འབྲུག་ལོ་དང་སྦྲུལ་ལོ་འདྲེས་མཚམས་ཀྱི
དོ་དགོང་དང་འདྲ་བའི་ཉི་ཤུ་དགུའི་མཚན་མོ
དྲོད་ཁོལ་དང་གྲང་ངར་འདྲེས་མཚམས་ཀྱི
མི་ལོ་བཞི་བཅུའི་ཡར་སྔོན་གྱི་དགུན་གཞུང་ཞིག་ལ
འཇིག་རྟེན་འདིར་ལས་སྐལ་གྱི་ངུ་སྐད་དང་པོ་འཇོག་དུས
དགུ་ཐུག་གི་ཟས་སྐལ་ཐོག་མ་ཨ་མའི་བྲང་གཞུང་ནས་རྙེད
དགུ་ཐུག་གི་ཆེད་དུ་སྐྱེས་པ་ལྟ་བུའི་ངའི་མི་ལོ་རེ་རེའི་སྐྱེས་སྐར་ཁྲོད
སྐྱེས་སྐར་གྱི་ཕྱིར་ཏུ་བསྐོལ་པ་ལྟ་བུའི་དགུ་ཐུག་ལ་རོལ་བའི་ངའི་མི་ཚེའི་བཞུད་ལམ་སྟེང
གང་ཞིག་ཐོབ་སོང་བ་ལྟ་བུའི་ང་རྒྱལ་གྱིས་བཟི་མྱོང་ལ
ཡང་ཅི་ཡང་མ་ཐོབ་པའི་སྡུག་བསྔལ་གྱིས་ཀྱང་མནར་མྱོང
ཡིན་ནའང
འཐུང་འདོད་ཡོད་པའི་མི་ཚེ་ཡི་དགུ་ཐུག་ཞིམ་པོ་དེའི་ཆེད་དུ
ངས་གང་ནུས་ཅི་ལྕོགས་བགྱིད་ལ
རོལ་འདོད་ཡོད་པའི་འཇིག་རྟེན་གྱི་སྐྱེས་སྐར་ཡག་པོ་དེའི་དོན་དུ
ངས་རང་ནུས་ཡོད་རྒུ་འདོན་འདོད