སྤྱོད་པ་དག་མས་གཞན་དོན་ལྷུར་མཛད་ཅིང་། ཐུགས་རྩེས་ནད་རིགས་ཀུན་འཇོམས་གཞན་དོན་སྐྱོང་།

  

སྡེ་དགེའི་རྣམ་པ་གསར་པ། ཀོང་ཙི་ཧྥང་གིས་པར་བླངས།
今日德格县城 图 / 龚自华

 ཏང་གི་མི་རིགས་སྲིད་ཇུས་ཀྱི་འོད་སྣང་འོག །སྡེ་དགེ་རྫོང་སྨན་རྩིས་ཁང་གིས་ལོ་ངོ་མང་པོར་དཀའ་བ་ཁྱད་དུ་བསད་ཅིང་། མི་རིགས་ཀྱི་གསོ་རིག་རིག་གནས་རྒྱུན་འཛིན་དང་དར་སྤེལ་དུ་བཏང་ཞིང་། དུས་རབས་ཀྱིས་བསྩལ་པའི་གསོ་རིག་ལས་དོན་གྱི་བགྲོད་ལམ་དུ་བརྩོན་པ་ལྷུར་ལེན་གྱིས་སྙིང་སྟོབས་ཞུམ་མ་མྱོང་། སྡེ་དགེ་རྫོང་སྨན་རྩིས་ཁང་གིས་བོད་ལུགས་གསོ་རིག་གི་གནའ་དཔེ་སྔོག་འདོན་དང་མྱུར་སྐྱོབ། དམངས་ཁྲོད་ཀྱི་སྨན་བཅོས་ཉམས་མྱོང་ཕྱོགས་སྒྲིག །ནད་ཐོག་སྨན་བཅོས་ཀྱི་ངོས་འཛིན། འཇོན་ཐང་ལྡན་པའི་མི་སྣ་གསོ་སྐྱོང་སོགས་ཀྱི་མཛད་ཕྲིན་ཁུར་དུ་བཞེས་ཏེ། ཁྱབ་ཁོངས་མང་པོ་མཉམ་དུ་འཕེལ་རྒྱས་སུ་འགྲོ་བའི་རྣམ་པ་ཆགས་ཤིང་། བོད་ལུགས་གསོ་རིག་ལས་དོན་ཁྱོན་ཡོངས་ནས་འཕེལ་རྒྱས་སུ་ཕྱིན་པར་སྐུལ་འདེད་བཏང་བར་བརྟེན་གཡུར་དུ་ཟ་བའི་གྲུབ་འབྲས་ཐོབ། གྲུབ་འབྲས་དེ་དག་ཀྱང་མི་རིགས་གསོ་རིག་ཁྲོད་ཀྱི་མེད་ཐབས་མེད་པའི་སྟོབས་ཤུགས་ཤིག་ཏུ་གྱུར་ཡོད་པར་མ་ཟད། ཞིང་ཆེན་ཡོངས་ཀྱི་སྨན་པའི་ཁྲོད་དུ་ཀྱང་དཔེ་སྟོན་གྱི་ནུས་པ་ཐོན་ཡོད།

     དུས་རབས་ཀྱི་འཕེལ་འགྲོས་དང་བསྟུན་ནས་སྡེ་དགེ་རྫོང་སྨན་རྩིས་ཁང་གིས་བོད་ལུགས་གསོ་རིག་གི་འཕེལ་རྒྱས་ལ་སྔར་ལས་རྒྱ་ཆེ་བའི་འཕེལ་རྒྱས་ཀྱི་ཁོར་ཡུག་དང་གསར་གཏོད་ཀྱི་བར་སྟོང་ཞིག་བསྐྲུན་ངེས་ཤིང་། རྒྱ་ཆེའི་བོད་ལུགས་གསོ་རིག་གི་ཕྱག་ལས་གནང་མཁན་ཚོས་ཀྱང་བོད་ལུགས་གསོ་རིག་གི་སྲོལ་རྒྱུན་གཞུང་དང་ལག་རྩལ་གསར་གཏོད་ལ་འབད་འབུངས་བྱས་པ་དང་། མི་རིགས་ཀྱི་ནད་ཐོག་སྨན་བཅོས་ལ་ཧུར་ཐག་གིས་ལག་རྩལ་གོང་འཕེལ་དུ་བཏང་ནས་བོད་ལུགས་གསོ་རིག་གི་འཕེལ་རྒྱས་ལ་སྐུལ་འདེད་བཏང་ཡོད།

འདིར་ལྷག་བསམ་རྣམ་དག་གིས་སྡེ་དགེ་རྫོང་སྨན་རྩིས་ཁང་གིས་བོད་ལུགས་གསོ་རིག་གི་ཁྱད་ཆོས་མ་དོར་བར་ཚན་རིག་ཞིབ་འཇུག་ལ་མཐོང་ཆེན་བྱས་ནས་ཁྱད་ཆོས་ལྡན་ཞིང་གྲུབ་འབྲས་གཟེངས་སུ་ཐོན་པའི་སྨན་ཁང་གི་ལས་དོན་གཉེར་བར་བརྟེན་ནད་ཀྱིས་མནར་བའི་མང་ཚོགས་ཀུན་སྡུག་བསྔལ་ལས་ཐར་དུ་འཇུག་ཐུབ་པའི་རེ་བ་ཞུའོ། །