡི་གེའི་གཟུགས་བརྙན་གྱི་ཚད་དང་མཚན་ཉིད་ཉམས་པ་མེད་པའི་ཡིག་འབྲུ་བརྐོ་བའི་རྐོས་བྱེད་པར་གྱུར། ལ་ལ་ནི་དཀར་ཞིང་འཇམ་པའི་ངོས་གཞི་རབ་ཏུ་གཙང་བའི་ཤོག་བུའི་འདུ་བྱེད་པ་དང་ཤིང་གཞོག་པ་དང་། ལྕགས་བཟོ་བ། ཐ་ན་ཤིང་དང་ཤོག་བུ་བཟོ་བ་ཡན་ཆད་ཀྱང་མི་བདག་ཆེན་པོའི་དགེ་ཚོགས་སྒྲུབ་པའི་བཀའ་དྲིན་དུ་གྱུར་ནས་ད་ལྟའི་བར་ཐམས་ཅད་ཀྱང་དགེ་བའི་ལས་ཀྱི་བྱ་བ་བྱེད་པ་དང་ལག་ཏུ་ལེན་པ་པོར་གྱུར་ཏེ། རང་རང་གི་ལས་སྐལ་གང་དང་གང་བསྐོས་པ་དེ་དང་དེ་ལ་མ་རྨོངས་པའི་བཟོ་གནས་ལག་རྩལ་གྱི་རིག་པ་འཆང་བ་ཁོ་ནར་སྡེ་དགེའི་བཟོ་ལས་ལག་རྩལ་ཞེས་པར་གྱུར་ཏོ། །
པར་ཁང་གི་ཐོག་བརྩེགས་གསུམ་པའི་པར་འདེབས་ཁུལ།
德格印经院一直保持着藏族独有的传统工艺，从制版、雕刻、书写、制墨、造纸、印刷工艺等所有流程，至今仍然保持着13世纪开创的传统工艺和生产方式，而且完全不使用任何现代机械设备，全部由手工操作完成，堪称民俗手工技艺的“活化石”。为此，2006年5月30日“德格印经院藏族雕版印刷技艺”被列入国家级首批《非物质文化遗产代表名录》；2009年，“德格印经院中国雕版印刷技艺”被列入联合国《人类非物质文化遗产代表名录》；《三体合壁般若经八千颂》于2002年3月26日入选《中国档案文献遗产名录》。
ཛ
བཀའ་འགྱུར་པར་དུ་འདེབས་བཞིན་པ།