2015ལོའི་ཟླ་9པར། འཛམ་ཐང་རྫོང་སྤྱི་བདེ་ཅུས་ཀྱི་ཆབ་སྲིད་ལས་ཀའི་ལྟ་སྐུལ་དོ་དམ་ཁང་གི་ཀྲུའུ་རེན་གཞོན་པ་ཧྥང་དབྱིན་རྫོང་མདའ་ཡུལ་ཚོའི་བཀྲ་སྐོར་སྡེ་པར་ཧྲུའུ་ཅི་དང་པོའི་ལས་འགན་ཁུར་དུ་མངགས། འདས་པའི་ལོ་ངོ་གསུམ་གྱི་རིང་དུ། དེ་གའི་མང་ཚོགས་རྣམས་ཀྱིས་ཁོ་ལ་ཉེན་རྟོག་པ་ཞེས་འབོད་ཅིང་། སྔར་དཔལ་འབྱོར་གྱིས་ཤིན་ཏུ་དབུལ་བའི་བཀྲ་སྐོར་སྡེ་པའི་ཧྲུའུ་ཅི་ཧྥང་དབྱིན་གྱི་སྣེ་ཁྲིད་ལ་བརྟེན་ཏེ། སྡེ་དམངས་ཚོའི་འཚོ་བ་ཡར་ངོའི་ཟླ་བཞིན་ཇེ་བཟང་དུ་འགྱུར་བཞིན་འདུག
2019ལོའི་ཟླ་4པའི་ཚེས་22ཉིན། སི་ཁྲོན་ཞིང་ཆེན་གྱི་ཧྲུའུ་ཅི་དང་པོ་ཕུལ་བྱུང་གི་འོས་མིར་གཟེངས་བསྟོད་བྱེད་པའི་མིང་ཡིག་བཀྲམ་པ་དང་།ཞིང་ཆེན་ཡོངས་སུ་ཧྲུའུ་ཅི་དང་པོ་ཕུལ་དུ་བྱུང་བ་550བདམས་པའི་ཁྲོད་དུ་བཀྲ་སྐོར་སྡེ་པའི་ཧྲུའུ་ཅི་དང་པོ་ཧྥང་དབྱིན་གྱི་མིང་ཡོད་པ་རེད། གཟེངས་བསྟོད་དེ་རང་དགར་ཐོབ་པ་ཞིག་མ་ཡིན་པར་ཁོས་ལོ་ངོ་གསུམ་གྱི་རིང་ལ་འབད་པ་ལྷོད་མེད་བྱས་པའི་འབྲས་བུ་རེད།ཡིད་སེམས་རྣལ་དུ་ཕབ་སྟེ། ཁྱིམ་ཚང་རེ་རེར་འཚམས་འདྲིར་འགྲོ།
ལུས་ལ་ཉེན་རྟོག་པའི་ལྭ་བ་སྔོན་པོ་ཞིག་གྱོན་འདུག་པ་དང་། བྱ་བ་གང་ཡིན་ལ་གཟབ་ནན་ཆེ་ཞིང་།
སྣུམ་ཚལ་གྱི་མེ་ཏོག་ར་བར་ལྡུམ་བུ་འབལ་བཞིན་པ།
同村民在油菜花田除草
དེ་བས། ཁོ་དང་ལས་སྒྲུབ་ཚོ་ཆུང་གི་ལས་བྱེད་པ་རྣམས་ཁྱིམ་ཚང་རེ་རེར་འཚམས་འདྲིར་སོང་པ་དང་། ཁྱིམ་ཚང་དབུལ་པོའི་གྲས་སུ་འཇོག་འོས་མིན་ལ་གསར་དུ་ཞིབ་འཇུག་བྱས་ཤིང་། བསྐྱར་དུ་དཔང་ཡིག་ར་སྤྲོད་བྱས། ཟླ་3གྱི་དུས་ཡུན་དུ། ཁོ་ཚོ་འབྲོག་ས་ཁག་ཏུ་ཟབ་ཞུགས་བྱས་ཤིང་། མང་ཚོགས་1500ལྷག་ལ་འཚམས་འདྲི་བྱས་པར་མ་ཟད། ཁྱིམ་ཚང་དབུལ་པོའི་ཡིག་ཚགས་དག་ལའང་ཡང་བསྐྱར་ཞིབ་བསྡུར་དང་། ཡང་བསྐྱར་གནད་དུ་ཁེལ་བར་བྱས་ཏེ། དེ་དག་ལ་གློག་རྡུལ་ཡིག་ཚགས་བཟོས་པར་མ་ཟད། ཁྱིམ་ཚང་དབུལ་པོའི་གྲས་སུ་འཇོག་མི་འོས་པའི་ཁྱིམ་ཚང་3ཕྱིར་ཕུད་པ་དང་། དེའི་ཚབ་ཏུ་དབུལ་པོ་ཡིན་ཤག་གི་ཁྱིམ་ཚང་3ཡར་བཞག་སྟེ། དབུལ་སྐྱོར་གནད་དུ་འཁེལ་བར་བྱས་འདུག
སྡེ་པའི་མང་ཚོགས་དང་ཟླ་བ་3ལྷག་འབྲེལ་འདྲིས་བྱས་པས། མང་ཚོགས་ཀྱིས་ད་གཟོད་ཕར་བལྟས་ན་དུས་རྒྱུན་སྨྲ་བ་ཉུང་བའི་ཉེན་རྟོག་པ་འདི་དོན་དངོས་སུ་མང་ཚོགས་ལ་ཁ་ཡོད་ལག་ཡོད་ཀྱི་ཞབས་ཞུ་བསྒྲུབ་པར་འབད་མཁན་ཞིག་ཡིན་པ་ཤེས།
ང་ཆེ་ང་བཙན་གྱི་ཆེ་བ་ཤར་དུ་གཡུགས་ཏེ། མང་ཚོགས་ལ་ཞབས་ཞུ་བསྒྲུབས།
ཧྲུའུ་ཅི་ཧྥང་དབྱིན་གྱིས་སྡེ་པའི་ལམ་ཞེང་ཚད་ལེན་བྱེད་བཞིན་པ།
测量通村公路是否达标
ལོ་ངོ་10གྲངས་ཤིག་གི་རིང་ལ་གཞི་རིམ་ནས་བྱ་བ་བསྒྲུབས་མྱོང་བའི་ཧྥང་དབྱིན་ལ་མཚོན་ན། དབུལ་གྲོལ་འགག་སྒྲོལ་གྱི་ཕྱོགས་སུ་ལག་གསར་ལྟ་བུ་ཡིན་ནའང་། གཞི་རིམ་གྱི་ལས་ཀར་ཆ་ཡོད་རྒྱུས་ཡོད་ཅན་ཡིན་ཟེར་ནའང་མི་ཆོག་པ་ཅི་ལ་ཡོད་དེ། ཁོ་དང་ལས་སྒྲུབ་ཚོ་ཆུང་གི་ལས་བྱེད་པ་རྣམས་མང་ཚོགས་ཚོ་དང་མཉམ་ཟ་མཉམ་འཐུང་ཡིན་ལ། མཉམ་དུ་ཞག་འདུག་བྱས་པ་དང་། མཉམ་དུ་ལས་ཀ་བྱེད་བཞིན་འདུག་ལ། མཚན་མོའི་སློབ་གྲྭ་སྟེ། “བཟང་བཞི་སྡེ་པ་”དང་། “གཅིག་དྲུག་”གི་ལས་ཀ་སྒྲུབ་པ་སོགས་ཀྱི་བྱེད་སྒོ་བསྒྲུབས་ཏེ། ཁྱིམ་ཚང་དབུལ་པོ་རྣམས་དང་འབྲེལ་འདྲིས་བྱེད་པའི་སྟེགས་བུ་བཟོས།
ཐབས་ཤེས་སྣ་ཚོགས་བརྒྱུད་དེ། ལོ་རེ་བཞིན་ཁྱིམ་ཚང་ཆེས་མཛེས་པ་རེ་བདམས་ཤིང་། ཡོང་འབབ་ཇེ་མང་དུ་འགྲོ་བར་འབད་པ་དང་། སྡེ་ཁྲིམས་དང་དམངས་ཁྲིམས་བརྩི་ལ། ཁྱིམ་གྱི་ཁོ་ར་ཁོར་ཡུག་ཀུན་ལ་གཙང་སྦྲ་བཟང་བའི་ཁྱིམ་ཚང་དབུལ་པོ་རྣམས་ལ་གཟེངས་བསྟོད་ཀྱིས་སྐུལ་མ་བྱས། དེ་ལྟར་བྱེད་སྒོ་སྣ་ཚོགས་སྤེལ་བ་དང་། ཐབས་ཤེས་སྣ་ཚོགས་སྤྱད་པས། སྡེ་པ་དེའི་མང་ཚོགས་རྣམས་ཀྱི་བསམ་བློར་རིམ་གྱིས་འགྱུར་ལྡོག་ཐེབས།
སྡེ་པ་དེའི་མང་ཚོགས་མགོན་པོ་བྱ་བ་གཅིག་པོར་མཚོན་ནའང་། སྔར་བྱ་བ་གང་ཡང་མི་སྒྲུབ་པར་རང་དགར་འཁྱར་ཉུལ་ཁོ་ནས་དུས་འདའ་བ་ཞིག་ཡིན་ནའང་། ཧྥང་དབྱིན་སྡེ་པ་དེར་ཐོན་པའི་དུས་ཐོག་མ་ཉིད་ནས་ལེ་ལོའི་དབང་དུ་གྱུར་པའི་མགོན་པོ་ངོ་ཤེས་པར་གྱུར་པ་དང་། དེ་ནས་མགོན་པོའི་ཁྱིམ་དུ་བལྟ་རུ་སོང་བར་མ་ཟད། ཁྱིམ་གཞིས་ཀྱང་རྒྱུ་ནོར་གྱིས་ཤིན་ཏུ་དབུལ་བ་ཞིག་ཡིན་པར་ཤེས་ཏེ། ཁོར་རྒྱུ་འབྱོར་གྱིས་དབུལ་བར་སྐྲག་དགོས་དོན་མེད། ད་ལྟ་སྲིད་ཇུས་བཟང་པོ་ཡོད་པས། རང་ཉིད་ཀྱིས་རང་གི་འཚོ་བའི་དོན་དུ་འབད་པ་བྱོས། ལེ་ལོ་སྒྱིད་ལུག་གི་དབང་དུ་མ་སོང་བར་བྱས་ན། འཚོ་བ་བཟང་པོར་ལོངས་སྤྱོད་ཐུབ་པར་དཀའ་ཁག་ཅི་ཡོད་ཅེས་ཡང་ནས་བསྐྱར་དུ་སློབ་གསོ་བྱས་པར་མ་ཟད། ལས་སྒྲུབ་ཚོ་ཆུང་གི་བཀོད་སྒྲིག་འོག་ཏུ་ཁོ་རང་ཡུལ་ཚོའི་ནང་དུ་ལས་གླ་བྱེད་པར་ཁྲིད། དེ་ལྟར་ཧྲུའུ་ཅི་ཧྥང་དབྱིན་དང་ལས་སྒྲུབ་ཚོ་ཆུང་གི་ལས་བྱེད་པ་ཚོའི་སྣེ་ཁྲིད་དང་། ཁོ་རང་ཉིད་ཀྱི་འབད་པར་བརྟེན་ཏེ། ཁྱིམ་ཚང་དབུལ་པོའི་གནས་ནས་གྲོལ་བར་གྱུར་ལ། རང་གི་བྱིས་པ་གཉིས་པོའང་བྱིས་གཉོར་ཁང་དུ་མངགས་འདུག །ཁོས་ཧྥང་དབྱིན་ལ། ད་ནས་བཟུང་དབུལ་ཞྭ་མི་གྱོན་སེམས་ཐག་ཡིན། ངས་རང་ཉིད་ཀྱི་ལག་པ་ཟུང་ལ་བརྟེན་ཏེ། འཚོ་བ་མཛེས་སྡུག་དང་ལྡན་པ་ཞིག་རོལ་ངེས་ཡིན་ཞེས་བཤད།
མགོན་པོའི་འགྱུར་ལྡོག་གིས་སྡེ་དམངས་རྣམས་ལ་ཤུགས་རྐྱེན་བཟང་པོ་བཞག སྡེ་དམངས་རྣམས་ལ་རྒྱལ་ཁབ་ཀྱི་སྲིད་ཇུས་ནས་ངལ་རྩོལ་གྱི་ལག་རྩལ་སོགས་བསླབས་ཏེ། ཁོ་ཚོའི་བསམ་བློར་འགྱུར་ལྡོག་ཐེབས་པར་མ་ཟད། སྣུམ་ཚལ་དང་། སྔོ་ཚལ་སོགས་འདེབས་འཛུགས་དང་། ཁང་རྩིག །རྡོ་རྐོ་སོགས་ཀྱི་ལག་རྩལ་ཀྱང་ཁོང་དུ་ཆུད་པས། ཧྲུའུ་ཅི་དང་པོ་སླེབས་པ་ནས་བཟུང་། ཐོན་ལས་ཀྱི་དབུལ་སྐྱོར་ཡང་ཡོད་པར་གྱུར་པས། སྡེ་དམངས་ཀྱི་སེམས་པ་རེ་བས་ཁེངས་ཤིང་། དམིགས་འབེན་གསལ་ཞིང་ཧུར་སེམས་ཀྱང་ཆེ་བར་གྱུར་ཏོ། །
ཐོན་ལས་དབུལ་གྲོལ་འཕེལ་རྒྱས་བཏང་སྟེ། སྡེ་དམངས་ཕྱུག་པོའི་ལམ་དུ་བཀོད།
走访贫困户家中了解情况
2017ལོའི་ལོ་མཇུག་ཏུ། ཧྥང་དབྱིན་གྱིས་ལོ་ངོ་གཉིས་རིང་འགན་ཡུན་རྫོགས་ཤིང་། ཕྱིར་རྗོང་ཐོག་ཏུ་ལོག་ན་ཆོག་པ་ཡིན་མོད། མཐར་མང་ཚོགས་རྣམས་ཀྱི་རེ་བ་ཇི་བཞིན། རྗོང་ཐོག་ཏུ་ཕྱིར་མ་ལོག་པར་མུ་མཐུད་བཀྲ་སྐོར་སྡེ་པར་བྱ་བ་སྒྲུབ་རྒྱུའི་ཐག་བཅད། དེ་ནི་བཀྲ་སྐོར་སྡེ་པའི་མང་ཚོགས་ཚོའི་རེ་བ་ཁོ་ན་ཙམ་གྱིས་བསྡད་པའང་མ་ཡིན་པར། རང་ཉིད་གནས་དང་བྲལ་མི་ཕོད་པ་ལྟ་བུའི་བརྩེ་བ་ཆགས་ཟིན་པས་རེད། 2018ལོ་ནི་སྡེ་པ་དེ་ཉིད་དབུལ་གྲོལ་བྱས་ཏེ། དབུལ་ཞྭ་ཕུད་དགོས་པའི་ལོ་འཁོར་གལ་ཆེན་ཞིག་ཡིན་ལ། ཏག་ཏག་ལོ་འཁོར་དེར་ཧྥང་དབྱིན་གྱི་ཆུང་མར་མངལ་ཆགས་ཡོད་པས། རང་གི་ཆུང་མའི་གམ་ནས་ཆུང་མར་འདུག་རོགས་བྱ་དགོས་པའི་ཚད་དུ་ཡོད་ནའང་། བཀྲ་སྐོར་སྡེ་པ་དབུལ་གྲོལ་བྱེད་པའི་ལས་དོན་ལ་གཡེང་ཆེས་པས། ཐ་ན་ཆུང་མར་ཕྲུ་གུ་བཤའ་བཙའ་བྱེད་པའི་སྐབས་སུའང་འགྲོ་ཁོམ་བྱུང་མི་འདུག
ཁོས་ཆུང་མར་ཕྲུ་གུ་བཙའ་བའི་སྐབས་སུའང་འགྲོ་ཁོམ་མ་བྱུང་བས། ངས་བྱ་བ་འདི་ལེགས་པར་བསྒྲུབ་དགོས། དེ་ལྟར་བྱས་ན་ཆུང་མར་ཡང་བཤད་རྒྱུ་ཞིག་འདུག་ལ། མང་ཚོགས་རྣམས་ཀྱི་ཡིད་ཆེས་ཀྱང་སྟོང་ཟད་དུ་མི་འགྲོ་ཞེས་བཤད།
ཁོ་དང་ལས་སྒྲུབ་ཚོ་ཆུང་གི་ལས་བྱེད་པ་ཚོས་དཔྱད་སྡུར་ཡང་ཡང་བྱས་མཐར། བཀྲ་སྐོར་སྡེ་པ་དབུལ་གྲོལ་བྱ་དགོས་ན། ངེས་པར་དུ་ཐོན་ལས་འཕེལ་རྒྱས་སུ་གཏོང་དགོས་པའི་བསམ་བློ་སྐྱེས་པས། ཁོ་ཚོ་ཡང་བསྐྱར་ཁྱིམ་ཚང་རེ་རེར་སོང་སྟེ་བསམ་འཆར་དྲིས་ཤིང་། ཡུལ་ཚོ་དང་། རྗོང་ཐོག་སོགས་སུ་སོང་སྟེ། སྡེ་པ་དེར་འཚམས་པའི་ཐོན་ལས་འཕེལ་རྒྱས་ཀྱི་ལམ་བུ་ཞིག་རྙེད་པར་གྱུར།
2018ལོར། “ཀྲི་པུའུ།+ཁྱིམ་ཚང་།+ཁེ་བགོ”ཡི་འཕེལ་རྒྱས་ཀྱི་རྣམ་པས། མ་རྩའི་རྣམ་གྲངས་བཞི་ཡི་ཁྱོན་སྒོར་ཁྲི་105.69བེད་སྤྱོད་བཏང་སྟེ། བཀྲ་སྐོར་སྡེ་པའི་སྐྱེ་ཁམས་དབུལ་སྐྱོར་ཏེ། རོང་གྲོང་གི་ལྗོངས་རྒྱུ་སྣེ་ལེན་བྱེད་གནས་བཙུགས་ཤིང་། རྣམ་གྲངས་དེས་ཁྱིམ་ཚང་དབུལ་པོའི་ཁྱིམ་ནས་ཡོང་བའི་མི་མགོ་བདུན་གྱི་ལས་ཞུགས་གནད་དོན་ཐག་གཅོད་བྱས་པར་མ་ཟད། ཡིག་ཚགས་བཀོད་ཅིང་བྱང་བུ་བཟོས་པའི་དབུལ་པོ་རེ་རེར་ལོ་གཅིག་གི་རིང་ལ་ཡོང་འབབ་སྒོར་400ལྷག་རེ་བགོ་ཆོག་པར་གྱུར་ལ། ཐུན་མོང་གི་དཔལ་འབྱོར་ཡོང་འབབ་ཀྱང་སྒོར་ཁྲི་9ལྷག་ཅིག་འཕར་བར་བྱས། དེ་དང་ཆབས་ཅིག་ཏུ། ཆེ་ཆུང་ལ་མུའུ་120ཡོད་པའི་སྣུམ་ཚལ་འདེབས་སའི་རྟེན་གཞི་བཙུགས་པ་དང་། ཆེ་ཆུང་ལ་མུའུ་5ཡོད་པའི་སྤྲོ་འཆམ་ལྟ་སྐོར་དང་། སྨན་ལྡུམ་འདེབས་འཛུགས་གཉིས་པོ་གཅིག་འདུས་ཡིན་པའི་རྩྭ་པདྨའི་དཔེ་སྟོན་མུའུ་དང་། མེན་དབྱང་དགེ་འོས་སློབ་གླིང་དང་ཐུན་མོང་གིས་ཆེ་ཆུང་ལ་མུའུ1.2ཡོད་པའི་གྲོ་མའི་དཔེ་སྟོན་མུའུ་བསྐྲུན་ཅིང་། སྡེ་པ་ཡོངས་དབུལ་གྲོལ་ཕྱུག་འགྱུར་གྱིས་འབྱོར་འབྲིང་སྤྱི་ཚོགས་སུ་བསྐྱོད་པར་རེ་བ་སྔར་བས་ཆེ་བར་གྱུར་ལ། 2018ལོའི་ལོ་མཇུག་ཏུ་བདེ་བླག་ངང་དབུལ་ཞྭ་ཕུད་ཐུབ་པར་གྱུར།
ད་ལྟ། བཀྲ་སྐོར་སྡེ་པའི་ཡུངས་དཀར་མེ་ཏོག་རབ་ཏུ་བཞད་ཅིང་། ཧྥང་དབྱིན་གྱི་སེམས་པའང་དགའ་བ་དང་སྤྲོ་བ་ཚད་མེད་ཀྱིས་ཁེངས་འདུག་སྟེ། སྡེ་པ་འདིར་ལོ་ངོ་གསུམ་གྱི་རིང་ལ་འབད་པ་ཆེས་ཆེར་བྱས་ལ། ཁོ་དང་མང་ཚོགས་དབར་གྱི་མཛའ་བརྩེའི་མེ་ཏོག་ཀྱང་གནས་འདིར་བཞད་ཡོད་པས། ཁོ་རང་སྡེ་པ་འདིར་དགའ་ཞིང་། སྡེ་པ་འདིར་དུངས་སོ། །
2015年9月，阿坝州壤塘县公安局政工监督室副主任方映下派到茸木达乡啄坤村当第一书记。3年多来，村里人都喊他“严夺巴”(藏语称警察为“严夺巴”)，曾经贫穷落后的村子在他的带领下，日子越过越红火了。
方映走在这条曾经走过无数次的道路上感慨万千。这里有他3年多的艰辛，这里承载了他与村民最深的情感，他始终坚信这个美丽的村庄一定会越来越好。