ཏང་འཛུགས་སྐྱོང་གིས་སྣེ་ཁྲིད་བྱེད་པའི་མཚམས་ཐིག་འདི་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་ སྐྱོང་ཁྲོད་ཁྱབ་པར་བྱེད་པ།

།

“ཏང་གིས་ཕྱོགས་ཡོངས་ནས་འགོ་ཁྲིད་བྱེད་པར་མཐའ་འཁྱོངས་དང་ཏང་འཛུགས་སྐྱོང་གི་སྣེ་ཁྲིད་ལ་ཤུགས་སྣོན་རྒྱག་རྒྱུ་ནི་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་ལ་ཁྱབ་པའི་དམར་ཐིག་ཅིག་རེད།” 2019ལོའི་ཟླ་12པའི་ཚེས་7ཉིན། ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག་ཞིང་ཨུའི་ཏང་འཛུགས་སྐྱོང་གཞུང་དོན་ཁང་གི་ཀྲུའུ་རེན་གཞོན་པ་ཁྲེང་ཝུན་མའོ་ཡིས་ཁ་རི་ཁ་ཐུག་ངང་ལྟ་བ་གསལ་སྟོན་བྱས་པ་རེད།

ཚོགས་འདུའི་ཐོག གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་ལམ་ལུགས་གསར་གཏོད་དང་ནུས་པ་འཛུགས་སྐྱོང་ལ་སྐུལ་འདེད་གཏོང་བའི་གཞི་རྩའི་རྩ་དོན་6བཏོན་ཡོད་པ་དང་། དེའི་དོན་ཚན་དང་པོ་ནི་ཏང་གིས་ཕྱོགས་ཡོངས་ནས་འགོ་ཁྲིད་བྱེད་པར་མཐའ་འཁྱོངས་བྱས་ཏེ་གཞི་རིམ་བཅོས་སྐྱོང་ཐད་ཐོག་མཐའ་བར་གསུམ་དུ་ཡང་དག་པའི་ཆབ་སྲིད་ཀྱི་ཁ་ཕྱོགས་རྒྱུན་འཁྱོངས་ཐུབ་པ་འགན་ལེན་བྱེད་དགོས་པ་དང་། བརྗོད་དོན་དེར་དམིགས་ནས་ཚང་འཛོམས་གྲོས་ཚོགས་ཐོག་ལམ་ལུགས་བཀོད་སྒྲིག་དང་ལས་དོན་བཀོད་སྒྲིག་གང་དག་བྱས་ཡོད་ཅེ་ན། ཁྲེང་ཝུན་མའོ་ཡིས་འགྲེལ་བཤད་ཞིབ་ཕྲ་བརྒྱབ་པ་རེད།

● གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་བྱེད་རིང་། ཏང་གིས་ཕྱོགས་ཡོངས་ནས་འགོ་ཁྲིད་བྱེད་པར་མཐའ་འཁྱོངས་དགོས་པའི་འགག་རྩ་ནི་ཏང་རྩ་འཛུགས་དང་རྩ་འཛུགས་གཞན་དག་བར་གྱི་འབྲེལ་བ་མཐུན་སྦྱོར་ཡོང་བ་བྱ་རྒྱུ་དེ་ཡིན།

● གཞི་རིམ་ཏང་རྩ་འཛུགས་ཀྱིས་གཞི་རིམ་བཅོས་སྐྱོང་ལ་འགོ་ཁྲིད་ནུས་ལྡན་བྱ་དགོས་ན། ཐོག་མར་ངེས་པར་དུ་རང་ཉིད་འཐབ་འཛིང་གི་བཙན་རྫོང་བརྟན་པོ་ཞིག་ཏུ་འགྱུར་བ་བྱ་དགོས།

● གཞི་རིམ་བཅོས་སྐྱོང་གི་ཕན་འབྲས་བཟང་ངན་ནི་གཙོ་བོ་ཤེས་ལྡན་མི་སྣ་ལ་རག་ལས་ཤིང་། གཞི་རིམ་ཏང་རྩ་འཛུགས་ཀྱི་ཧྲུའུ་ཅི་ནི་དེ་བས་ཀྱང་གལ་ཆེན་ནང་གི་འགངས་ཆེན་ཡིན།

གཞི་རིམ་ཏང་རྩ་འཛུགས་ཀྱི་གཞི་རིམ་བཅོས་སྐྱོང་ལ་འགོ་ཁྲིད་བྱེད་པའི་སྒྲིག་སྲོལ་དང་ལམ་སྲོལ་འཐུས་ཚང་དུ་གཏོང་བ།

ཁྲེང་ཝུན་མའོ་ཡིས་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་བྱེད་རིང་ཏང་གིས་ཕྱོགས་ཡོངས་ནས་འགོ་ཁྲིད་བྱེད་པར་མཐའ་འཁྱོངས་དགོས་པའི་འགག་རྩ་ནི་ཏང་རྩ་འཛུགས་དང་རྩ་འཛུགས་གཞན་དག་བར་གྱི་འབྲེལ་བ་མཐུན་སྦྱོར་ཡོང་བ་བྱས་ནས་ཏང་རྩ་འཛུགས་ཀྱིས་གཞི་རིམ་བཅོས་སྐྱོང་ལ་འགོ་ཁྲིད་བྱེད་པའི་སྒྲིག་སྲོལ་དང་ལམ་སྲོལ་འཐུས་སྒོ་ཇེ་ཚང་དུ་གཏོང་རྒྱུ་དེ་རེད་ཅེས་འབྲེལ་བཤད་བྱས།

དེའི་ཐད་ཚང་འཛོམས་གྲོས་ཚོགས་ཐོག་བླང་བྱ་ཁ་གསལ་བཏོན་པ་སྟེ། གྲོང་གསེབ་ཏུ་ཏང་རྩ་འཛུགས་ཀྱིས་གྲོང་མིའི་ཨུ་ཡོན་ལྷན་ཁང་དང་གྲོང་ཚོ་རིམ་པའི་ཐུན་མོང་དཔལ་འབྱོར་རྩ་འཛུགས་སོགས་འགོ་ཁྲིད་བྱེད་ཤུགས་ཆེ་རུ་གཏོང་བ། གཞི་རིམ་ཏང་རྩ་འཛུགས་ཀྱིས་འགོ་ཁྲིད་བྱེད་པ་དང་། གྲོང་མིའི་རང་སྐྱོང་རྩ་འཛུགས་དང་གྲོང་དོན་ལྟ་སྐུལ་རྩ་འཛུགས་ཀྱིས་རྨང་གཞི་བྱེད་པ། གྲོང་ཚོའི་ཐུན་མོང་དཔལ་འབྱོར་རྩ་འཛུགས་ཞིང་པའི་མཉམ་ལས་རྩ་འཛུགས་ཀྱིས་འབྲེལ་ཐག་བྱེད་པ། དཔལ་འབྱོར་དང་སྤྱི་ཚོགས་རྩ་འཛུགས་གཞན་དག་གིས་ཁ་གསབ་བྱེད་པ་བཅས་ཀྱིས་གྲོང་ཚོ་རིམ་པའི་རྩ་འཛུགས་མ་ལག་འཛུགས་པ། གྲོང་ཁྱེར་གྱི་གཙོ་གནད་ནི་སྡེ་ཁུལ་ཏང་རྩ་འཛུགས་དང་སྡོད་དམངས་ཨུ་ཡོན་ལྷན་ཁང་། ལས་རིགས་ཨུ་ཡོན་ལྷན་ཁང་། སྡེ་ལས་ཞབས་ཞུའི་ཁེ་ལས་བཅས་བར་གྱི་འབྲེལ་བ་མཐུན་སྦྱོར་དང་། སྡེ་ཁུལ་དང་སྡོད་དམངས་སྡེ་ཁུལ་ཆུང་གྲས་ཀྱི་ཏང་རྩ་འཛུགས་ཀྱིས་ཁང་བདག་ཨུ་ཡོན་ལྷན་ཁང་དང་སྡེ་ལས་ཞབས་ཞུའི་ཁེ་ལས་ལ་ལྟ་སྐུལ་དང་། དཔྱད་མོལ། དོ་དམ་མ་ལག་བཅས་འཐུས་ཚང་དུ་གཏོང་དགོས།

“སྒྲིག་སྲོལ་དང་ལམ་སྲོལ་དེ་དག་དོན་ཐོག་ཏུ་འཁྱོལ་བར་འགན་ལེན་བྱེད་ཆེད་ཚང་འཛོམས་གྲོས་ཚོགས་ཐོག་དེ་མཚུངས་ཀྱི་འགག་རྩའི་བྱ་ཐབས་བཏོན་ཡོད།” ཅེས་ཁྲེང་ཝུན་མའོ་ཡིས་དཔེ་འདི་ལྟར་བཞག་པ་སྟེ། དཔེར་ན་ངེད་ཞིང་ཆེན་གྱིས་གྲོང་ཚོའི་ཏང་རྩ་འཛུགས་ཀྱི་ཧྲུའུ་ཅིས་ཁྲིམས་ཀྱི་གཏན་འཁེལ་བྱས་པའི་གོ་རིམ་བརྒྱུད་གྲོང་ཚོ་ཨུ་ཡོན་ལྷན་ཁང་གི་ཀྲུའུ་རེན་དང་གྲོང་ཚོ་རིམ་པའི་མཉམ་སྡེབ་དཔལ་འབྱོར་རྩ་འཛུགས་ཀྱི་འགན་འཁུར་བ་ཕྱོགས་ཡོངས་ནས་ཁྱབ་གདལ་བཏང་ནས་གྲོང་ཚོའི་“ཨུ་ལྷན་གཉིས་”ཀྱི་ཚན་ཁག་གི་ཁོངས་མིས་ལས་གནས་སྣོལ་མར་འཁུར་རྒྱུ་ཁྱབ་གདལ་གཏོང་རྒྱུ་ཡིན་པ་རེད། “ཕྲག་པ་གཅིག་གིས་འཁུར་བ་”བརྒྱུད་ཏང་གི་འགོ་ཁྲིད་དང་གྲོང་མིའི་རང་སྐྱོང་གི་“ལྤགས་པ་གཉིས་”ཀྱི་གནད་དོན་ཐག་གཅོད་བྱས་པར་མ་ཟད། གྲོང་ཚོའི་ཏང་རྩ་འཛུགས་ཀྱིས་སྣེ་ཁྲིད་པའི་དཔུང་ཁག་ཀྱང་ཇེ་ལེགས་སུ་བཏང་སྟེ་གྲོང་ཚོའི་ལས་བྱེད་པ་མང་དྲགས་པ་དང་ཁ་ཐོར་དུ་སོང་བ། བཀོད་སྒྲིག་བྱ་ཆེད་བཀོད་སྒྲིག་བྱེད་པ། གླ་ཕོགས་དམའ་དྲགས་པ་སོགས་ཀྱི་གནད་དོན་སྤྱི་འདོམས་ཐག་གཅོད་བྱེད་ཐུབ། ཁོང་གིས་གྲོང་ཁྱེར་དུ་སྡེ་ཁུལ་ཏང་རྩ་འཛུགས་ཀྱི་ཧྲུའུ་ཅིས་ཁྲིམས་ཀྱིས་གཏན་འཁེལ་བྱས་པའི་གོ་རིམ་བརྒྱུད་གྲོང་ལྷན་གྱི་ཀྲུའུ་རེན་དང་“ཨུ་ལྷན་གཉིས་”ཀྱི་ཚན་ཁག་གི་ཁོངས་མིའི་ལས་གནས་སྣོལ་མར་ཁུར་ནས་གྲོང་ཚོ་ཆུང་ངུའི་ཏང་རྩ་འཛུགས་ཀྱི་ཧྲུའུ་ཅིའམ་ཡང་ན་ཁོངས་མིས་ཁྲིམས་ཀྱིས་གཏན་འཁེལ་བྱས་པའི་གོ་རིམ་བརྒྱུད་ལས་རིགས་ཨུ་ལྷན་གྱི་ཀྲུའུ་རེན་ནམ་ཡང་ན་ཁོངས་མི་བྱེད་པ་སོགས་ཀྱི་བྱ་ཐབས་ཁྱབ་གདལ་བཏང་བ་བརྒྱུད་ལས་རིགས་ཨུ་ལྷན་གྱི་ནུས་པ་འདོན་སྤེལ་ཡག་པོ་བྱེད་མི་ཐུབ་པ་སོགས་ཀྱི་གནད་དོན་ཐག་གཅོད་ཐུབ་རྒྱུ་རེད་ཅེས་བཤད་པ་རེད།

གཞི་རིམ་ཏང་རྩ་འཛུགས་དང་བཅོས་སྐྱོང་ཤེས་ལྡན་མི་སྣའི་དཔུང་ཁག་འཛུགས་སྐྱོང་བྱེད་ཤུགས་ཆེ་རུ་གཏོང་བ། “གཞི་རིམ་ཏང་རྩ་འཛུགས་ཀྱིས་གཞི་རིམ་བཅོས་སྐྱོང་ལ་འགོ་ཁྲིད་ནུས་ལྡན་བྱེད་དགོས་ན། ཐོག་མར་རང་ཉིད་ངེས་པར་དུ་འཐབ་འཛིང་གི་བཙན་རྫོང་བརྟན་པོ་ཞིག་ཏུ་འགྱུར་བར་བྱེད་དགོས།” ཞེས་ཁྲེང་ཝུན་མའོ་ཡིས་བཤད་ཅིང་། ཁོང་གིས་དེའི་ཐད་ཚང་འཛོམས་གྲོས་ཚོགས་ཐོག་ཆབ་སྲིད་ཀྱི་ནུས་པ་དང་སྒྲིག་འཛུགས་ཀྱི་ནུས་པ་མངོན་གསལ་དོད་པོ་བཏོན་ཡོད། “གྲོང་ཚོ་གཅིག་ལ་ཐབས་ཇུས་གཅིག་”གིས་ནུས་མེད་ཟབ་ཟོབ་ཀྱི་གཞི་རིམ་ཏང་རྩ་འཛུགས་བཅོས་སྒྲིག་བྱེད་པ་དང་། གྲོང་ཚོའི་ཏང་རྩ་འཛུགས་ཀྱི་རིགས་དབྱེ་གསུམ་དང་རིམ་སྤོར་གསུམ་གྱི་བྱེད་སྒོ་གཏིང་ཟབ་སྤེལ་བ། ཞིང་ཆེན་རིམ་པའི་ངོས་ནས་དུས་བཀག་ལྟར་ཕུལ་བྱུང་ཡུལ་གྲོང་（ཁྲོམ་གཞུང་）དང་། གྲོང་པ་（སྡེ་ཁུལ་） ཏང་རྩ་འཛུགས། ཕུལ་བྱུང་ཤང་གྲོང་（ཁྲོམ་གཞུང་）གྲོང་ཚོའི་（སྡེ་ཁུལ་）ལས་བྱེད་པ་སོགས་ལ་གཟེངས་བསྟོད་གནང་ནས་དོན་དངོས་དང་མཐུན་པའི་བྱ་ཐབས་སྤྱོད་དགོས།

གཞི་རིམ་བཅོས་སྐྱོང་གི་ཕན་འབྲས་བཟང་ངན་ནི་གཙོ་བོ་ཤེས་ལྡན་མི་སྣ་ལ་རག་ལས་ཡོད་ཅིང་།
གཞི་རིམ་ཏང་རྩ་འཛུགས་ཀྱི་ཧྲུའུ་ཅི་ནི་དེ་བས་ཀྱང་གལ་ཆེན་ནང་གི་འགངས་ཆེན་ཡིན། “ཏང་འཛུགས་སྐྱོང་གི་སྣེ་ཁྲིད་དེ་གཞི་རིམ་བཅོས་སྐྱོང་གི་ཤེས་ལྡན་པའི་དཔུང་ཁག་འཛུགས་སྐྱང་ཐད་དོན་སྙིང་གལ་ཆེན་ལྡན་ཡོད།” ཅེས་ཁྲེང་ཝུན་མའོ་ཡིས་ངོ་སྤྲོད་བྱས་པ་དང་། ཁོང་གིས་མིག་སྔར་གྲོང་གསེབ་ཏུ་ཕྱུག་འགྱུར་སྣེ་ཁྲིད་པ་དང་ལས་རིགས་ཁག་གི་ཆེད་ལས་ལག་རྩལ་ཤེས་ལྡན་པ་དཀོན་ཤོས་ནི་ཆེད་ལས་ཅན་གྱི་སྡེ་ཁུལ་ལས་དོན་པ་རེད། གནད་དོན་འདིར་དམིགས་ནས་ཚང་འཛོམས་གྲོས་ཚོགས་ཐོག་བྱེད་ཐབས་རབ་དང་རིམ་པ་བཏོན་ཡོད།

དཔེར་ན། གྲོང་ཚོའི་ཏང་རྩ་འཛུགས་ཀྱི་སྣེ་ཁྲིད་པའི་དཔུང་ཁག་ཇེ་ལེགས་སུ་གཏོང་བའི་བྱ་སྤྱོད་ལག་བསྟར་བྱེད་པ་དང་། ཞིང་པ་ལས་མི་ཕུལ་བྱུང་ཕྱིར་ལོག་གསོ་སྐྱོང་འདུ་འགོད་ལག་བསྟར་གཏིང་ཟབ་བྱེད་པ། ཞིང་པ་ལས་མི་ཕུལ་བྱུང་དང་། དམག་ཁོངས་ནས་ཕྱིར་ལོག་པའི་དམག་མི། གྲོང་གསེབ་ཀྱི་ཕྱུག་འགྱུར་འཇོན་ཐང་ཅན། དྲ་བ་དོ་དམ་པ། ཕ་ཡུལ་དུ་ལོག་པའི་སློབ་ཆེན་སློབ་ཐོན་སློབ་མ་སོགས་ཚོགས་སྤྱིའི་ཏང་ཡོན་ཁྲོད་ནས་གྲོང་ཚོའི་ཏང་རྩ་འཛུགས་ཀྱི་ཧྲུའུ་ཅི་གདམ་གསེས་བྱེད་ཤུགས་ཆེ་རུ་གཏོང་བ། ཡུལ་ཤོག་དང་གྲོང་རྡལ་གྱི་ལས་ཁུངས་དང་བྱ་བའི་སྡེ་ཚན་གྱི་ལས་བྱེད་པས་གྲོང་སྡེའི་ཏང་རྩ་འཛུགས་ཀྱི་ཧྲུའུ་ཅི་དང་པོའི་འགན་བཞེས་པར་བསྔགས་སྐུལ་བྱེད་པའི་སྲིད་ཇུས་དང་བྱེད་ཐབས་ཞིབ་འཇུག་དང་འཐུས་ཚང་དུ་གཏོང་བ་དང་། ཆ་རྐྱེན་འཛོམས་པའི་ལྟེ་བའི་གྲོང་ཚོ་དང་། གཙོ་གནད་གྲོང་ཚོ། ཁྱད་ཆོས་ལྡན་པའི་གྲོང་སྡེའི་ཏང་རྩ་འཛུགས་ཀྱི་ཧྲུའུ་ཅི་ཡུལ་ཚོ་དང་གྲོང་རྡལ་ཏང་ཨུའི་འགོ་ཁྲིད་ཚན་པའི་ནང་ཞུགས་རྒྱུ་སྐུལ་འདེད་གཏོང་དགོས་པ། གྲོང་ཚོའི་ལས་བྱེད་པའི་གཞི་རྩའི་གླ་ཆ་ཇེ་མང་དུ་གཏོང་བ་དང་། གྲོང་ཚོའི་ལས་བྱེད་པའི་གླ་ཕོགས་བརྟན་པོའི་ངང་འཕར་བའི་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་བ། “གྲོང་ཚོའི་ལས་བྱེད་པའི་གཞི་རྩའི་གླ་ཕོགས་+དཔྱད་ཞིབ་ལས་རྗེས་+ཐུན་མོང་དཔལ་འབྱོར་འཕེལ་རྒྱས་ཀྱི་ཡོང་འབབ་གསར་གཏོད་བྱ་དགའ་”བཅས་ཀྱི་གླ་ཆའི་ལམ་ལུགས་ཁྱབ་གདལ་གཏོང་བ་བཅས་བྱས་ཏེ་ཕུལ་བྱུང་ཤེས་ལྡན་མི་སྣ་དེ་བས་མང་བ་གྲོང་ཚོའི་ཏང་རྩ་འཛུགས་ཀྱི་སྣེ་ཁྲིད་པའི་དཔུང་ཁག་ནང་ཞུགས་རྒྱུའི་ཡིད་དབང་འགུག་དགོས། སྡེ་ཁུལ་གྱི་ལས་དོན་པའི་འཕེལ་རྒྱས་ཀྱི་ཆེད་དོན་འཆར་འགོད་དང་སྲིད་ཇུས་བྱ་ཐབས་ཞིབ་འཇུག་བཟོས་ནས་སྡེ་ཁུལ་གྱི་ཆེད་བསྐོས་ལས་དོན་པའི་ཆེད་ལས་ཅན་དང་ལས་རིགས་ཅན་གྱི་མ་ལག་འཛུགས་སྐྱོང་ལ་སྐུལ་འདེད་གཏོང་བ་སོགས་ཀྱི་བྱ་ཐབས་སྤྱད་པ་བརྒྱུད་ད་དུང་སྡེ་ཁུལ་གྱི་ལས་དོན་པའི་དཔུང་ཁག་རྒྱུན་ཆད་མེད་པར་སྟོབས་ཆེར་གཏོང་ཐུབ། ཅེས་ཁྲེང་ཝུན་མའོ་ཡིས་བཤད།

རང་རེའི་ཞིང་ཆེན་གྱིས་ཞིང་ཆེན་ཏང་ཨུའི་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་ཨུ་ཡོན་ལྷན་ཁང་འཛུགས་རྒྱུ་ཡིན་པ།

“ཚང་འཛོམས་གྲོས་ཚོགས་ཀྱིས་ཞིང་ཆེན་ཏང་ཨུའི་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་ཨུ་ཡོན་ལྷན་ཁང་འཛུགས་རྒྱུ་ཐག་བཅད་པ་རེད། ”ཅེས་2019ལོའི་ཟླ་12པའི་ཚེས་7ཉིན་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག་ཞིང་ཨུའི་ཏང་འཛུགས་སྐྱོང་གཞུང་དོན་ཁང་གི་ཀྲུའུ་རེན་གཞོན་པ་ཁྲེང་ཝུན་མའོ་ཡིས་བཤད་པ་རེད། སྒྲིག་གཞི་འདི་འདྲ་ཞིག་འཛུགས་དོན་ཅི་ཡིན་ཟེར་ན། ཁོང་གིས་གྲོང་ཁྱེར་གྲོང་གསེབ་གྱི་གཞི་རིམ་བཅོས་སྐྱོང་ནི་ཆ་ལག་ཚང་བའི་འདུ་འགོད་ཅིག་ཡིན་ཞིང་། གནས་ཚུལ་རྙོག་འཛིང་ཆེ་ལ་ཁྱབ་རྒྱ་ཆེ་བས་འགྱུར་མེད་སྟོབས་ལྡན་གྱི་འགོ་འཁྲིད་སྒྲིག་གཞི་ཞིག་མེད་ཚེ་མིག་སྔའི་གཞི་རིམ་བཅོས་སྐྱོང་ཁྲོད་གནས་པའི་འགན་ནུས་ཁ་ཐོར་དང་།
འགོ་ཁྲིད་ཚན་ཁག་དང་ས་གནས་དབྱེ་འབྱེད། མཐའ་འཚམས་མི་གསལ་བ་སོགས་ཀྱི་གནད་དོན་ཐག་གཅོད་བྱེད་ཁག་པོ་ཡོད། གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་གཅིག་འགྱུར་ཡོང་བ་བྱས་ནས་ཏང་འཛུགས་སྐྱོང་གི་སྣེ་ཁྲིད་མངོན་གསལ་དོད་པོ་ཡོང་བ་དང་སྣེ་ཁྲིད་ནུས་ལྡན་ཡོང་བའི་འགན་ལེན་བྱ་ཆེད། ཚང་འཛོམས་གྲོས་ཚོགས་ཐོག་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་ལམ་ལུགས་གསར་གཏོད་དང་ནུས་པ་འཛུགས་སྐྱོང་ལ་ཤུགས་སྣོན་རྒྱག་པའི་རྩ་འཛུགས་ཀྱི་འགོ་ཁྲིད་འཐུས་སྒོ་ཚང་དུ་གཏོང་བ་དང་། འགོ་ཁྲིད་ཀྱི་སྒྲིག་སྲོལ་དང་ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ། ཞིང་ཆེན་ཨུ་ལྷན་གྱིས་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་ཨུ་ཡོན་ལྷན་ཁང་འཛུགས་རྒྱུ་གཏན་འཁེལ་བྱེད་པ་དང་དུས་མཚུངས་གྲོང་ཁྱེར་དང་རྫོང་ཏང་ཨུའི་དེ་མཚུངས་ཀྱི་འགོ་ཁྲིད་སྒྲིག་གཞི་འཐུས་སྒོ་ཚང་དུ་གཏོང་དགོས་པའི་བླང་བྱ་བཏོན་ཡོད།

ལས་ཀའི་འགན་འཁྲི་ནན་དུ་གཏོང་ཆེད། ཚང་འཛོམས་གྲོས་ཚོགས་ཐོག་གཞི་རིམ་བཅོས་སྐྱོང་ལས་དོན་དེ་ལོ་འཁོར་གྱི་དམིགས་ཚད་ལས་རྗེས་ཕྱོགས་བསྡུས་དཔྱད་ཞིབ་ནང་བཅུག་པ་དང་། ཏང་སྲིད་འགོ་ཁྲིད་ཚན་ཁག་དང་འགོ་ཁྲིད་ལས་བྱེད་པའི་སྲིད་སྐྱོང་བྱས་རྗེས་དཔྱད་ཞིབ་ཀྱི་དམིགས་ཚད་མ་ལག་ནང་དུ་བཅུག་པ། གྲོང་ཁྱེར་དང་རྫོང་། ཡུལ་ཤོག་བཅས་ཀྱི་ཏང་ཨུའི་ཧྲུའུ་ཅིས་གཞི་རིམ་ཏང་འཛུགས་སྐྱོང་ལས་དོན་དམ་འཛིན་བྱས་ཚུལ་གསལ་ཞུ་དང་དཔྱད་མོལ་དཔྱད་ཞིབ་ཀྱིས་ནང་དོན་གལ་ཆེན་ནང་བཅུག་ནས་ཞིང་ཆེན་དང་གྲོང་ཁྱེར། རྫོང་། ཡུལ་ཤོག་བཅས་མཉམ་འགུལ་ངང་གཞི་རིམ་བཅོས་སྐྱོང་ལ་སྐུལ་འདེད་གཏོང་བའི་ལས་ཀའི་རྣམ་པ་ཞིག་ཆགས་པ་བྱེད་དགོས་པ་ནན་བཤད་བྱས་ཡོད། །