ངག་མི་སྨྲ་བར
ཉི་མའི་འོད་ཟེར་རྩྭ་ཐང་ཆེན་མོར
ག་ལེར་འཕྲོས་པ་དང་ལྷན་དུ
གཙང་ཆུའི་འགྲམ་དུ་དབེན་སིམ་ངང་གཉིད་པའི་མེ་ཏོག་དག
ཟིལ་བ་ཁྲོམ་ཁྲོམ་ཡར་དགྱེ་འོང
ངག་མི་སྨྲ་བར
ལན་བུའི་སྣེ་ནས་རླུང་བུ་ཡང་མོ་ཞིག
ག་ལེར་ཕར་ལ་འགྲོ་དུས་མི་ཡུལ་གྱི་མཛེས་སྡུག་དང
དབྱར་གཞུང་གི་སྣང་བ་ཁྱོད་ཀྱི་མིག་ཀོང་ནས་མཐོང་བྱུང
ངག་མི་སྨྲ་བར
ཉི་མ་ག་ལེར་ནུབ་རིའི་ཕྱོགས་ལ་འཐེན
ཉི་མའི་འོད་ཟེར་གྱིས་གྲིབ་མ་ཇེ་རིང་ནས་ཇེ་རིང་དུ་བཏང
གྲིབ་མས་ས་སྲོད་ཅེས་པའི་ཐ་སྙད་སྙིང་དུ་སྡུག་པ་ཞིག
གཙང་ཆུའི་འགྲམ་ལ་བྲིས
ངག་མི་སྨྲ་བར
མུན་པའི་ཀློང་དུ་ཟླ་བ་ག་ལེར་གསལ་འོང་དུས
ཁེར་རྐྱང་གི་སྣང་བ་དང་ཟླ་བ་འགྲོགས་ནས
ནམ་མཁའི་དབྱིངས་ཀྱི་རྒྱུ་སྐར་དབུས་སུ་ཐིམ
སྐབས་དེར་ངས་ཟླ་བའི་དཀྱིལ་གྱི་ཁྱོད
ལན་གསུམ་བོས