ཡིད་འཕྲོག་སྒྲོལ་མ།

སེམས་པའི་ཕྱི་ནང་བར་ནས།།

སེམས་གཏམ་སྙན་པོ་བཤད་རོགས།།

སེམས་པ་སོང་བའི་བུ་མོ།།

སེམས་ཀྱི་ནོར་བུ་ལོས་ཡིན།།

 

ཡིད་ཀྱི་འཁོར་འགྲོས་ཀློང་ནས།།

ཡིད་ལ་འཇགས་པར་གནོངས་དང་།།

ཡིད་ལ་བབས་པའི་བུ་མོ།།

ཡིད་ཀྱི་གསོས་སྨན་ལོས་ཡིན།།

 

ཐུགས་བརྩེ་དུང་བའི་ཡུལ་ནས།།

ཐུགས་ཕྲད་ཡོང་བ་གནོངས་དང་།།

ཐུགས་རྒྱུད་དྲང་བའི་བུ་མོ།།

ཐུགས་ཀྱི་དྭངས་བ་ལོས་ཡིན།།

 

བློ་ཁོག་རང་སྣང་ཙམ་གྱིས།།

བློ་ཁ་ཆོས་ལ་གནོངས་དང་།།

བློ་མཐུན་ལས་ཀྱི་བུ་མོ།།

བློ་སེམས་གཏད་ས་ལོས་ཡིན།།

 

སྙིང་གི་ཉིན་སྲིབ་བར་ནས།།

སྙིང་ལ་དམ་ཚིག་གནོངས་དང་།།

སྙིང་ཆུང་སྲོག་གི་བུ་མོ།།

སྙིང་པོ་བཅོལ་ས་ལོས་ཡིན།།

 

རིག་པ་རྣམ་དཔྱོད་ལན་གྱིས།།

རིག་ཚན་མི་ལ་གནོངས་དང་།།

རིག་གནས་ཅན་གྱི་བུ་མོ།།

རིག་པའི་སྐྱོར་ཡ་ལོས་ཡིན།།

 

བསམ་ཤེས་མི་ཡི་ལྷ་མོ།།

བསམ་བློ་གཏོང་རོགས་གནོངས་དང་།།

བསམ་གཏན་ཡ་རབས་བུ་མོ།།

སེམས་པ་སྲུང་བའི་རྟེན་ཡིན།།

 

སྣང་བ་ན་ཆུང་འདུ་ཤེས།།

སྣང་བའི་རྨི་ལམ་གནོངས་དང་།།

སྣང་བ་ཞེ་འདྲེས་བུ་མོ།།

སྣང་བའི་འོད་ཟེར་ལོས་ཡིན།།