ཆུ་ཐིགས།

དང་ཐོག

ཁྱོད་ངའི་ཁྱོར་བའི་ནང་གི་ཆུ་ཐིགས་ཤིག་རེད།

ས་ལ་འཛག་འགྲོ་བར་དོགས་ནས།

ང་ནི་ངའི་ཁྱོར་བའི་ནང་གི་ཆུ་ཐིགས་དང་།

ཁྱོད་ནི་ངའི་ཁྱོར་བ་དེ་ཡིན་ན་སྙམ་བྱུང་།

བར་དུ།

ང་ནི་ཁྱོད་ཀྱི་ཁྱོར་བའི་ནང་གི་ཆུ་ཐིགས་ཤིག་རེད།

ཁྱོད་ཀྱིས་ང་རང་ཉི་འོད་ཀྱིས་སྐམ་འགྲོ་བར་དོགས་ནས།

ང་ལ་བསིལ་གྲིབ་ཀྱི་ཞྭ་མོ་ཡང་ཡང་འགེབས།

མཐའ་མར།

འུ་གཉིས་ཀ་ཆུ་ཐིགས་ཤིག་ཏུ་གྱུར།

ལམ་འགྲམ་གྱི་རྩྭ་ཕྲན་རལ་པོ་ཞིག་གི།

སྣེ་མོ་ན་ཆགས་པའི་ཆུ་ཐིགས་ཤིག་རེད།

རླུང་བའི་ལྡང་ཙམ་གྱིས།

ཉི་འོད་འཕྲོ་ཙམ་གྱིས།

འུ་གཉིས་ཀ་ས་ལ་འཐོར་བར་ཤིན་ཏུ་སྐྲག