ཏང་གི་ཚོགས་ཆེན་སྐབས་བཅུ་དགུ་པའི་དགོངས་པའི་སྣེ་ཁྲིད་འོག་ཏུ། ཏ་ཐུང་རྫོང་གི་ཧྲུའུ་ཅི་དང་པོ124ཡིས་ཐོག་མའི་བསམ་འདུན་མ་བརྗེད་པར་འགན་འཁྲི་ཡིད་ལ་བརྟན་པོར་བཅངས་ཏེ།སྒྲོབ་ཉམས་སྤང་ནས་དམངས་ཀྱི་སེམས་གཅོང་སེལ་བ་དང་། སྟོབས་ཤུགས་ཡོད་རྒུ་བཏོན་ནས་ལས་དོན་དངོས་སྒྲུབ་པ། དབུལ་ཕོངས་ཀྱི་སྡེ་བ་དང་དཀའ་ཁག་ཆེ་བའི་མང་ཚོགས་ཀྱི་ཆེད་དུ་འཕེལ་རྒྱས་དོན་གཉེར་དང་དཀའ་གནད་འཕྲལ་སེལ་སྒོས་དམངས་ཕན་སྲིད་ཇུས་སྐོར་ཞིག་དོན་ཐོག་ཏུ་འཁྱོལ་བར་སྣེ་ཁྲིད་དང་། མཉམ་ལས་རྩ་འཛུགས་སྐོར་ཞིག་འཛུགས་སྐྲུན་བྱེད་པར་མཛུབ་སྟོན་གནང་བ། ཕྱུག་འགྱུར་ཐོན་ལས་སྐོར་ཞིག་འཕེལ་རྒྱས་སུ་གཏོང་བར་མགོ་འདྲེན་བཅས་བྱས་ཏེ། དབུལ་ཐར་འགག་སྒྲོལ་ཁྲོད་ཀྱི"སྲོག་ཤིང"གི་ནུས་པ་གང་ལེགས་ཀྱིས་འདོན་སྤེལ་བྱས་ནས། ཧུར་ཐག་གིས་དབུལ་སྐྱོར་ལམ་གྱི"སྒྲོན་མེ་འཁྱེར་མཁན"ཞིག་བྱེད་པ། རྫོང་ཡོངས་ཀྱི་དབུལ་སྐྱོར་གནད་ཁེལ་དང་དབུལ་སྒྲོལ་གནད་ཁེལ་གྱི་བྱ་བ་བདེ་བླག་ངང་བསྒྲུབ་པར་སྐུལ་སྤེལ་བཏང་བ་དང་། ཏང་གི་ཚོགས་ཆེན་སྐབས་བཅུ་དགུ་པའི་དགོངས་པ་གཏིང་ཟབ་ཏུ་ཚུགས་པར་སྐུལ་འདེད་བྱས།
རང་གཅུན་ནན་མོས་དམངས་སེམས་འཐོབ་པར་བྱས་ནས་རྨང་གཞི་སྲ་བརྟན་དུ་གཏོང་བ།
རང་ཉིད་དོ་དམ་དང་རང་ཉིད་འཆིང་སྡོམ་ཤུགས་སྣོན་བྱེད་པ་དང་། ལམ་ལུགས་དང་སྡེ་སྲོལ་དམངས་ཆིང་གི་དོན་ཚན་སོ་སོ་རང་རྟོགས་སྒོས་བརྩི་སྲུང་བྱས་ནས། དོ་དམ་དང་ལྟ་རྟོག་དང་ལེན་བྱེད་པའི་དུས་མཚུངས་སུ་རང་ཉིད་འཛུགས་སྐྲུན་རྒྱུན་ཆད་མེད་པར་ཤུགས་སྣོན་བྱས། ཆིན་ལིན་རྫོང་ལིའུ་ལིན་ཐན་སྡེ་པའི་ཧྲུའུ་ཅི་དང་པོ་ཀྲང་ཡུང་ཧྥུའུ་ཡིས།གྲོང་ཚོར་བཅའ་སྡོད་བྱས་ནས་བྱ་བ་བསྒྲུབས་པའི་ཚུན་ནས། སྒྲིག་ཁྲིམས་ཞིབ་བཤེར་ལས་བྱེད་པའི་སྤྱོད་ཚུལ་བཟང་པོ་འདོན་སྤེལ་བྱས་ནས་གང་སར་རང་ཉིད་ལ་བླང་བྱ་ནན་མོ་བཏོན་པ་དང་། འགན་འཁྲིའི་ངེས་གནས་གསལ་པོར་ཁག་ཐེག་བྱེད་པ། སྡེ་པའི་ལས་བྱེད་ཀྱི་ཐུན་སྡོད་ལམ་ལུགས་ལག་བསྟར་བྱེད་པར་སྣེ་ཁྲིད་བྱས་པ། ཐོན་སྐྱེད་དང་བྲལ་ནས་གྲོང་ཚོར་བཅའ་སྡོད་བྱས་ནས་གནས་གླ་དང་ཟས་རིན་རང་ཉིད་ཀྱིས་ཐག་གཅོད་བྱེད་པ་ལས་གཞི་རིམ་ལ་ཁུར་པོ་མི་འགེལ་བར་མ་བསྐུལ་དང་ལེན་གྱིས་ལས་ཞུགས་རྟོག་ཞིབ་དང་བྱ་བའི་བྱས་རྗེས་ངོ་མ་སྤྱི་བསྒྲགས་བྱེད་པ། ལས་བྱེད་དང་མང་ཚོགས་ཀྱི་ལྟ་རྟོག་དང་ལེན་བྱས་ནས་དཀའ་སྡུག་བབ་ཆགས་དང་བདེན་འཚོལ་དངོས་སྒྲུབ་ཀྱི་སྤྱོད་ཚུལ་གཞི་རིམ་ལས་བྱེད་པ་དང་ཏང་ཡོན་དཀྱུས་མར་ཚོར་བགོས་བྱས་པ།ཞང་ཏང་ཨུའི་གཅིག་གྱུར་དོ་དམ་འོག་ཏུ་དོན་ཚན་སོ་སོའི་སྒྲིག་ཁྲིམས་གཏན་འབེབས་བརྩི་སྲུང་ནན་ཏན་བྱས་པ་དང་། "འཕྲིན་ཕྲན་མཉམ་རོལ་གནས་ཡུལ"སོགས་དོན་ཚན་སོ་སོའི་དོ་དམ་ལམ་ལུགས་དོན་འཁྱོལ་བྱས་པ།གྲོང་ཚོར་བཅའ་སྡོད་བྱེད་པའི་ལས་བྱེད་མི་སྣ་མ་བསྐུལ་དང་ལེན་གྱིས་རྫོང་དང་ཞང་རིམ་པས་རྩ་འཛུགས་བྱས་ནས་སྤེལ་བའི་ཆེད་དོན་སོ་སོའི་གསོ་སྦྱོང་ལ་ཞུགས་པར་སྣེ་ཁྲིད་བྱས་ནས། སྡེ་པ་རང་གི་དབུལ་སྐྱོར་བྱ་བའིQQཚོམས་དང་འཕྲིན་ཕྲན་ཚོམས་བཙུགས་ཏེ།གུང་གསེང་གི་དུས་ཚོད་བེད་སྤྱོད་གང་ལེགས་བྱེད་པ་དང་། བྱེད་ཐབས་དུ་མ་བཀོལ་ནས་ཏང་གི་ལམ་ཕྱོགས་དང་། བྱེད་ཕྱོགས། དབུལ་སྐྱོར་གྱི་འབྲེལ་ཡོད་སྲིད་ཇུས་བཅས་ལ་སློབ་སྦྱོང་བྱས་ཏེ། རང་ངོས་ཀྱི་རིགས་པའི་གཞུང་ལུགས་དང་མཐུན་པའི་བློ་སྦྱོང་གོང་དུ་སྤེལ་བ་དང་། ཁེངས་སྐྱུང་གིས་མང་ཚོགས་ལ་བཀའ་ཁྲིད་ཞུས་ནས་སློབ་སྦྱོང་བྱས་པ། ཞིང་པ་དང་སྐྱིད་སྡུག་མཉམ་འབྲེལ་གྱི་སྲིད་ཇུས་བྱེད་ཐབས་ལ་གོ་བ་ལེན་པ། དམངས་ཕན་སྲིད་ཇུས་ཇི་མ་བཞིན་དུ་དོན་འཁྱོལ་བྱེད་པར་ཁག་ཐེག་བྱས་ནས། དབུལ་ཕོངས་མང་ཚོགས་ཀྱི་ཁེ་ཕན་ཆེ་ཤོས་ཐོབ་ཐབས་བྱེད་པར་སྲུང་སྐྱོང་ནན་ཏན་བྱས་སོ།།
ཏང་འཛུགས་སྣེ་ཁྲིད་བྱས་ཏེ་ཚན་ཁག་ཤུགས་ཆེར་བཏང་སྟེ་དབུལ་སྒྲོལ་ལ་སྐུལ་འདེད་གཏོང་བ།
དུས་དང་རྣམ་པ་ཀུན་ཏུ་སྡེ་པའི"ཨུ་ཡོན་ལྷན་ཁང་གཉིས"ཀྱི་མགོ་ཁྲིད་ཚན་ཁག་གི་འཛུགས་ཤུགས་ཆེ་རུ་གཏོང་བ་དེ་རོགས་སྐྱོར་གྱི་གལ་ཆེན་ནང་གི་དོན་ཆེན་དུ་བརྩིས་པ་དང་། "ཏང་སྲིད་གནད་དུ་བཟུང་ནས་དབུལ་སྒྲོལ་འགག་གཏོར་ལ་སྐུལ་འདེད་གཏོང་བ"དངོས་སུ་ལག་བསྟར་བྱས་པའི་ཁྲོད་འགན་ལྕི་འཁུར་ཕོད་པ་དང་འབད་བརྩོན་ཆེན་པོས་མདུན་སྐྱོད་བྱས།ཆིང་ཧྲན་སྡེ་པའི་ཧྲུའུ་ཅི་དང་པོ་ལི་ཕེ་ཁུན་གྱིས་ཏང་འཛུགས་ཀྱི་བྱ་བ་དེ་དབུལ་སྒྲོལ་འགག་གཏོར་གྱི་རྨང་གཞི་དང་གནད་གལ་དུ་བརྩིས་ནས། "གཉིས་སློབ་གཅིག་སྒྲུབ"ཀྱི་སློབ་སྦྱོང་སློབ་གསོ་སྤེལ་བ་དང་།"115+N"ཏང་སྐར་བྱ་འགུལ་གཏན་ཁེལ་བྱས་པ། སྡེ་པ་རིམ་པའི་འཕེལ་རྒྱས་མཉམ་འབྲེལ་གྲོས་ཚོགས་བསྡུས་པ་སོགས་བྱས་ནས། ཚན་ཁག་གི་གོང་བུར་འགྲིལ་ཤུགས་དང་བློ་ཁ་ཕྱོགས་ཤུགས་རྒྱུན་ཆད་མེད་པར་མཐོར་འདེགས་སུ་བཏང་བ་དང་།ཏང་ཡོན་ལས་བྱེད་པའི་དཔུང་སྡེའི་སྲིད་ཏང་གི་གོ་རྟོགས་དང་ནུས་པའི་བྱང་ཚད་ཤུགས་ཆེར་བཏང་བ། སྡེ་པའི"ཨུ་ཡོན་ལྷན་ཁང་གཉིས"ཀྱི་མགོ་ཁྲིད་ཚན་ཁག་གི་ཕུན་སུམ་ཚོགས་པའི་ལས་སྒྲུབ་འཚོ་བ་དང་འཕེལ་རྒྱས་ཀྱི་བསམ་ཕྱོགས་གསལ་པོར་ཕྱེ་བར་རོགས་རམ་བྱས་པ། ཏང་འཛུགས་དང་དབུལ་སྒྲོལ་འགག་གཏོར་བྱེད་རྒྱུ་དེ་མཉམ་སྐུལ་མཉམ་རྒྱས་ངང་ནས་མངོན་འགྱུར་བྱས་པ།"567"ཐེམ་དུད་ཐོ་འགོད་ཀྱི་ལས་ཀའི་བྱེད་ཐབས་ཟུང་འབྲེལ་བྱས་ནས་དོན་དངོས་དང་འབྲེལ་འདྲིས་དམ་པོ་བྱས་ཏེ། ཏང་ཡོན་ལས་བྱེད་པ་དང་མང་ཚོགས་ཀྱི་བསམ་ཕྱོགས་ཏང་གི་ཚོགས་ཆེན་སྐབས་བཅུ་དགུ་པའི་དགོངས་དོན་སྟེང་གཅིག་གྱུར་བྱུང་སྟེ། ཏང་ཡོན་གྱི་དབུལ་སྒྲོལ་འགག་གཏོར་བྱ་བའི་ཁྲོད་ཀྱི་གདོང་ལེན་གྱི་མིག་དཔེའི་ནུས་པ་དང་ཏང་ཀྲི་པུའུ་ཡི་འཐབ་འཛིང་གི་བཙན་རྫོང་ནུས་པ་འདོན་སྤེལ་གང་ལེགས་བྱས་པ། དུས་མཚུངས་སུ"དྲ་བ་ཅན"གྱི་སྡེ་པ་རིམ་པའི་དོ་དམ་མ་དཔེ་གསར་སྐྲུན་བྱས་པ་དང་། ཏང་ཀྲི་པུའུ་སྲོག་ཤིང་དུ་འཛིན་པའི་ནུས་པ་ཤུགས་ཆེར་བཏང་བ། སྡེ་པའི"ཨུ་ཡོན་ལྷན་ཁང་གཉིས"ཀྱི་འདེམ་བསྐོ་འདེམ་དམངས་ཀྱི་སྐབས་བརྗེའི་བྱ་བ་རང་ཤུགས་ཀྱིས་རྩ་འཛུགས་བྱེད་པ་དང་། རང་འགུལ་གྱིས་ཞུགས་པ། རང་ཉིད་དོ་དམ་བྱེད་པ་བཅས་མངོན་འགྱུར་བྱུང་བ། སྡེ་པའི"ཨུ་ཡོན་ལྷན་ཁང་གཉིས"ཀྱི་འདེམ་བསྐོའི་སྐབས་བརྗེའི་བྱ་བ་རྒྱལ་ཁའི་ངང་ལེགས་འགྲུབ་བྱུང་སྟེ། དབུལ་སྒྲོལ་འགལ་གཏོར་གྱི་བྱ་བར་ཕན་འབྲས་ལོན་པར་རྩ་འཛུགས་ཀྱི་འགན་སྲུང་བརྟན་པོ་འདོན་སྤྲོད་བྱས་སོ།།
སློབ་གསོ་སྔོན་དུ་བརྒལ་ནས་ལས་དོན་དངོས་ལེགས་སྒྲུབ་དང་འཕེལ་རྒྱས་དོན་གཉེར་བྱེད་པ།
"བློ་སྟོབས་སྐྱོར་བ་དང་། ཤེས་རབ་སྐྱོར་བ། དབུལ་ཕོངས་སྐྱོར་བ"སྟེ་ཕྱོགས་གསུམ་གཞི་གཅིག་མཐའ་འཁྱོལ་བྱས་ཏེ། དྲོད་ཁོལ་སྩོལ་ཐུབ་ལ་དམག་མིའི་ངར་ཤུགས་དེ་བས་ཀྱང་སྩོལ་ཐུབ། རྫོང་ཡོངས་ཀྱི་ཧྲུའུ་ཅི་དང་པོས་མང་ཚོགས་ཀྱི་བསམ་བློར་སྣེ་ཁྲིད་བྱེད་རྒྱུ་དེ་མངོན་གསལ་ཆེ་བའི་གནས་ཡུལ་དུ་བཞག་སྟེ། མང་ཚོགས་ལ་ངོ་ཐུག་ནས་མཐུན་སྦྱོར་བྱས་པ་དང་། མང་ཚོགས་གམ་གྱི་དོན་དག་དང་མང་ཚོགས་གམ་གྱི་མི་བཀོལ་ནས། ཏང་གི་ཚོགས་ཆེན་བཅུ་དགུ་པའི་དགོངས་པ་དང་ཞིང་པ་འབྱོར་ཕྱུག་ཏུ་གཏོང་བའི་དམངས་ཕན་སྲིད་ཇུས་དངོས་སུ་བཤད་པ་དང་། མཐིལ་རྟོགས་ཏུ་བཤད་པ། གསལ་པོར་བཤད་པ་བཅས་བྱས་ཏེ། དབུལ་ཕོངས་མང་ཚོགས་ཀྱི་བསམ་བློའི་འདུ་ཤེས་རྒྱུན་ཆད་མེད་པར་བསྒྱུར་ནས་དབུལ་ཕོངས་མང་ཚོགས་མ་སྐུལ་དང་ལེན་གྱིས་དབུལ་ཐར་འགག་གཏོར་གྱི་བྱ་བའི་ཁྲོད་དུ་ཞུགས་པར་སྣེ་ཁྲིད་བྱས། ཞིན་ཀྲོང་གྲོང་རྡལ་ཐའེ་ཆི་ཀྲོང་སྡེ་པའི་ཧྲུའུ་ཅི་དང་པོ་ཧོ་ཐི་ལགས་ཀྱིས། མཚོ་སྔོན་སློབ་ཆེན་ནས་ཉམས་མྱོང་ཕུན་སུམ་ཚོགས་པ་ལྡན་པའི་སློབ་གསོའི་ཆེད་མཁས་པ་གདན་དྲངས་ཏེ་དབུལ་ཕོངས་མང་ཚོགས་ཀྱི་བསམ་པའི་དབུལ་ཐར་ལ་ཕྱོགས་ཡོངས་ནས་སྒྲོག་འགྲེལ་བྱས་ནས། དབུལ་ཕོངས་མང་ཚོགས་ཀྱི་སྤུས་ཚད་མཐོར་འདེགས་སུ་བཏང་བར་མ་ཟད། དབུལ་ཐར་ཕྱུག་འགྱུར་གྱི་བསམ་པའི་སྒུལ་ཤུགས་ལ་སྐུལ་མ་བཏང་ནས། སྡེ་པ་ཡོངས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལ་གནམ་ས་བླ་འོག་བསྒྱུར་བ་ལྟ་བུའི་འགྱུར་ལྡོག་བྱུང་དུ་བཅུག་ཡོད་དེ། སྡེ་པ་རིམ་པའི་ཕྱོགས་བསྡུས་ཞབས་ཞུ་ལྟེ་གནས་བཙུགས་པ་དང་། རིག་གནས་ལུས་རྩལ་ཐང་ཆེན་ལ་ལུས་རྩལ་སྒྲིག་ཆས་ཆ་ཚང་འཛོམས་པ། སྡེ་པའི་ལམ་གཡས་གཡོན་དུ་ཉི་ནུས་ལམ་སྒྲོན་གྱི་འོད་མདངས་ཕན་ཚུན་འཕྲོ་བ། དབུལ་ཕོངས་ཁྱིམ་ཚང་གི་ས་ཕག་ཁང་པ་གསར་དུ་ལས་པ། དྲོད་ཁང་སྤྱིལ་ཁྱིམ་ཆེན་མོ་མང་པོ་ཕན་ཚུན་རིང་ཐུང་མི་མཉམ་པར་སྣོལ་བ་བཅས་ཏེ། སྣང་བརྙན་རེ་རེ་དེ་ཡིས་ཐའེ་ཆི་ཀྲོང་སྡེ་པ་རྗེས་ལུས་སྡེ་པ་ནས་སྔོན་ཐོན་སྡེ་པར་བརྒལ་བ་འགྲེལ་བཤད་ཟབ་མོ་བྱས་ཡོད་དོ།།
ཁྱིམ་ཚང་ལ་བསྟུན་ནས་སྲིད་ཇུས་ལག་བསྟར་བྱས་ཏེ་ནུས་ཤུགས་གཅིག་སྒྲིལ་དང་དབུལ་རྩ་རྨང་འབལ་བྱེད་དགོས།
དོན་དངོས་ནང་ཟབ་འཇུག་བྱེད་པ་དང་། གཞི་རིམ་དུ་ཟབ་ཞུགས་བྱེད་པ། མང་ཚོགས་ཀྱི་ཁྲོད་དུ་ཟབ་ཞུགས་བྱེད་པ་བཅས་ཀྱི་རྩ་དོན་ལྟར། ཡུལ་བབ་དང་བསྟུན་པ་དང་། བབ་བསྟུན་སྣེ་ཁྲིད་བྱེད་པ། ཁྱིམ་ཚང་ལ་བསྟུན་ནས་སྲིད་ཇུས་ལག་བསྟར་བྱེད་པ་བཅས་ཀྱིས་དམངས་ཀྱི་སེམས་གཅོང་སེལ་བ་དང་མི་སེམས་ལ་དྲོད་ཁོལ་བསྩལ་ནས་འཕེལ་རྒྱས་ཀྱི་ཇུས་གཞི་མཉམ་འགོད་བྱས།ཞང་ཧྭ་ཡུལ་ཚོ་ཧྲང་ཐན་སྡེ་པའི་ཧྲུའུ་ཅི་དང་པོ་ཀྲུའུ་ཏན་ཝུན་ལགས་དུས་རྒྱུན་པར་ཞིང་པའི་ཁྱིམ་ཚང་དུ་ཟབ་ཞུགས་བྱས་ནས་བདེ་སྡུག་མཚམས་འདྲི་བྱས་ཏེ།ཁྱིམ་ཚང་དུ་སླེབས་པའི་ཐོན་ལས་འགག་རྩར་བཟུང་སྟེ་ལྷན་སྐྱེས་ཀྱི་རང་སྤུས་ལ་རྐང་བཙུགས་ནས།ཧྲན་ཐན་སྡེ་པའི་དབུལ་ཕོངས་དུད་ཁྱིམ45ལ་ཞི་མན་ཐ་ཨར་བ་མོ་ཉོས་ཏེ། གོམ་གང་མདུན་སྤོས་ཀྱིས་དབུལ་ཕོངས་ཁྱིམ་ཚང་གི་འཕེལ་རྒྱས་ཀྱི་མདུན་ལམ་རྒྱ་བསྐྱེད་ཅིང་། དེ་དང་ཆབས་ཅིག་ཏུ་ཧུར་ཐག་གིས་དབུལ་ཕོངས་དུད་ཁྱིམ་ཙན་མེང་ཀུའེ་ཅེ་ཚང་ལ་སྒོར་ཁྲི1.2གཉིས་ཡར་ཞུ་བྱས་ནས་སློབ་ཆེན་སློབ་མའི་དཀའ་ཁག་རོགས་སྐྱོབ་བྱས་པ་དང་། རོགས་སྐྱོང་བྱེད་མཁན་གྱི་ལས་ཁུངས་ལ་མཐུན་སྦྱོར་བྱས་ནས་ཁོ་མོའི་ཁྱོ་གར་སྲོག་སྐྱོབ་སྨན་བཅོས་བྱེད་པ་ལག་བསྟར་བྱས་ཏེ། ཕྱོགས་གང་མང་ལ་བྲེལ་རྒྱུག་བྱས་ནས་ཧུར་ཐག་གིས་ཙན་མེང་ཀུའེ་ཅེ་ཚང་ལ་སྐྱེད་ཀ་སྤྲོད་པའི་དངུལ་བུན་སྒོར་མོ་ཁྲི3ཡར་ཞུ་བྱས་ནས་སྨན་རྫས་འདེབས་འཛུགས་འཕེལ་རྒྱས་སུ་བཏང་ཞིང་། དེ་དང་ཆབས་ཅིག་ཏུ་ལས་ཁུངས་ཀྱི་ལེགས་ཆ་མངག་གཏོང་འདོན་སྤེལ་བྱས་ནས། ཧུར་ཐག་གིས་ས་ཞིང་ཐོན་འབྱེད་ལེགས་སྒྲིག་བྱེད་པའི་ལས་གཞི་བརྩོན་ལེན་བྱས་པས། ཀྲང་ཞའོ་ཧྲིན་ཚང་ལ་འཁོར་རྒྱུག་གི་གྲོན་དངུལ་དང་ཁེ་སྤོགས་བགོ་བ་ཐོབ་པར་མ་ཟད། ཞིང་ཁར་ལྗོན་ཤིང་འཛུགས་པའི་ལས་ཀ་ཡང་སྒྲུབ་ཐུབ་པར་གྱུར་ཏེ་མི་རེ་རེ་ལ་ཉིན་རེར་སྒོར་བརྒྱའི་ཡོང་འཕར་ཡོད་པས། ཀྲང་ཞའོ་ཧྲིན་ཚང་གི་འཚོ་བའི་གནས་བབ་རྦད་དེ་ཇེ་ལེགས་སུ་བཏང་། དབུལ་སྐྱོར་གྱི་ལམ་ནི་དོན་དག་ཆུང་ངུ་མིན་ཏེ། དོན་ཆུང་དག་ཀྱང་དོན་ཆེན་ལྟར་བརྩི་མཐོང་བྱེད་དགོས།ཏག་ཏག་དོན་ཆུང་རེ་གཉིས་འདི་དག་རྒྱུན་ཆད་མེད་པར་ཕྱོགས་བསྡུས་བྱས་པས། ད་གཟོད་མང་ཚོགས་ཀྱི་སེམས་ཁོང་གི་དབུལ་ཐར་ཕྱུག་འགྱུར་གྱི་རླབས་ཆེ་བའི་འཆར་གཞི་རིམ་གྱིས་དངོས་ཡོད་དུ་འགྱུར་ཐུབ་པར་བྱུང་ངོ་།།
བསམ་གྲུབ་ཀྱིས་བསྒྱུར།