བསང་སྐོར་བྱེད་བཞིན་པ།
出征仪式上的马队
དང་པོ། གེ་སར་རྒྱལ་པོའི་ཞབས་རྗེས་འཚོལ་ཞིབ་བྱེད་སྒོའི་ཉིན་ཐོ།
探索格萨尔王足迹
སྤྱི་ལོ་2019ལོའི་ཁམས་ཁུལ་དུ་བསྐྱོད་ནས་གླིང་གེ་སར་རྒྱལ་པོའི་ཞབས་རྗེས་འཚོལ་ཞིབ་བྱེད་སྒོའི་རྡོག་ཐོན་མཛད་སྒོ་དེ་སྤྱི་ཟླ་8པའི་ཚེས་1ཉིན་གྱི་སྔ་དྲོར་གླིང་གེ་སར་རྒྱལ་པོའི་འཁྲུངས་ཡུལ་སྡེ་དགེ་ཨ་ཕྱུག་རྩྭ་ཐང་དུ་སྤེལ་ཡོད། རྡོག་ཐོན་མཛད་སྒོའི་ཐོག་ཀྲུང་གུང་སྡེ་དགེ་རྫོང་ཨུའི་ཧྲུའུ་ཅི་སྐལ་བཟང་གཡང་དྲུང་ལགས་ཀྱིས་སྤྲོ་སེམས་རབ་ཏུ་འཁོལ་བའི་ཤིས་ཚིག་ཕུལ་བ་དང་རྒྱལ་ཡོངས་གེ་སར་ལས་དོན་འགོ་ཁྲིད་ཚོ་ཆུང་གཞུང་ལས་ཁང་གི་ཀྲུའུ་རེན་ནོར་བུ་དབང་ལྡན་གྱིས་གསུང་བཤད་གནང་བ་མ་ཟད། གེ་སར་འཁྲུངས་ཡུལ་འགྲིམ་པའི་བྱེད་སྒོ་སྐབས་བཞི་པའི་ཁམས་ཁུལ་དུ་བསྐྱོད་ནས་གླིང་གེ་སར་རྒྱལ་པོའི་ཞབས་རྗེས་འཚོལ་ཞིབ་བྱེད་སྒོ་དངོས་སུ་འགོ་ཚུགས་པའི་ཁྱབ་བསྒྲགས་ཀྱང་གནང་།
སྡེ་དགེའི་རྫོགས་ཆེན་གྱི་གེ་སར་འཆམ།
德格竹庆寺格萨尔藏戏
ང་རང་ཐེངས་འདིའི་གེ་སར་ཞབས་རྗེས་འཚོལ་ཞིབ་བྱེད་བྱེད་སྒོའི་ཚོ་ཆུང་དང་པོའི་ནང་ཞུགས་པའི་གོ་སྐབས་བྱུང་ཞིང་། དེ་ཡང་ཚོགས་ཆུང་དང་པོ་དེ་སི་ཁྲོན་ཞིང་ཆེན་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། དཀར་མཛེས་ཁུལ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། སྡེ་དགེ་རྫོང་ནང་བསྟན་མཐུན་ཚོགས་ཀྱི་ཚོགས་གཙོ་དཔལ་རྒྱལ་རིན་པོ་ཆེ་དང་། སི་ཁྲོན་ཁམས་པའི་རིག་གནས་ཞིབ་འཇུག་ཁང་གི་འགོ་འཛིན་གཞོན་པ་ཡང་ཧྲེང་ལགས། དཀར་མཛེས་གེ་སར་རིག་གཞུང་ལྷན་ཚོགས་ཀྱི་ཆེད་མཁས་ལེའུ་ཨན་ཆོན་སོགས་ཀྱིས་གཙོས་པའི་ཁྱོན་ཁོངས་མི་23་ལས་གྲུབ། ཚོ་ཆུང་གཉིས་པ་དེ་སི་ཁྲོན་ཁམས་པའི་རིག་གནས་ཞིབ་འཇུག་ཁང་གི་དབུ་ཁྲིད་འཇིགས་མེད་ཆོས་དབྱིངས་དང་། དགེ་རྒན་ཆེན་མོ་ཀརྨ་རྒྱལ་མཚན། གངས་ལྗོངས་ཉི་གཞོན་གྱི་སྤྱི་ཁྱབ་རྩོམ་སྒྲིག་པ་དཀོན་མཆོག་རྡོ་རྗེ། དཀར་མཛེས་རྫོང་སྲིད་གྲོས་ཀྱི་ཀྲུའུ་ཞི། གེ་སར་ཆེད་མཁས་པ་ལྕགས་རྡོ་སོགས་ཁྱོན་ཆེད་མཁས་པ་22ལས་གྲུབ་ཡོད་ཅིང་། ཚོ་ཆུང་གཉིས་པོས་སྤྱི་ཟླ་8པའི་ཚེས་1ཉིན་གྱི་སྔ་དྲོར་གླིང་གེ་སར་གྱི་འཁྲུངས་ཡུལ་སྡེ་དགེ་རྫོང་ཨ་ཕྱུག་གྲོང་བརྡལ་གྱི་གེ་སར་དངོས་མང་བཤམས་མཛོད་ཁང་དང་གེ་སར་རྗེས་དྲན་ཁང་སོགས་ཨ་ཕྱུག་རྩ་ཐང་གི་གེ་སར་རྗེས་ཤུལ་དང་ངག་རྒྱུན་སྐོར་ལ་རྟོག་ཞིབ་བྱས་ཡོད། དཔལ་རྒྱལ་རིན་པོ་ཆེས་ས་གནས་དངོས་ནས་ངོ་སྤྲོད་གནང་བ་བརྒྱུད་ཨ་ཕྱུག་རྩ་ཐང་དུ་འདུ་ར་སྟག་ཐང་ཁྲ་མོ་དང་། སྤྱི་རྒྱལ་སྟག་རི་ཞེས་པ་སོགས་གླིང་སྒྲུང་ནང་བརྗོད་པ་ལྟར་ས་མིང་མ་ཉམས་པ་ཡོད་པ་དང་། གླིང་གིས་ཇོ་རུ་ས་མཐར་སྤྱུགས་རྒྱུའི་སྐོར་གྲོས་བྱེད་སྐབས་ཁྲོ་ཐུང་གིས་བྲག་རི་ནག་བསེ་རག་གི་ཡུལ་ནས་བརྒྱུད་དེ་མར་འབུད་དགོས་ཟེར་བ་དང་། རྒྱ་ཚས་གསུངས་ན་ལྕི་ཡང་འཛོམ་ཉི་མ་ཤར་ཡག་ནས་ཡར་མངགས་དགོས་ཞེས་གསུངས་པས། ཐམས་ཅད་ཀྱིས་དེར་གྲོས་འཆམ་ནས་ཐག་བཅད་པ་སོགས་ཀྱི་ངོ་མཚར་གཏམ་རྒྱུད་ངོ་སྤྲོད་གནང་།
ཚོ་ཆུང་གཉིས་ཀྱི་རྟོག་ཞིབ་ཉིན་ཐོ།
རྒྱ་ཚ་ཞལ་དཀར་སྐུ་བཤེགས་ས།
嘉擦大将牺牲之地
རྒྱལ་ཡོངས་གེ་སར་གཞུང་ལས་ཁང་གི་ཀྲུའུ་རེན་ནོར་བུ་དབང་ལྡན་གྱིས་གླིང་འགུ་ཟི་དགོན་དུ་གླིང་གི་རྗེས་ཤུལ་སྐོར་རྟོག་ཞིབ་གནང་བཞིན་པ།
全国格办主任诺布旺丹在俄支寺考察灵国古都遗址
སྒ་བདེ་དང་འདན་མས་མཉམ་དུ་བཞེངས་པའི་མཁར་ཤུལ།
江达县的嘎德大将和丹麻大将共同修建的城堡遗址。
སྒ་བདེ་དང་འདན་མས་མཉམ་དུ་བཞེངས་པའི་མཁར་ཤུལ།
江达县的嘎德大将和丹麻大将共同修建的城堡遗址。
སྤྱི་ཟླ་8པའི་ཚེས་3ཉིན། ཚོ་ཆུང་དང་པོ་མཚོ་སྔོན་ཡུལ་ཤུལ་ཁྲི་འདུ་རྫོང་དུ་བསྐྱོད་ནས་སྒ་སྡེ་ཆུ་རྫོང་སོགས་འབྲེལ་ཡོད་རྗེས་ཤུལ་ལ་རྟོག་ཞིབ་བྱས།
考察组在玉树囊谦县达纳考察
ཚོ་ཆུང་གཉིས་པས་ནང་ཆེན་རྫོང་ཁོངས་ཀྱི་བྱང་རྟ་རྣ་དགོན་དུ་རྟོག་ཞིབ་བྱས་ཤིང་། བྱང་རྟ་རྣ་དགོན་དུ་བཞུགས་པའི་གླིང་གི་སྐབས་ཀྱི་གནའ་རྫས་དང་གནའ་ཤུལ་དང་། གླིང་དཔའ་རྟུལ་སུམ་ཅུའི་སྐུ་གདུང་མཆོད་རྟེན་སོགས་འབྲེལ་ཡོད་རྗེས་ཤུལ་སྐོར་ལ་རྟོག་ཞིབ་བྱས།
ཡུལ་ཤུལ་གྱི་ཁྲེང་འདུ་རྫོང་གི་སྒ་བདེའི་མཁར་ཤུལ།
玉树称多县的嘎德大将城堡遗址
གདོང་ཚང་གི་དངོས་མང་བཤམས་སྟོན་ཁང་ལ་རྟོག་ཞིབ་གནང་བཞིན་པ།
考察组在玉树东仓博物馆考察
ཡུལ་ཤུལ་དུ་འཚོགས་པའི་བཞུགས་མོལ་ཚོགས་འདུ།
玉树召开座谈会
འབྲི་སྟོད་ཀྱི་གེ་སར་སྒྲུང་པ་དང་རྟོག་ཞིབ་ཚོགས་པའི་ཆེད་མཁས་པ་རྣམ་པ།
治多县格萨尔艺人与考察组成员合影
སྤྱི་ཟླ་8པའི་ཚེས་6ཉིན། ཚོ་ཆུང་དང་པོ་མཚོ་སྔོན་མགོ་ལོག་དར་ལག་རྫོང་དུ་འབྱོར་ཞིང་། བརྗིད་ཉམས་ལྡན་པའི་གེ་སར་རྒྱལ་པོའི་སྐུ་འདྲ་དང་། འབྲུག་མོ་ཐང་ཆེན། ནིས་ཆུང་མཚོ། ཨ་མྱེ་རྨ་ཆེན་སྤོམ་ར། སྐུ་མཁར་སེང་འབྲུག་སྟག་རྩེ་སོགས་མི་བཟོས་དང་རང་བྱུང་དངོས་དབྱིབས་ལ་རྟོག་ཞིབ་བྱས།
ཚོ་ཆུང་གཉིས་པས་རྨ་སྟོད་རྫོང་ནས་འབྲི་སྟོད་དང་རྨ་ཆེན་རྫོང་དུ་བསྐྱོད་ཅིང་། རྨ་སྟོད་རྫོང་གྲོང་གི་གླིང་གེ་སར་རྒྱལ་པོའི་ཐང་ཆེན་དང་དེ་བཞིན་ལམ་རྒྱུད་ཀྱི་འབྲེལ་ཡོད་གེ་སར་རིག་གནས་རྗེས་ཤུལ་སྐོར་ལ་རྟོག་ཞིབ་བྱས།
སྤྱི་ཟླ་8པའི་ཚེས་7ཉིན། ཚོ་ཆུང་དང་པོ་མཚོ་སྔོན་དར་ལག་རྫོང་ནས་ཐོན་ཏེ་དགའ་བདེ་རྫོང་དང་། རྨ་ཆེན་རྫོང་དུ་བསྐྱོད་ནས་འབྲེལ་ཡོད་གེ་སར་རིག་གནས་རྗེས་ཤུལ་འཚོལ་ཞིབ་བྱས།
དར་རི་རྫོང་ཁྲ་གླིང་དགོན་པའི་གེ་སར་རྣམ་ཐར་ཚོགས་པ།
达日县查林寺格萨尔藏戏团
སྤྱི་ཟླ་8པའི་ཚེས་8ཉིན། ཚོ་ཆུང་དང་པོ་རྨ་ཆེན་རྫོང་ནས་ཐོན་ཏེ་གཅིག་སྒྲིལ་རྫོང་དུ་འབྱོར་ཞིང་། འབྲེལ་ཡོད་གེ་སར་རིག་གནས་རྗེས་ཤུལ་ལ་རྟོག་ཞིབ་བྱས།
ཚོ་ཆུང་གཉིས་པ་རྨ་ཆེན་རྫོང་གྲོང་ནས་ཐོན་ཏེ་རྨ་ཆུ་རྫོང་ཁོངས་སུ་འབྲེལ་ཡོད་གེ་སར་རིག་གནས་རྗེས་ཤུལ་ལ་རྟོག་ཞིབ་བྱས།
སྤྱི་ཟླ་8པའི་ཚེས་9ཉིན། ཚོ་ཆུང་དང་པོ་མཚོ་སྔོན་མགོ་ལོག་གཅིག་སྒྲིལ་རྫོང་ནས་ཐོན་ཏེ་གསེར་རྟ་རྫོང་དུ་འབྱོར་ཞིང་། ལམ་རྒྱུད་དུ་པད་མ་རྫོང་དང་། གསེར་རྟ་རྫོང་ཁོངས་ཀྱི་གེ་སར་སྐོར་གྱི་འབྲེལ་ཡོད་རིག་གནས་རྗེས་ཤུལ་ལ་རྟོག་ཞིབ་བྱས།
གསེར་པའི་ཉི་འབུམ་དར་ཡག་གི་མཁར་ཤུལ།
色达县尼奔达雅金宫遗址
སྤྱི་ཟླ་8པའི་ཚེས་10ཉིན། ཚོ་ཆུང་དང་པོ་དཀར་མཛེས་ཁུལ་གསེར་རྟ་རྫོང་ནས་ཐོན་ཞིང་ལམ་བར་དུ་དཀར་མཛེས་རྫོང་དང་སྡེ་དགེ་རྫོང་ཁྲོ་པ་ཤང་དུ་སྟག་རོང་དཔོན་པོ་ཁྲོ་ཐུང་གི་མཁར་ཤུལ་སོགས་གླིང་གི་གནའ་ཤུལ་གནའ་རྫས་ལ་རྟོག་ཞིབ་བྱས།
དཀར་མཛེས་རྫོང་གི་གེ་སར་མཁར་གྲོང་།
甘孜格萨尔王城
ཚོ་ཆུང་གཉིས་པ་དཀར་མཛེས་རྫོང་ནས་ཐོན་ཏེ་སྡེ་དགེ་རྫོང་གི་རྫ་ཁོག་ཤང་དང་། ཉ་འགེ་ཤང་། དབོན་ཐོག་ཤང་། འཁོར་ལོ་མདོ་ཤང་སོགས་བརྒྱུད་ནས། འབྲུ་སྒ་བདེ་ཆོས་སྐྱོང་བེར་ནག་འཁྲུངས་ཡུལ། ཨ་ཁོད་ཐར་པའི་ཟོར་སྣའི་མཁར་ཤུལ། འོམ་བུ་ཨ་ནུ་དཔའ་སེང་གི་མཁར་ཤུལ། ཧོར་གུར་དཀར་རྒྱལ་པོ་དང་འབྲུག་མོའི་བུ་རོ་སྦས་ས་སོགས་རྗེས་ཤུལ་ལ་མཇལ་བ་དང་། དགོང་མོ་སྡེ་དགེ་རྫོང་དུ་འབྱོར།
རྒྱ་ཚའི་དངུལ་ཆུ་ཁྲོ་རྫོང་གི་མཁར་ཤུལ།
嘉擦大将水银城堡
ཀ་ཐོག་དགོན་དུ་ཉར་ཚགས་བྱས་པའི་རྒྱ་ཚའི་ཡ་ཟི་དཀར་ཕྲན།
白玉噶陀寺收藏的嘉擦大将宝刀