2016ལོའི་ཟླ་10པའི་ཚེས་21ཉིན། རྔ་བ་ཁུལ་ཆུ་ཆེན་རྫོང་གི་ལོ་ན་96ལོན་པའི་བོད་རིགས་དམར་དམག་རྒན་པ་ཀྲང་ཀྲུའུ་ཆིང་དང་བུ་རབས་ཚ་རྒྱུད་རྣམ་པ་བརྙན་འཕྲིན་བརྒྱུད་ནས་ཀྲུང་དབྱང་གི་དམར་དམག་རྒྱང་སྐྱོད་རྒྱལ་ཁ་ཐོབ་ནས་ལོ་80འཁོར་བའི་དྲན་གསོའི་ཚོགས་ཆེན་ལ་ལྟ་བཞིན་འདུག རྒྱལ་གླུ་ལེན་པའི་བར་མཚམས་དེར་ཀྲང་ཀྲུའུ་ཆིང་གི་མིག་མཐའ་མཆི་མས་ཁེངས།
སྔོན་གཤེགས་དཔའ་བོ་རྣམས་ཀྱིས་ཀྲུང་གོ་གསར་བརྗེའིི་ཆེད་དུ་ཁྲག་དང་དངུལ་ཆུ་བཏོན། རང་ཉིད་ཤི་རྨས་སུ་མ་སོང་བར་རྒྱལ་ཁབ་ཀྱི་སྟོབས་འབྱོར་མངའ་ཐང་རྒྱས་པར་དཔང་མི་བྱས་ཡོད་ཅེས། ཉིན་དེར། ཀྲང་ཀྲུའུ་ཆིང་གིས་གསར་འགོད་པར་ཁོ་རང་གི་དམར་དམག་ཏུ་ཞུགས་པའི་གཏམ་རྒྱུད་ངོ་མཚར་བ་དེ་བཤད་བྱུང་།
བཅར་འདྲིའི་བརྒྱུད་རིམ་ཁྲོད་གསར་འགོད་པས་རྒྱུས་ལོན་བྱུང་བ་ལྟར། བོད་རིགས་དམར་དམག་རྒན་པ་ཀྲང་ཀྲུའུ་ཆིང་གིས་བུ་རབས་ལ་སློབ་གསོ་གཟབ་ནན་བྱེད་པ་དང་། ནམ་རྒྱུན་ཁོ་རང་གི་དམར་དམག་ཏུ་ཞུགས་པའི་གཏམ་རྒྱུད་ཡང་ཡང་བཤད་པར་དགའ། ཁོས་ཤུགས་རྐྱེན་འོག 1975ལོར་བུ་གསུམ་པ་ཀྲང་ཞིན་ཀང་དམག་ལ་ཞུགས་ཤིང་ཀྲུང་གོ་མི་དམངས་བཅིངས་འགྲོལ་དམག་ལ་ཞུགས། 1979ལོར་ཝེད་ནམ་ལ་གཏད་པའི་རང་སྲུང་འགོག་རྒོལ་འཐབ་འཛིང་དུ་ཞུགས་ཤིང་རིམ་གསུམ་མཛད་རྗེས་ཀྱི་མཚན་སྙན་ཐོབ།
1980ལོར་དམག་ཁོངས་ནས་ཕྱིར་བུད་དེ་ཕ་ཡུལ་དུ་ལོག་རྗེས། ཀྲང་ཞིན་ཀང་གིས་ཡུལ་ཚོའི་ཏང་ཀྲི་པུའུ་ཧྲུའུ་ཅི་ཡི་འགན་ཁུར་ཏེ། ཁྱིམ་ཚང་སུ་ལ་དཀའ་ཁག་ཕྲད་ན་ཁོ་ཚོར་རོགས་རམ་བྱེད་ངེས།
ཀྲང་ཀྲུའུ་ཆིང་ཚང་དུ། ཚ་བུ་ཀྲང་ཁྲའོ་ཆོན་དང་ཀྲང་ཁྲའོ་ཅིན། ཀྲང་ཁྲའོ་ཧའེ་བཅས་ཡང་དམག་ལ་ཞུགས་མྱངས། ཚ་མོ་ཀྲང་ཁྲའོ་ཡན་ད་ལྟའི་བར་དུ་ཞི་ཨན་ན་དམག་ལ་ཞུགས་ཡོད། །