ལག་པ་འདི་ཕྱི་ལ་བསྲིངས་པ་ཡིན
ལག་པ་ཕྱི་ལ་བསྲིངས་ནས་ལག་གཡུག་བྱེད་པ་ཡིན
ལག་པ་གཡུག་བཞིན་པའི་མི་དག་ལ་ལག་གཡུག་བྱས་པ་ཡིན
ལག་པ་འདིས་ལག་གཡུག་བྱེད་བཞིན་ཕྱི་རོལ་ནས་ཡུན་རིང་ལུས
ལག་པ་འདི་དམར་པོར་འགྱུར་བཞིན་འདུག
དམར་པོ་དམར་སྨུག་ཏུ་གྱུར
མཛུབ་མགོ་དང་སེན་བར་སྐྱ་མདོག་ཏུ་གྱུར
ངས་རང་གི་ལག་པ་ལ་ལྟ་བཞིན
ལག་པ་འདི་སྙིང་རེ་རྗེ་འདོད་བཞིན
ལག་པ་འདི་ག་ལེར་རུམ་ལ་བསྡུས་པ་ཡིན
ལག་པ་འདི་རུམ་ལ་བསྡུ་དོན་ཅི་ཞེ་ན
ག་ཤེད་ནས་འོང་བ་མི་ཤེས་པའི་ཙག་ལྡོམ་ཞིག་གམ
ལག་པ་གཡུག་སྟེ་ལག་བརྡ་གཏོང་དགོས་ས་ཉུང་བའི་རྐྱེན་ཁོ་ན་རེད
ངས་རང་གི་ལག་པར་ལྟ་བཞིན་འདི་ལྟར་བསམས
ལག་པ་འདི
འབྲོག་པའི་ལག་པ་ཡིན
འབྲོག་པའི་ལག་པ་འདི་རུམ་ལ་བསྡུ་བའི་སྲོལ་མེད
ངས་རང་གི་ལག་པར་ལྟ་བཞིན་ཚོད་ཚོད་ལ་ཡང་འདི་ལྟར་བསམས
༢༠༡༧ལོའི་ཟླ༡༡པའི་ཚེས༢༩ཉིན།