བཅོས་བསྒྱུར་སྒོ་འབྱེད་བྱས་ནས་ལོ་ངོ་བཞི་བཅུའི་རིང་། ཁྲོན་བོད་གཞུང་ལམ་ནས་འགོ་བརྩམས་ཏེ་དེང་དུས་སི་ཁྲོན་བོད་ཁུལ་གྱི་འགྲིམ་འགྲུལ་ལ་གནམ་ས་བླ་འོག་བསྒྱུར་བའི་འཕོ་འགྱུར་བྱུང་ལ། ངོ་མཚར་འབུམ་གྱིས་ཕྱུག་པའི་བགྲོད་ལམ་དེས་བོད་རིགས་མང་ཚོགས་ཀྱི་འཚོ་བ་ལ་འགྱུར་ལྡོག་གང་ལེགས་བཏང་སྟེ། སི་ཁྲོན་བོད་ཁུལ་གྱི་ས་གསུམ་གཅིག་ཏུ་སྦྲེལ་བའི་འགྲིམ་འགྲུལ་དྲ་བ་མགྱོགས་མྱུར་ངང་འགྲུབ་ལ་ཉེ། སྤྱི་ལོ་2017ལོའི་ཟླ་9པའི་ཚེས་26ཉིན། ཁྲོ་ལ་རི་བོའི་ཕུག་ལམ་ལས་དངོས་སུ་རླངས་འཁོར་ཤར་གཏོང་བྱས་ཤིང་། ལོ་ངོ་དུ་མའི་འགྲིམ་འགྲུལ་བཀག་རྡོ་དེ་རྩ་མེད་དུ་བཏང་། 2018ལོའི་ལོ་མཇུག་ཏུ་གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམ་དང་། ཝུན་ཁྲོན་ནས་འབར་ཁམས་བར་གྱི་མྱུར་བགྲོད་གཞུང་ལམ་དངོས་སུ་ཤར་གཏོང་ཐུབ་རྒྱུ་རེད།
བཅོས་བསྒྱུར་སྒོ་འབྱེད་བྱས་ཚུན། དཀར་མཛེས་ཁུལ་གྱིས་འགྲིམ་འགྲུལ་རྨང་གཞིའི་སྒྲིག་བཀོད་འཛུགས་སྐྲུན་ཐད་མ་དངུལ་གཏོང་ཤུགས་ཆེ་རུ་བཏང་བས་ཁུལ་ཡོངས་ཀྱི་གཞུང་ལམ་གཙོ་བོའི་དྲ་རྒྱའི་མ་ལག་གཞི་རྩའི་ཐོག་ཆགས་ཡོད་པ་དང་། རོང་འབྲོག་མང་ཚོགས་ཕྱིར་འགྲིམ་པར་སྟབས་བདེ་ཆེན་པོ་བསྐྲུན་ཡོད།
2017ལོའི་ཟླ་12པའི་ཚེས་31ཉིན། གཡག་རྔ་ནས་དར་མདོ་བར་གྱི་མྱུར་བགྲོད་གཞུང་ལམ་ཁོངས་ཀྱི་གཡག་རྔ་ནས་ལྕགས་ཟམ་ཁ་ལམ་མཚམས་སི་ཁྲོན་མྱུར་བགྲོད་གཞུང་ལམ་དྲ་བའི་ཚོད་ལྟའི་འཁོར་སྐྱོད་གྲས་སུ་བཞག་ཅིང་། དེ་ནས་བཟུང་དཀར་མཛེས་བོད་ཁུལ་དུ་མྱུར་བགྲོད་གཞུང་ལམ་མེད་པའི་ལོ་རྒྱུས་ལ་རྫོགས་ཚིག་འགོད་ཅིང་། ཁྲེན་ཏུའུ་ནས་དར་མདོ་བར་དུས་ཚོད་4ཙམ་ལས་འགྲོ་མི་དགོས་ཤིང་། དཀར་མཛེས་བོད་ཁུལ་མྱུར་བགྲོད་གཞུང་ལམ་གྱི་འཕེལ་རྒྱས་དུས་རབས་སུ་སླེབས་པའོ། ། ལྕགས་ཟམ་ཁ་ནས་དར་མདོའི་བར་གྱི་མྱུར་བགྲོད་གཞུང་ལམ་ཡང་མིག་སྔར་གྱི་འཆར་གཞི་ལྟར་ན་2018ལོའི་ལོ་མཇུག་ཚུན་དུ་ཤར་གཏོང་ལེགས་འགྲུབ་ཡོང་རྒྱུ་རེད། །
改革开放40年以来，以川藏公路为起点，四川藏区交通发生历史性巨变，“神奇的天路”正改变着越来越多藏区群众的生活，一张纵横交错的四川藏区地空立体交通网正在加速形成。2017年 9月26日，雀儿山隧道建成通车，长久以来的交通瓶颈将彻底消除。2018年底，雅康高速、汶马高速正式通车。
（གདན་ཞུའི་གསར་འགོད་པ་བསོད་ནམས་སྐྱིད་ཀྱིས་བྲིས།）
ཤར་མར་གཏོང་བའི་ལམ་ཆེན་ལས།
འགྲོ་འདུག་དཀའ་ཁག་སེལ་བར་བྱས།
གངས་འཁྱག་ཁྲོད་ཀྱི་འུ་ལག་རི་བོའི་ལམ་རྙིང་། ཀོ་ཁྲང་ཕིན་གྱིས་པར་བླངས།
འུ་ལག་རི་བོའི་གཞུང་ལམ་རྙིང་པ། ཧུའུ་ཡན་ཧེ་ཡིས་པར་བླངས།
མྱུར་བགྲོད་གཞུང་ལམ་མྱུར་ཞིང་མགྱོགས།
བོད་ཁུལ་འཕེལ་རྒྱས་དར་ཞིང་རྒྱས།
དཔལ་ཡོན་སྟོང་གིས་ཕྱུག་པའི་དབྱར་གཞུང་དུ། འབར་ཁམས་གྲོང་ཁྱེར་གྱི་རྒྱལ་ལམ་317འགྲམ་རྒྱུད་ཀྱི་ཝུན་འབར་མྱུར་བགྲོད་གཞུང་ལམ་ཚ་ཚ་འུར་འུར་གྱིས་ལས་བསྐྲུན་བྱེད་བཞིན་པའི་སྒང་ཡིན་ལ། རྫ་རི་མཐོན་པོའི་བར་གསེང་ན་འཁྱིལ་བའི་གཞུང་ལམ་འདི་ནི་སྤྱིར་བཏང་གི་ལམ་བུ་ཞིག་གཏན་ནས་མ་ཡིན་ཏེ། དེ་ལ་རྒྱ་རིགས་ལམ་བཟོ་བས་རྔུལ་ཆུ་བསགས་ཡོད་ལ། བོད་རིགས་མི་དམངས་ཀྱིས་རེ་སྨོན་འཆང་ཡོད། དེ་ནི་ནང་ལོགས་དང་བོད་ཁུལ་འབྲེལ་མཐུད་ཀྱི་སེམས་ཀྱི་ལམ་བུའང་ཡིན། རླབས་རྩེ་གྱེན་དུ་འཕྱུར་བའི་སོ་མང་ཆུ་བོའི་ངོགས་ཀྱི་མཐོན་པོར་བརྩིགས་པའི་མྱུར་བགྲོད་གཞུང་ལམ་གྱི་ལམ་དུམ་རེ་རེས་མི་སེམས་རབ་ཏུ་འགུལ།
འཛུགས་སྐྲུན་ཁྲོད་ཀྱི་ཝུན་ཁྲོན་དང་འབར་ཁམས་བར་གྱི་མྱུར་བགྲོད་གཞུང་ལམ། བསྟན་འཛིན་ཉི་མས་པར་བླངས།
དེ་ཡང་བསྒྱུར་བཅོས་སྒོ་འབྱེད་ཀྱི་ལོ་ངོ་བཞི་བཅུའི་རིང་། རྔ་བ་ཁུལ་གྱི་ལམ་ལ་གནམ་ས་བླ་འོག་བསྒྱུར་བ་ལྟ་བུའི་འཕོ་འགྱུར་བྱུང་ཡོད་ཅིང་། རི་ལམ་ཕྲ་མོ་ནས་ས་ལམ་དང་། སྣུམ་ལམ་ནས་འགྲུབ་ལ་ཉེ་བའི་མྱུར་བགྲོད་གཞུང་ལམ། རྔ་བ་ཁུལ་གྱི་འགྲིམ་འགྲུལ་སྔར་བས་བདེ་འཇགས་དང་སྟབས་བདེ་རུ་གྱུར་ཞིང་། འགྲིམ་འགྲུལ་སྐྱེལ་འདྲེན་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་རྣམ་པ་གསར་པ་ཆགས་ལ། བོད་ཁུལ་མང་ཚོགས་མཛེས་སྡུག་བདེ་སྐྱིད་ཀྱི་འཚོ་བའི་ཕྱོགས་སུ་བསྐྱོད།ཝུན་འབར་མྱུར་བགྲོད་གཞུང་ལམ་ནི་རྔ་བ་ཁུལ་གྱི་ཝུན་ཁྲོན་ནས་འབར་ཁམས་བར་གྱི་མྱུར་བགྲོད་གཞུང་ལམ་ལ་ཟེར། G4217གྱི་ཁྲེན་ཏུའུ་ནས་ཆབ་མདོའི་བར་གྱི་མྱུར་བགྲོད་གཞུང་ལམ་གྱི་ཆ་ཤས་ཤིག་ཡིན་ཞིང་། ཝུན་ཁྲོན་རྫོང་གྲོང་གི་ལྷོ་ཕྱོགས་ཧྥེང་ཕིང་ཆུ་རགས་ནས་འགོ་ཚུགས་ཏེ། དབྱིང་ཞོའུ་དང་ཝུན་ཁྲོན་མྱུར་བགྲོད་གཞུང་ལམ་དང་འབྲེལ་ཏེ། ལིས་རྫོང་དང་མྱག་ལོ། དེ་ནས་འདབས་གྲོང་བརྒྱུད། སྤོ་དཀར་ལ་བརྒལ་ཏེ་སོ་མང་ཆུ་ནས་མར་འབར་ཁམས་ཅོག་ཙེའི་བར་རེད། ཝུན་ཁྲོན་ནས་འབར་ཁམས་བར་གྱི་མྱུར་བགྲོད་གཞུང་ལམ་དེ་2015ལོའི་ཟླ་7པར་ལམ་ཧྲིལ་པོ་ལས་འགོ་ཚུགས་ཤིང་། སྔོན་དཔག་བྱས་ན་2020ལོར་རླངས་འཁོར་ཤར་གཏོང་ཐུབ་རྒྱུ་རེད། སྐབས་དེར། ཁྲེན་ཏུའུ་གྲོང་ཁྱེར་ནས་འབར་ཁམས་བར་ད་ལྟའི་དུས་ཚོད་5ནས་དུས་ཚོད་3སྟེ་དུས་ཚོད་གཉིས་ཀྱིས་ཐག་ཇེ་ཐུང་དུ་འགྲོ་རྒྱུ་རེད།
ཝུན་འབར་མྱུར་བགྲོད་གཞུང་ལམ་ནི་སི་ཁྲོན་བོད་ཁུལ་གྱི་མྱུར་བགྲོད་གཞུང་ལམ་གཉིས་པ་ཡིན། སི་ཁྲོན་ཞིང་ཆེན་ནས་ནུབ་བྱང་ས་ཁུལ་དུ་བསྐྱོད་པའི་སྒོ་ཆེན་དང་། སི་ཁྲོན་ཞིང་ཆེན་གྱི་ནུབ་ཀྱི་བོད་ལྗོངས་དང་། ནུབ་བྱང་གི་མཚོ་སྔོན་དང་ཞིན་ཅང་ལ་འགྲོ་འོང་གི་ལམ་ཆེན་དང་། ནང་ལོགས་ནས་རྔ་བ་བོད་རིགས་ཆའང་རིགས་ཁུལ་དུ་ཕེབས་པའི་དཔལ་འབྱོར་བར་ཁྱམས་དང་འཐབ་ཇུས་བར་ཁྱམས་ཡིན་ལ། སི་ཁྲོན་ཞིང་ཆེན་རྒྱལ་ཁབ་ཀྱི་རྒྱུད་གཅིག་ལམ་གཅིག་གི་འཕེལ་རྒྱས་འཐབ་ཇུས་སུ་འདྲེས་པར་དོན་སྙིང་གལ་ཆེན་ལྡན་ཡོད། །
（གདན་ཞུའི་གསར་འགོད་པ་བསོད་ནམས་སྐྱིད་ཀྱིས་བྲིས།）
ཁྲོ་ལ་རི་བོའི་ཕུག་ལམ་མྱུར། སྐར་མ་10ཡིས་རི་བོ་བརྒལ།2017ལོའི་ཟླ་9པའི་ཚེས་26ཉིན་གྱི་ཞོགས་པའི་ཆུ་ཚོད་10དང་སྐར་མ་30ཐོག་ཁྲོ་ལ་རི་བོའི་ཕུག་ལམ་ནས་རླངས་འཁོར་དངོས་སུ་ཤར་བཏང་བྱས་ཤིང་། ཕུག་ལམ་ཁོ་ནའི་རིང་ཚད་ལ་སྨི་7079ཡོད་ལ། ཕུག་ལམ་གྱི་སྒོ་ཁའི་མཚོ་ངོས་མཐོ་ཚད་མཚོ་འཕགས་སྨི་4378ཡོད་ཅིང་། སྔོན་ཆུ་ཚོད་གཉིས་ལྷག་ལ་སྐྱོད་དགོས་པའི་ཁྲོ་ལའི་ལམ་ཐག་དེ་ད་ལྟ་སྐར་མ་ལྔ་ནས་བཅུ་བར་གྱི་དུས་ཡུན་ལས་མི་དགོས། གཞན་ཡང་ལས་གཞི་འདིར་མ་དངུལ་བསྡོམས་འབོར་དམངས་སྒོར་དུང་ཕྱུར་11.5བཏང་ཡོད་པ་རེད།
སྡེ་དགེ་རྫོང་གི་འགོ་ཁྲིད་དང་འབྲེལ་ཡོད་སྡེ་ཚན་གྱི་འགན་ཁུར་པ། ཨར་ལས་ཚན་པའི་འཐུས་མི། མང་ཚོགས་ཀྱི་འཐུས་མི་སོགས་ཡུལ་དངོས་སུ་མཉམ་འཛོམས་བྱས་པ་དང་འཛམ་གླིང་སྟེང་མཚོ་འཕགས་ཆེས་མཐོ་བའི་ཕུག་ལམ་ལེགས་གྲུབ་བྱུང་བར་དགའ་སྤྲོའི་ངང་བསུ་མ་བྱས། ཉིན་དེ་ནས་ཉེན་ཁ་ཆེ་བའི་གཡང་གཟར་གྱི་ཀྱག་ཀྱོག་ལམ་བུ་དེའི་མཇུག་སྒྲིལ་ཤིང་། ཁྲོན་བོད་གཞུང་ལམ་གྱི་ལ་ཆེན་དང་པོའམ་ཁྲོན་བོད་གཞུང་ལམ་གྱི་གཤིན་རྗེའི་འཕྲང་ལམ་དུ་འབོད་པའི་ཁྲོ་ལའི་གཞུང་ལམ་གྱི་ལོ་རྒྱུས་ཀྱི་ལེའུ་འདི་ནས་མཇུག་བསྡུས་པ་རེད།
འདིས་སྤྱིར་བོད་ཁམས་ཡོངས་དང་སྒོས་སུ་སྡེ་དགེའི་མི་དམངས་ཀྱི་སྲིད་འབྱོར་རིག་གསུམ་འཕེལ་རྒྱས་ལ་སྒུལ་ཤུགས་སམ་རམ་འདེགས་གྱ་ནོམ་པ་ཞིག་བྱ་བར་སྨོས་མ་དགོས་ལ། ཡབ་མེས་ཚོས་གཡག་དང་རྟ་དྲེལ་གྱི་རྒྱབ་ལ་བརྟེན་ནས་རྒྱ་དཀར་ནག་གི་ཚོང་ཟོང་འདྲེན་པའི་དུས་ནས་ད་ལྟ་དེང་རབས་ཀྱི་འཕྲུལ་ཆས་སྤྱོད་དེ་ཀྱག་ཀྱོག་གི་ལམ་བུ་བརྒྱུད་པའི་བར་དུ་ཁྲོ་ཟིལ་ཁྲོམ་རྡོ་རྗེ་གཡུང་དྲུང་གི་རི་བརྒྱུད་གཙོ་བོའམ་ཁྲོ་ལ་རི་བོ་འདི་ཉིད་བརྒལ་བའི་ཚད་དཔག་ཐབས་བྲལ་ཞིང་། དམངས་ཁྲོད་དུ་དེ་ལས་བརྒྱུད་པའི་གཏམ་རྒྱུད་སྐྱིད་སྡུག་འདྲེས་མ་གཙང་པོ་ལས་ཀྱང་རིང་བར་བཤད་རྒྱུ་ཡོད།
དཔའ་རྟུལ་དཔུང་གི་རྔུལ་ཁྲག་གིས། ཁྲོ་ལ་རི་བོའི་གཞུང་ལམ་བསྐྲུན།
སྤྱིར་གནམ་གྱི་ཀ་བ་རུ་གྲགས་ཤིང་བལྟས་པས་རི་མགོ་མཐོང་དཀའ་བའི་ཁྲོ་ལ་རི་བོའི་རྩེ་ནི། བྱ་རྒོད་པོ་ཡིན་ཡང་གཤོག་རྩལ་འདར་ས། སེང་དཀར་མོ་ཡིན་ཡང་སྡེར་མོ་འཁུམ་ས། མཚོ་ངོས་མཐོ་ཚད་མཚོ་འཕགས་སྨི་6168ལ་སླེབས་ཤིང་དུས་བཞིར་གྲང་ལྷགས་དང་ཁ་བ་བུ་ཡུག་གི་རྒྱུན་མི་ཆད་པའི་གནས་ཤིག་ཡིན་ཡང་། 1951ལོར་བཅིངས་འགྲོལ་དམག་གིས་རྣམ་པ་འདི་གཏན་ནས་བསྒྱུར་བའི་འགོ་བརྩམས། སྐབས་དེར་དེང་རབས་ཀྱི་འཛུགས་སྐྲུན་ཡོ་བྱད་ལྟ་བུ་གཅིག་ཀྱང་བགྲང་རྒྱུ་མེད་ལ། ལས་ལ་བརྩོན་ཞིང་དཔའ་ཞུམ་པ་མེད་པའི་དཔུང་སྡེ་དེས་ལྟོ་སྐྱ་གོས་ཧྲུལ་དང་བློ་བརྟན་འགྱུར་མེད་ཀྱིས་ཁྲོ་ལའི་རྩེ་ནས་གསེར་ཐག་ལྟར་དཔྱང་པའི་གཞུང་ལམ་དེ་འཛུགས་བསྐྲུན་བྱས།
ད་ལྟ་ཡུལ་སྐོར་ལྗོངས་རྒྱུ་བ་མང་པོ་ཞིག་ཁྲོ་ལའི་རི་འདབས་སུ་སླེབས་པ་ཙམ་གྱིས་དབྱང་དབུགས་ཀྱི་མི་འདང་ནས་ལ་དུག་ན་བའི་ཚུལ་ལ་བལྟས་ན། སྐབས་དེ་དུས་ཆ་རྐྱེན་ཞན་པའི་བཅིངས་འགྲོལ་དམག་གི་དཔུང་ཤོག་བཅོ་བརྒྱད་པས་དཀའ་ངལ་གཞལ་ཐབས་མེད་པ་ཞིག་མྱངས་ཡོད་པ་སྨོས་ཅི་དགོས། དེ་མིན་བྲག་དང་ཕ་བོང་གཏོར་བྱེད་ལ་རབ་ན་འགད་རྫས་ཕྲན་ཙམ་དང་དེ་མིན་ལྕགས་མདའ་དང་ཐོ་བ་ཡིན་ལ། ས་རྐོ་རྡོ་སློག་བྱེད་ཆས་ནི་འཇོ་དང་ལྕགས་ཁེམ་སོགས་ལག་ཆ་ཐབས་ཆག་ལས་སྐབས་དེ་དུས་ཡོད་ག་ན་སྲིད། དེ་ནས་ལོ་ཕྱེད་ཙམ་ལ་དཀའ་སྤྱད་སྡུག་རུས་བྱས་མཐར1951ལོའི་ཟླ་བ12པའི་ཚེས་27ཉིན་ལ་བྱ་རྒྱལ་རྒོད་པོའི་གཤོག་རྩལ་དང་ལྷན་དུ་རླངས་འཁོར་གྱིས་ཁྲོ་ལ་རི་བོ་བརྒལ་བ་རེད། དེས་ལོ་རྒྱུས་ཀྱི་ཟིན་ཐོ་གསར་པ་བྲིས་ཤིང་། ཁྲོན་བོད་གཞུང་ལམ་གྱི་ལ་ཆེན་དང་པོ་ཞེས་ཀུན་ལ་གྲགས།
ཁྲོ་ལའི་རྩེ་ནས་བརྒལ་བའི་གཞུང་ལམ་དེ་ལེགས་གྲུབ་བྱུང་བ་ནས་བཟུང་། རྒྱལ་ལམ་317གྱི་ལ་ཆེན་དང་པོ་ཞེས་མིང་བཏགས་ཏེ་རྒྱལ་ནང་དང་བོད་ལྗོངས་ཀྱི་གསེར་ཐག་གཅིག་ཏུ་སྦྲེལ་ཞིང་། ཁྱད་པར་དུ་ཁྲོ་ཟིལ་ཁྲོམ་རྡོ་རྗེ་གཡུང་དྲུང་འདབས་ཀྱི་ཁམས་པའི་རིག་གནས་ཀྱི་ཆུ་མགོ་སྟེ། སྡེ་དགེའི་ལྔ་རྒྱལ་ཞིང་ཁམས་ཀྱི་སྲིད་འབྱོར་རིག་གསུམ་ལ་འཕེལ་རྒྱས་ཀྱི་སྒོ་མོ་ཡངས་པོར་ཕྱེས་པར་མ་ཟད། དཀར་མཛེས་དང་ཆབ་མདོ་ས་ཁུལ་གྱི་འཕེལ་རྒྱས་ལ་ནུས་པ་དཔག་དཀའ་བ་ཐོན། དེ་ནས་ད་ལྟའི་བར་དུ་མཛོ་གཡག་དང་རྟ་དྲེལ་གྱི་རྒྱབ་ལ་བརྟེན་ནས་ཚོང་ཟོང་གང་ལ་གང་འཚམ་ཞིག་སྐྱེལ་འདྲེན་བྱེད་པའི་རྣམ་པ་རྩ་བ་ནས་གཏོར་ཞིང་། རླངས་འཁོར་ལ་བརྟེན་ནས་སྔོན་ལས་དུས་ཡུན་ཐུང་ཞིང་ཟོང་དངོས་འབོར་ཆེན་སྐྱེལ་འདྲེན་བྱས་པས། ཁྲོ་ལ་རི་བོ་ནི་ལོ་རྒྱུས་ཟིན་བྲིས་འགོད་སའི་རྡོ་རིང་གལ་ཆེན་ཞིག་ཏུ་གྱུར།
“爬上雀儿山，鞭子打着天。”雀儿山位于川藏公路北线317国道、甘孜德格境内。雀儿山主峰海拔6168米，每年长达8个月被积雪覆盖，山高路险、高寒缺氧，被称作“川藏第一险”。如今，“翻越雀儿山，犹过鬼门关”的历史一去不复返。
2017年9月26日，雀儿山隧道正式通车。该隧道长7079米，洞口海拔4378米，是世界上海拔最高的超特长公路隧道。今后，过往车辆不必再绕行两个多小时的危险山路，只需10来分钟就可以穿过雀儿山。
66年前，以张福林烈士为代表的十八军指战员和各族群众用生命开凿了雀儿山公路，建成了新中国首条通往西藏的公路。这段近32公里长的公路，有“川藏第一高和第一险”之称，是世界交通史上最危险的公路之一。
随着中央第五次西藏工作座谈会召开，雀儿山隧道建设正式列入国家规划，于2012年8月31日开建。
历经5年的艰苦奋战，总投资11.5亿元的雀儿山隧道建成通车。
“ཀྱག་ཀྱོག་ཁུག་པ་བཅོ་བརྒྱད་”ཅན་གྱི་ཁྲོ་ལ་རི་བོའི་ལམ་རྙིང་། ཀུང་ཙི་ཧྭ་ཡིས་པར་བླངས།
གངས་འཁྱག་གིས་བསྡམས་པའི་ཁྲོ་ལ། དཀོན་རྡོས་པར་བླངས།
དམངས་ལ་གཅེས་པའི་དྲོད་སྐྱིད་འོག
གསེར་གྱི་སྦུ་གུ་ལེགས་པོར་བསྐྲུན།
2012ལོའི་ཟླ་བ6པའི་ཚེས1ཉིན། རྒྱལ་ལམ317པའི་བརྒྱུད་ལམ་ཁྲོ་ལའི་ཕུག་ལམ་བཟོ་སྐྲུན་གྱི་འགོ་བརྩམས་ཤིང་། 2014ལོའི་ཟླ་9པ་ནས་ཀྲུང་གོའི་ལྕགས་ལམ་ཅུས་དང་པོའི་སྤྱི་གཉེར་ཁང་བཞི་པས་འཛུགས་སྐྲུན་བྱེད་འགན་ཁུར། 2015ལོའི་ཟླ་12པའི་ཚེས་10ཉིན་གྱི་སྔ་དྲོའི་ཆུ་ཚོད་10པར་ཁྲོ་ལའི་ནུབ་ཕྱོགས་ཀྱི་ཕུག་སྒོའི་གཙོ་ལམ་སྔོག་འདོན་བྱས་ནས་ནུབ་ཕྱོགས་ཀྱི་ཕུག་ལམ་ཡོངས་སུ་ལེགས་གྲུབ་བྱུང་། 2016ལོའི་ཟླ་11པའི་ཚེས་10ཉིན་གྱི་སྔ་དྲོར་ཁྲོ་ལའི་ཕུག་ལམ་ཕུག་པ་དངོས་སུ་མཇུག་སྒྲིལ།
འཛུགས་སྐྲུན་པ་མང་ཆེ་ཤོས་ནི་ས་བབ་དམའ་ས་ནས་ཡོང་བ་ཤ་སྟག་ཡིན་ཞིང་། ཕུག་ལམ་གྱི་ས་བབ་མཐོ་བ་དང་དབྱང་དབུགས་ཀྱི་ཚད་ཉུང་བ། དབྱར་གཞུང་ཟླ་བ་གཅིག་ཡས་མས་མ་གཏོགས་རི་ཀླུང་ཐམས་ཅད་ཁ་བས་བཟུང་ཞིང་གྲང་ལྷགས་ཧ་ཅང་ཆེ་བ་སོགས་ཀྱི་གེགས་དང་དཀའ་ཚེགས་ལ་མ་འཛེམ་པར། དཔའ་ཞུམ་པ་མེད་པར་ལོ་ངོ་ལྔ་ཙམ་གྱི་རིང་ལ་འཛུགས་བསྐྲུན་བྱས་ཤིང་ལེགས་གྲུབ་བྱུང་། ཁོ་ཚོས་རྒྱུན་དུ་འདི་ལྟར་ལབ་བཞིན་ཡོད་དེ། དུས་རབས་ཕྱེད་ལྷག་གི་ཡར་སྔོན་དུ་ལུས་ལ་གོས་ཧྲུལ་གྱོན་ཞིང་ལག་ལ་འཇོ་དང་ཁེམ་བཟུང་ནས་མཚོ་ངོས་མཐོ་ཚད་མཚོ་འཕགས་སྨི་6168ལྷག་ཡོད་པའི་གཡང་གཟར་ངོས་སུ་རྔུལ་ཆུའི་ཐིགས་པ་རེ་རེས་གཞུང་ལམ་འདི་འཛུགས་བསྐྲུན་བྱས་པས། ང་ཚོ་དཔའ་བོ་དེ་དག་དང་བསྡུར་ན་ཅི་ཡང་མ་རེད། ངོ་མ་བཤད་ན་དེ་ཁོ་ཚོའི་སེམས་པ་གསོ་བྱེད་དམ་དཔའ་ངར་མི་ཞུམ་པའི་ཆེད་དུ་མ་ཡིན་ནམ།
སྤྱི་ཟླ་9པའི་ཚེས་26ཉིན་གྱི་སྔ་དྲོ་ཆུ་ཚོད་10དང་སྐར་མ་30ཐོག་ཕུག་ལམ་དུ་རླངས་འཁོར་དངོས་སུ་ཤར་བཏང་བྱས་ཤིང་ཤར་བཏང་གི་མཛད་སྒོ་ལེགས་པོར་སྤེལ།