2020ལོའི་ཟླ་2པའི་ཚེས་23ཉིན། ཏོག་གསར་གློ་ཚད་རིམས་འགོག་གཅིག་གྱུར་བཀོད་འདོམས་སྐུལ་འདེད་དང་དཔལ་འབྱོར་སྤྱི་ཚོགས་འཕེལ་རྒྱས་ལས་དོན་བཀོད་སྒྲིག་ཚོགས་འདུ་པེ་ཅིན་དུ་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་ཚོགས་འདུར་ཞུགས་པར་མ་ཟད་གསུང་བཤད་གལ་ཆེན་གནང་།
2020年2月23日，统筹推进新冠肺炎疫情防控和经济社会发展工作部署会议在北京召开。中共中央总书记、国家主席、中央军委主席习近平出席会
议并发表重要讲话。 图 / 新华社
སྤྱི་ཟླ་2པའི་ཚེས་23ཉིན། ཏོག་གསར་གློ་ཚད་རིམས་འགོག་གཅིག་གྱུར་བཀོད་འདོམས་སྐུལ་འདེད་དང་དཔལ་འབྱོར་སྤྱི་ཚོགས་འཕེལ་རྒྱས་ལས་དོན་བཀོད་སྒྲིག་ཚོགས་འདུ་པེ་ཅིན་དུ་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའིི་ཀྲུའུ་ཞི་ཞི་ཅིན་ཕིང་ཚོགས་འདུར་ཞུགས་པར་མ་ཟད་གསུང་བཤད་གནང། ཁོང་གིས་ཀྲུང་ཧྭ་མི་རིགས་ལ་ལོ་རྒྱུས་ཐོག་དཀའ་ངལ་མང་པོ་འཕྲད་མྱངས་ནའང་དཀའ་ངལ་གྱི་མདུན་དུ་དཔའ་ཞུམ་མྱོང་མེད་པར། ཕམ་ཉེས་ཇི་ཙམ་བྱུང་ན་དེ་ཙམ་གྱིས་དཔའ་ངར་ཆེ་རུ་སོང་ཞིང་། དཀའ་ངལ་ཁྲོད་འཚར་ལོངས་དང་དཀའ་ངལ་ཁྲོད་དཔའ་ངར་ཆེར་སྐྱེད་ཟམ་མི་ཆད་པ་བྱུང་ཡོད། མིག་སྔར་རིམས་ནད་དུས་བབ་སྔར་བཞིན་ཛ་དྲག་དང་རྙོག་འཛིང་ཆེ་བ་དང་། སྔོན་འགོག་ཚོད་འཛིན་དེ་འགག་རྩའི་དུས་མཚམས་སུ་སླེབས་ཡོད་པས། རིམ་པ་སོ་སོའི་ཏང་ཨུ་དང་སྲིད་གཞུང་གིས་རྒྱལ་ཁ་ཐོབ་ངེས་ཡིན་པའི་ཆོད་སེམས་བརྟན་དུ་གཏང་བ་དང་། དཀའ་ངལ་ཁྱད་བསད་བྱས་ཏེ་ལྷོད་གཡེང་སྤུ་ཙམ་མི་གཏང་བར་སྔོན་འགོག་ཚོད་འཛིན་གྱི་ལས་དོན་ལ་དམ་འཛིན་གནད་འཛིན་ཞིབ་འཛིན་བཅས་བྱེད་དགོས། གནོན་ཤུགས་སྒུལ་ཤུགས་སུ་འགྱུར་བ་དང་། ཉེན་ཁ་སེལ་མཁས་པོ་བྱ་རྒྱུ་གོ་སྐབས་སུ་བརྩིས་ཏེ། ཐོན་སྐྱེད་འཚོ་བའི་གོ་རིམ་རིམ་པ་བཞིན་སླར་གསོ་བྱེད་པ་དང་། སྲ་བརྟན་དྲུག་གི་བྱ་ཐབས་ཤུགས་ཆེར་གཏང་བ། སྲིད་ཇུས་ཀྱི་སྙོམས་སྒྲིག་ཚོད་འཛིན་བྱེད་ཤུགས་ཆེ་རུ་གཏང་བ། རང་རྒྱལ་གྱི་གོང་འཕེལ་གཏོང་གཞི་ཆེན་པོ་དང་སྒུལ་ནུས་ཆེན་པོ་གང་ལེགས་མངོན་ཐུབ་པ་བྱས་ཏེ། ད་ལོའི་དཔལ་འབྱོར་སྤྱི་ཚོགས་གོང་འཕེལ་གྱི་དམིགས་འབེན་ལས་འགན་མངོན་འགྱུར་ཡོང་ཆེད་འབད་བརྩོན་བྱེད་དགོས་པ་ནན་གྱིས་བསྟན།
ཞི་ཅིན་ཕིང་གིས། ཏང་ཀྲུང་དབྱང་གི་ཚབ་ཞུས་ཏེ་རྒྱལ་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པ་དང། མང་ཚོགས་བཅས་དང་ལྷག་པར་དུ་ཧུའུ་པེ་དང་ཝུའུ་ཧན་གྱི་རྒྱ་ཆེའི་ཏང་ཡོན་ལས་བྱེད་པ་དང། མང་ཚོགས་བཅས་ལ་ལྷག་བསམ་རྣམ་དག་གིས་འཚམས་འདྲི་ཞུས་པ་དང་། རིམས་ནད་སྔོན་འགོག་ཚོད་འཛིན་གྱི་འཐབ་ས་མདུན་མར་འབད་འཐབ་གནང་བཞིན་པའི་རྒྱ་ཆེའི་སྨན་དོན་ལས་དོན་པ་དང་མི་དམངས་བཅིངས་འགྲོལ་དམག་གི་བཀོད་འཐབ་པ། འཐབ་ཕྱོགས་ཁག་གི་བློ་མཐུན་རྣམ་པ་བཅས་ལ་བླ་ན་མེད་པའི་གུས་འདུད་ཞུས། ཀང་ཨའོ་ཐའེ་ཡི་སྤུན་ཟླ་དང་། ཕྱིར་སྡོད་སྤུན་ཟླ་རྣམས་ལ་སྙིང་དབུས་ནས་ཐུགས་རྗེ་ཆེ་ཞུས་པ་དང་། རང་རྒྱལ་གྱི་རིམས་ནད་སྔོན་འགོག་ཚོད་འཛིན་ལས་དོན་ལ་རྒྱབ་སྐྱོར་སྣ་ཚོགས་གནང་མཁན་གྱི་རྒྱལ་ཁབ་དང་། རྒྱལ་སྤྱིའི་སྒྲིག་འཛུགས། མཛའ་གྲོགས་མི་སྣ་བཅས་ལ་ལྷག་བསམ་རྣམ་དག་ངང་ཐུགས་རྗེ་ཆེ་ཞུས། རིམས་ནད་ལ་འགོག་རྒོལ་བྱེད་པའི་ཁྲོད་སྟབས་མ་ལེགས་པར་འདས་གྲོངས་སོང་བའི་སྤུན་ཟླ་དང་སྐུ་གཤེགས་པའི་སྨན་དོན་མི་སྣར་སེམས་སྡུག་ཆེན་པོས་མྱ་ངན་ཞུས་པ་དང། ནད་གདོན་དང་འཐབ་འཛིང་བྱེད་བཞིན་པའི་ནད་པ་དང་ནད་པའི་ནང་མི། གཞུང་དོན་དུ་རང་སྲོག་ཤོར་བའི་མི་སྣའི་ནང་མི། ནད་གཞིས་རྐྱེན་པས་གྲོངས་པའི་ནད་པའི་ནང་མི་བཅས་ལ་ལྷག་བསམ་རྣམ་པ་དག་པས་ཐུགས་གསོའི་འཚམས་འདྲི་གནང་།
ལི་ཁེ་ཆང་གིས་གྲོས་ཚོགས་གཙོ་སྐྱོང་གནང་བ་དང་། ལི་ཀྲན་ཧྲུའུ་དང་། ཝང་དབྱང་། ཝང་ཧུའུ་ཉིང་། ཀྲའོ་ལེ་ཅི། ཧན་ཀྲེང་བཅས་གྲོས་ཚོགས་ལ་ཞུགས་ཡོད།
ཞི་ཅིན་ཕིང་གིས། ཏོག་གསར་གློ་ཚད་རིམས་ནད་ཐོན་ཚུན། ཏང་ཀྲུང་དབྱང་གིས་མཐོང་ཆེན་གནང་སྟེ་འཕྲལ་མར་བཀོད་སྒྲིག་གནང་ཡོད། རིམས་ནད་སྔོན་འགོག་ཚོད་འཛིན་གྱི་གཅིག་སྡུད་གཅིག་གྱུར་འགོ་ཁྲིད་ལ་ཁྱོན་ཡོངས་ནས་ཤུགས་སྣོན་རྒྱག་རྒྱུའི་ཐད་རིམ་ཁག་ཏང་ཨུ་དང་སྲིད་གཞུང་།དེ་བཞིན་འབྲེལ་ཡོད་སྡེ་ཁག་གིས་མི་དམངས་མང་ཚོགས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་ཡོང་རྒྱུ་ཨང་དང་པོར་འཇོག་དགོས་པ་དང་།བྱ་ཐབས་ནུས་ལྡན་བཟུང་སྟེ་རིམས་ནད་འགོས་ཁྱབ་འགྲོ་ཚུལ་གཏན་འགོག་མཐའ་གཅིག་ཏུ་བྱེད་དགོས་པའི་བླང་བྱ་བཏོན་ཡོད། ཏང་ཀྲུང་དབྱང་གིས་དུས་བབ་དང་བསྟུན་ནས་ཕྱོགས་བསྡུས་བརྡར་ཤ་བཅད་དེ་དུས་ཐོག་ཏུ་ཆོད་སེམས་བརྟན་པོར་གཏང་བ་དང་། ཕྱར་བ་གྲུ་འདེགས། ཚན་རིག་དང་མཐུན་པའི་འགོག་བཅོས། གནད་འཕིགས་ཇུས་འདོན་བཅས་ཀྱི་སྤྱིའི་བླང་བྱ་བཏོན་པ་དང་། རིམས་ནད་སྔོན་འགོག་ཚོད་འཛིན་གྱི་ཐབས་ཇུས་སྲིད་ཇུས་དུས་ཐོག་ཏུ་གཏན་ལ་ཕབ་པ། བསྡུ་ཉར་སྨན་བཅོས་བྱེད་ཚད་དང་དྲག་སྐྱེད་ཡོང་ཚད་མཐོ་རུ་བཏང་བ། ནད་དུག་འགོས་ཚད་དང་ནད་གཞིས་རྐྱེན་པས་འཆི་ཚད་ཉུང་དུ་གཏང་རྒྱུ་དེ་མངོན་གསལ་དོད་པའི་ལས་འགན་ལ་བརྩིས་ཏེ་དམ་འཛིན་བྱས་པ་དང་། ཝུའུ་ཧན་དང་ཧུའུ་པེ་དེ་རྒྱལ་ཡོངས་ཀྱི་འཐབ་ས་གཙོ་བོར་བཞག་སྟེ། ཝུའུ་ཧན་དང་ཧུའུ་པེ་ཡི་རིམས་འགོག་གི་གཅིག་གྱུར་བཀོད་འདོམས་ལ་ཤུགས་སྣོན་བརྒྱབ་པ་དང་། ས་ཁུལ་གཞན་དག་གི་སྔོན་འགོག་ཚོད་འཛིན་ལས་དོན་ལ་གཅིག་གྱུར་འཆར་འགོད་དང་དམ་འཛིན་ཡག་པོ་བྱས་པ། སྨན་སྤྱོད་དངོས་པོ་དང་འཚོ་བའི་མཁོ་ཆས་མཁོ་འདོན་འདང་ངེས་བྱས་པ། སྤྱི་ཚོགས་བརྟན་བརླིང་ལ་སྲུང་སྐྱོང་ཏན་ཏིག་བྱས་པ། དྲིལ་བསྒྲགས་སློབ་གསོ་དང་གླེང་ཕྱོགས་ཁྲིད་སྟོན་ལ་ཤུགས་སྣོན་བརྒྱབ་པ། རྒྱལ་སྤྱིའི་སྤྱི་ཚོགས་ཀྱི་རྒྱབ་སྐྱོར་བརྩོན་ལེན་ཧུར་ཐག་བཅས་བྱས་ཡོད་ཅེས་ནན་བསྟན་གནང་ཡོད།
ཞི་ཅིན་ཕིང་གིས་ཛ་དྲག་གིི་འཐབ་རྩོད་འདིའི་ཁྲོད། རིམ་པ་སོ་སོའི་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པ་མདུན་དུ་མཆོང་པ་དང་དཔའ་ངར་ཞུམ་མེད་ངང་འབད་བརྩོན་བྱས་པ། རྒྱ་ཆེའི་སྨན་དོན་ལས་དོན་པས་ཕྱིར་བཤོལ་མེད་པར་ཉིན་མཚན་དབྱེར་མེད་ངང་འབད་འཐབ་བྱས་པ། མི་དམངས་བཅིངས་འགྲོལ་དམག་གི་བཀོད་འཐབ་པ་ཚོས་བཀའ་བཞིན་བྱ་སྤྱོད་སྤེལ་བ་དང་། ལས་དོན་ལྗིད་པོ་ཕྲག་ཏུ་འཁུར་བ། རྒྱ་ཆེའི་མི་དམངས་མང་ཚོགས་ཚོས་བློ་རྩེ་གཅིག་སྒྲིམ་དང་སོ་སྲུང་རོགས་རེས་བྱས་པ། རྒྱ་ཆེའི་སྤྱི་བདེའི་མི་དམངས་ཉེན་རྟོག་པ་དང་ནད་ཡམས་སྔོན་འགོག་ཚོད་འཛིན་གྱི་ལས་དོན་མི་སྣ། སྡེ་ཁུལ་གྱི་ལས་དོན་མི་སྣ་སོགས་ཀྱིས་ལས་གནས་བརྟན་སྲུང་དང་ཉིན་མཚན་དབྱེར་མེད་ངང་ལས་རེས་བྱས་པ། རྒྱ་ཆེའི་གསར་འགྱུར་ལས་དོན་པས་དཀའ་ཉེན་ལ་མི་འཛེམ་པ་དང་འཐབ་ས་དང་པོར་ཟབ་ཞུགས་བྱས་པ། རྒྱ་ཆེའི་དང་བླངས་པ་སོགས་ཀྱིས་ལྷག་བསམ་རྣམ་དག་སྒོ་ནས་ལེགས་སྐྱེས་ཕུལ་བ་དང་དཀའ་ངལ་ཁྱད་བསད་བྱས་པ། ཏང་དང་རྒྱལ་ཁབ་ཀྱི་འབྲེལ་ཡོད་སྡེ་ཁག་དང་མི་དམངས་འཐུས་ཚོགས། སྲིད་གྲོས། དེ་བཞིན་མི་དམངས་མང་ཚོགས་ཀྱིས་རང་རྟོགས་ངང་འགན་འཁྲི་འཁུར་བ་དང་། སྤྱི་ཚོགས་ལས་རིགས་སོ་སོ་དང་ཀང་ཨའོ་ཐའེ་སྤུན་ཟླ། ཕྱིར་སྡོད་སྤུན་ཟླ་བཅས་ནས་གཅིག་རྗེས་གཉིས་མཐུད་ངང་དངུལ་དང་དངོས་པོ་ཞལ་འདེབས་སུ་ཕུལ་ཏེ་རིམས་ནད་སྔོན་འགོག་ཚོད་འཛིན་བྱ་ཆེད་ལེགས་སྐྱེས་གལ་ཆེན་ཕུལ་ཡོད་ཅེས་གསུངས་པ་རེད།
ཞི་ཅིན་ཕིང་གིས། ད་ཐེངས་ཀྱི་ཏོག་གསར་གློ་ཚད་རིམས་ནད་ནི་ཀྲུང་གོ་གསར་པ་དབུ་བརྙེས་ཚུན་རང་རྒྱལ་དུ་ཐོན་པའི་འགོས་ཁྱབ་མགྱོགས་ཤོས་དང་།འགོས་ཁྱབ་ཀྱི་ཁྱབ་ཁོངས་རྒྱ་ཆེ་ཤོས། སྔོན་འགོག་ཚོད་འཛིན་གྱི་དཀའ་ཚེགས་ཆེ་ཤོས་བཅས་ཡིན་པའི་ཐོལ་བྱུང་སྤྱི་པའི་འཕྲོད་བསྟེན་དོན་རྐྱེན་ཚབས་ཆེན་ཞིག་ཡིན། ང་ཚོའི་ངོས་ནས་བརྗོད་ན། ད་ཐེངས་ནི་ཉམས་ཉེན་ཞིག་ཡིན་ལ་ཚོད་བགམ་ཆེན་པོ་ཞིག་ཀྱང་ཡིན། དཀའ་ཚེགས་ཆེན་པོས་འབད་བརྩོན་བྱས་པར་བརྒྱུད་མིག་སྔར་རིམས་ནད་སྔོན་འགོག་ཚོད་འཛིན་གྱི་དུས་བབ་ལེགས་སུ་འགྲོ་བཞིན་ཡོད། ལག་ལེན་ལས་ར་སྤྲོད་བྱུང་བར། ཏང་ཀྲུང་དབྱང་གིས་རིམས་ནད་དུས་བབ་ལ་བརྡར་ཤ་བཅད་པ་ནི་གནད་ལ་འཕིགས་པ་དང་། ལས་དོན་བཀོད་སྒྲིག་ཁག་དུས་ཐོག་བྱུང་བ། བཟུང་བའི་བྱ་སྤྱོད་ནུས་ལྡན་ཡིན། སྔོན་འགོག་ཚོད་འཛིན་ལས་དོན་ལ་ཕན་འབྲས་ཐོན་པ་དེའི་ཐོག་ནས་ཀྲུང་གོ་གུང་ཁྲན་ཏང་གི་འགོ་ཁྲིད་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ལམ་ལུགས་ཀྱི་མངོན་གསལ་དོད་པའི་བཟང་ཆ་སླར་ཡང་མངོན་ཡོད་ཅེས་ནན་བསྟན་གནང་།
ཞི་ཅིན་ཕིང་གིས་གྲུབ་འབྲས་ལ་གདེང་འཇོག་གང་ལེགས་བྱེད་དགོས་པ་དང་དུས་མཚུངས་དང་། རིམ་པ་སོ་སོའི་ཏང་ཨུ་དང་སྲིད་གཞུང་གིས་ངེས་པར་དུ་ལྷོད་གཡེང་གི་བསམ་བློ་དང་དམག་འཐབ་བྱེད་མི་འདོད་པའི་བསམ་ཚུལ། སྟེས་དབང་གི་བསམ་ཚུལ། ལྷོད་འབབ་ཀྱི་བསམ་བློ་བཅས་ལ་ཚད་མཐོའི་དོགས་ཟོན་བྱེད་དགོས་པ་དང་། མུ་མཐུད་དེ་ལྷོད་གཡེང་སྤུ་ཙམ་མེད་པར་སྔོན་འགོག་ཚོད་འཛིན་ལས་དོན་ལ་དམ་འཛིན་གནད་འཛིན་ཞིབ་འཛིན་བྱས་ནས་ཕྱོགས་ཡོངས་རྒྱལ་ཁ་མ་ཐོབ་ན་ལེགས་འགྲུབ་བྱུང་སོང་གཏན་ནས་མི་གླེང་ཞེས་ནན་བསྟན་གནང་བ་དང་། ཞི་ཅིན་ཕིང་གིས་དེའི་ཐད་བླང་བྱ་ཁག་བདུན་བཏོན་ཏེ།
གཅིག་ནི་ཧུའུ་པེ་སྲུང་སྐྱོབ་བྱེད་པའི་དམག་འཐབ་དང་ཝུའུ་ཧན་སྲུང་སྐྱོབ་བྱེད་པའི་དམག་འཐབ་ཡག་པོ་རྒྱག་དགོས། གྲོང་ཁྱེར་དང་གྲོང་གསེབ་སྡེ་ཁུལ་གྱི་སྔོན་འགོག་ཚོད་འཛིན་དང་ནད་པ་སྐྱོབ་བཅོས་བྱེད་པའི་འགག་རྩ་གཉིས་ལ་དམ་འཛིན་གྱིས་རིམས་ནད་འགོས་ཁྱབ་འགྲོ་རྒྱུར་གཏན་འགོག་དང་། སྟོབས་ཤུགས་ཉམས་ཞན་ས་ཁུལ་གྱི་རིམས་འགོག་ཚོད་འཛིན་ལས་དོན་ལ་ཤུགས་སྣོན་གྱིས་ནད་པ་བསྡུ་ཉར་བྱེད་ཚད་དང་དྲག་སྐྱེད་ཡོང་ཚད་མཐོ་རུ་གཏོང་བ་དང་། རིམས་ནད་འགོས་ཚད་དང་འཆི་ཚད་དམའ་རུ་འགྲོ་བ་བྱེད་དགོས།
གཉིས་ནི་པེ་ཅིན་གྱི་རིམས་ནད་སྔོན་འགོག་ཚོད་འཛིན་ལས་དོན་ཡག་པོ་བསྒྲུབ་དགོས། ཕྱི་ཕྱོགས་ནས་ནང་ཁུལ་དུ་འཛུལ་རྒྱུ་སྔོན་འགོག་དང་ནང་ཁུལ་དུ་འགོས་ཁྱབ་འགྲོ་བ་སྔོན་འགོག་བྱེད་པའི་ལྷུ་ཚིགས་གཉིས་དམ་འཛིན་གྱིས་པེ་ཅིན་དང་ཐེན་ཅིན། ཧུའུ་པེ་བཅས་ས་ཁུལ་གྱི་མཉམ་འགོག་མཉམ་འཛིན་ལ་ཤུགས་སྣོན་བརྒྱབ་ནས་རིམས་ནད་ཀྱི་འབྱུང་ཁུངས་མེད་པ་བཟོ་གང་ཐུབ་བྱེད་དགོས།
གསུམ་ནི་ཚན་རིག་དང་མཐུན་པའི་སྒོ་ནས་སྨན་བཅོས་སྟོབས་ཤུགས་དང་དངོས་ཟོག་གལ་ཆེན་བཀོད་སྒྲིག་བྱེད་དགོས། འཐབ་ས་མདུན་མར་ཡོད་པའི་སྨན་དོན་མི་སྣར་ཐུགས་ཁུར་དང་གཅེས་སྐྱོང་བྱེད་དགོས་པ་དང་། འགོག་སྲུང་དངོས་ཟོག་དང་འཚོ་བའི་དངོས་ཟོག་འགན་སྲུང་དང་འགོག་སྲུང་བྱེད་པའི་བྱ་ཐབས་དོན་འཁྱོལ་བྱེད་པ། སྨན་ཁང་དུ་ནད་གཞི་འགོ་བ་སྔོན་འགོག་བྱེད་པའི་ལས་དོན་ཏན་ཏིག་བསྒྲུབ་པ། སྨན་དོན་མི་སྣར་ཚན་རིག་དང་མཐུན་པའི་འགོག་སྲུང་དང་སྦྱོང་བརྡར་ཡག་པོ་བྱེད་པ་བཅས་བྱེད་དགོས། ཁྲོམ་རའི་མཁོ་འདོན་རྣམ་པར་ལྟ་ཞིབ་དམ་ཟབ་བྱེད་དགོས་པ་དང་། སྔོ་ཚལ་དང་བཟའ་རིགས་སོགས་ཐོན་སྐྱེད་བྱ་རྒྱུ་སྒྲིག་འཛུགས་བྱས་ནས། སྐྱེལ་འདྲེན་བགྲོད་ལམ་དང་ཟོག་འདྲེན་བགྲོད་ལམ་ཤར་གཏོང་ཐུབ་པ་བྱེད་དགོས།
བཞི་ནི་ཚན་རྩལ་ཞིབ་བཟོ་མགྱོགས་མྱུར་འགག་སྒྲོལ་ཐུབ་པ་བྱེད་དགོས། རིག་ཚན་མང་པོའི་སྟོབས་ཤུགས་གཅིག་སྡུད་ཀྱིས་ཚན་ཞིབ་འགག་སྒྲོལ་ལས་དོན་སྤེལ་དགོས་པ་དང་། སྨན་རྫས་དང་རིམས་འགོག་སྨན་ཁབ་ཞིབ་འཇུག་གསར་བཟོ་བྱེད་ཤུགས་ཆེ་རུ་བཏང་ནས་དུས་ཐོག་ཏུ་ནུས་ལྡན་གྱི་སྨན་བཅོས་ཇུས་གཞི་ཕྱོགས་སྡོམ་ཁྱབ་གདལ་གཏོང་དགོས།
ལྔ་ནི་རྒྱལ་སྤྱི་དང་ས་ཁུལ་གྱི་མཉམ་ལས་རྒྱ་ཆེར་གཏོང་དགོས། མུ་མཐུད་དེ་འཛམ་གླིང་འཕྲོད་བསྟེན་སྒྲིག་འཛུགས་དང་འབྲེལ་གཏུག་དམ་ཟབ་བྱེད་པ་དང་། འབྲེལ་ཡོད་རྒྱལ་ཁབ་དང་རིམས་འགོག་ཉམས་མྱོང་མཉམ་སྤྱོད་ཀྱིས་ནད་དུག་འགོག་པའི་སྨན་རྫས་དང་རིམས་སོན་ཞིབ་བཟོ་བྱེད་པའི་རྒྱལ་སྤྱིའི་མཉམ་ལས་ལ་ཤུགས་སྣོན་རྒྱག་དགོས།
དྲུག་ནི་གསར་འགྱུར་སྨྲ་བརྗོད་ལས་དོན་གྱི་ནུས་ལྡན་རང་བཞིན་མཐོ་རུ་གཏོང་དགོས། མུ་མཐུད་དེ་ཏང་ཀྲུང་དབྱང་གི་འཐབ་ཇུས་བཀོད་སྒྲིག་གལ་ཆེན་དྲིལ་བསྒྲགས་དང་གསལ་འགྲེལ་གྱི་ལས་དོན་ཡག་པོ་བསྒྲུབ་དགོས་པ་དང་། ས་གནས་ཁག་གིས་རིམས་ནད་སྔོན་འགོག་ཚོད་འཛིན་བྱེད་པའི་ཉམས་མྱོང་བཟང་པོ་དང་བྱ་ཐབས་ཡག་པོ་གཅིག་གྱུར་ཐོག་སྐུལ་འདེད་བཏང་བའི་གནས་ཚུལ་འགོད་སྤེལ་གཏིང་ཟབ་བྱེད་དགོས་པ། རིམས་ནད་ཆ་འཕྲིན་ཡོངས་བསྒྲགས་བྱེད་པའི་ལས་དོན་འཐུས་སྒོ་ཚང་དུ་གཏོང་བ། རིམས་འགོག་འཐབ་ས་མདུན་མའི་མི་སེམས་འགུལ་བའི་བྱས་རྗེས་དྲིལ་བསྒྲགས་རྒྱ་ཁྱབ་ཏུ་བྱེད་པ་བཅས་བྱས་ནས་རང་འགུལ་སྒོས་སྤྱི་ཚོགས་ཀྱི་སེམས་ཁུར་བྱེད་བཞིན་པའི་གནད་དོན་ལ་ལན་སློག་དགོས།
བདུན་ནི་སྤྱི་ཚོགས་བརྟན་བརླིང་ཡོང་རྒྱུར་སྲུང་སྐྱོབ་ཏན་ཏིག་བྱེད་དགོས། དུས་ཐོག་ཏུ་རིམས་ནད་སྔོན་འགོག་ཚོད་འཛིན་ཁྲོད་ཐོན་པའི་འཕེལ་ཕྱོགས་རང་བཞིན་གྱི་གནད་དོན་ཐག་གཅོད་བྱས་ནས་སྨན་བཅོས་སྒྲིག་ལམ་དང་། རིམས་འགོག་སྒྲིག་ལམ། ཁྲོམ་རའི་སྒྲིག་ལམ། སྤྱི་ཚོགས་སྒྲིག་ལམ་སོགས་གཏོར་བཤིག་གཏོང་བའི་ཁྲིམས་འགལ་ཉེས་གསོག་བྱ་སྤྱོད་ལ་ཁྲིམས་ལྟར་ཆད་པ་ནན་པོ་གཅོད་དགོས་པ་བཅས་རེད།
ཞི་ཅིན་ཕིང་གིས་ཏོག་གསར་གློ་ཚད་རིམས་ནད་ཀྱིས་དཔལ་འབྱོར་སྤྱི་ཚོགས་ལ་ཤུགས་རྐྱེན་ངེས་ཅན་ཞིག་བཟོ་སྲིད། དེར་བརྟེན། འགག་རྩའི་དུས་མཚམས་འདིར། དེ་བས་ཀྱང་ཁྱོན་ཡོངས་དང་། རྩོད་སྒྲུབ། རྒྱང་རིང་བཅས་ཀྱི་མིག་རྒྱང་ཐོག་ནས་རང་རྒྱལ་གྱི་གོང་འཕེལ་ལ་བལྟ་དགོས་པ་དང་། དེ་བས་སེམས་ཤུགས་བརྟན་དུ་གཏོང་དགོས། ཕྱོགས་ཡོངས་ནས་བལྟས་ན། རང་རྒྱལ་གྱི་དཔལ་འབྱོར་ཡུན་རིང་ཡག་པོ་ཡོང་བའི་གཞི་རྩའི་རྣམ་པར་འགྱུར་ལྡོག་བྱུང་མེད། རིམས་ནད་ཀྱི་ཤུགས་རྐྱེན་ནི་དུས་ཐུང་དང་། སྤྱི་ཡོངས་ནས་ཚོད་འཛིན་བྱེད་ཐུབ་པ་ཞིག་རེད་ཅེས་དང་། ཞི་ཅིན་ཕིང་གིས་ལས་འགོ་འཛུགས་པ་དང་ཐོན་སྐྱེད་སླར་གསོ་བྱེད་པའི་ཐད་བླང་བྱ་ཁག་བརྒྱད་བཏོན་ཏེེ།
གཅིག་ནི་ས་ཁོངས་དབྱེ་བ་དང་རིམ་པ་དབྱེ་བའི་ཐོག་ནས་ལས་འགོ་བསྐྱར་ཚུགས་དང་ཐོན་སྐྱེད་སླར་གསོ་བྱེད་དགོས། ཉེན་ཁ་ཆུང་བའི་ས་ཁུལ་གྱིས་གང་མགྱོགས་སྔོན་འགོག་ཚོད་འཛིན་གྱི་འཐབ་ཇུས་དེ་ཕྱི་ཕྱོགས་ནས་ནང་ཁུལ་དུ་འཛུལ་རྒྱུ་སྔོན་འགོག་བྱེད་པར་བསྒྱུར་དགོས་པ་དང་། སྒོ་ཀུན་ནས་ཐོན་སྐྱེད་འཚོ་བའི་སྒྲིག་ལམ་སླར་གསོ་བྱེད་དགོས། ཉེན་ཁ་འབྲིང་བའི་ས་ཁུལ་གྱིས་སྔོན་འགོག་ཚོད་འཛིན་གྱི་དུས་བབ་ལ་གཞིགས་ནས་ལས་འགོ་བསྐྱར་ཚུགས་དང་ཐོན་སྐྱེད་སླར་གསོ་བྱེད་དགོས། ཉེན་ཁ་ཆེ་བའི་ས་ཁུལ་གྱིས་མུ་མཐུད་དུ་སྟོབས་ཤུགས་རྩེ་གྲ་གཅིག་སྡུད་ཀྱིས་རིམས་ནད་སྔོན་འགོག་ཚོད་འཛིན་གྱི་ལས་དོན་ཡག་པོ་བསྒྲུབ་དགོས།
གཉིས་ནི་སྤྱི་ཁོག་སྲིད་ཇུས་སྙོམས་སྒྲིག་བྱེད་ཤུགས་ཆེ་རུ་གཏོང་དགོས། དགེ་མཚན་ལྡན་པའི་དངུལ་རྩའི་སྲིད་ཇུས་དེ་བས་དགེ་མཚན་ལྡན་པར་འགྱུར་བ་གཏོང་དགོས་པ་དང་། མུ་མཐུད་དུ་དུས་མཚམས་རང་བཞིན་དང་། དམིགས་བཙུགས་རང་བཞིན་ལྡན་པའི་ཁྲལ་འཐེན་རིན་ཕབ་སྲིད་ཇུས་ཞིབ་འཇུག་བྱས་ནས་བཏོན་ཏེ་ཕྲ་ཆུང་འབྲིང་རིམ་གྱི་ཁེ་ལས་གནད་འགག་ལས་བརྒལ་བར་རོགས་རམ་བྱེད་དགོས། བརྟན་ལ་ལེགས་པའི་དངུལ་ལོར་སྲིད་ཇུས་དེ་བས་སྟབས་བསྟུན་འོས་འཚམ་ཡོང་བ་བྱེད་དགོས་པ་དང་། ད་ཡོད་ཀྱི་དངུལ་རྩའི་རྒྱབ་སྐྱོར་སྲིད་ཇུས་ལེགས་པོ་སྤྱད་ནས་དུས་བསྟུན་གྱི་སྲིད་ཇུས་བྱེད་ཐབས་གསར་པ་འདོན་དགོས།
གསུམ་ནི་ཕྱོགས་ཡོངས་ནས་ལས་ཞུགས་བརྟན་བརླིང་ཐབས་ཇུས་ཤུགས་ཆེ་རུ་གཏོང་དགོས། ཁུར་པོ་ཡང་གཏོང་དང་། ལས་གནས་བརྟན་གཏོང་། ལས་ཞུགས་འཕར་སྣོན་བཅས་བྱེད་དགོས་པ་དང་།ཁེ་ལས་ཁག་གཅིག་ལ་ལས་མི་དཀོན་པ་དང་། ལས་གནས་བརྟན་གཏོང་གི་གནོན་ཤུགས་ཆེ་བ། གཙོ་གནད་མི་ཚོགས་ལས་ཞུགས་ཁག་པ་སོགས་ཀྱི་མངོན་གསལ་དོད་པའི་འགལ་ཟླར་གཞིགས་ཏེ་ཐབས་ལམ་མང་ལ་སྟབས་བསྟུན་ལས་ཞུགས་ལ་རྒྱབ་སྐྱོར་དང་།མཐོ་སློབ་སློབ་ཐོན་སློབ་མའི་ལས་ཞུགས་ལས་དོན་ཡག་པོ་བསྒྲུབ་དགོས།
བཞི་ནི་དབུལ་གྲོལ་འགག་སྒྲོལ་གྱི་ལས་དོན་ལེགས་སྒྲུབ་མཐར་ཕྱིན་པ་བྱེད་དགོས། རིམས་ནད་ཀྱི་ཤུགས་རྐྱེན་ཁྱད་གསོད་གང་ཐུབ་བྱེད་དགོས་པ་དང་།འགག་སྒྲོལ་ལས་དོན་དོན་འཁྱོལ་བྱ་རྒྱུར་དམ་འཛིན་བྱེད་པ། དབུལ་ཕོངས་ངལ་ནུས་གོ་རིམ་ལྡན་པའི་ངང་ལས་གནས་ཐོག་ཕྱིར་ལོག་བྱ་རྒྱུར་རོགས་རམ་བྱེད་པ། དབུལ་སྐྱོར་སྣེ་ཁྲིད་ཁེ་ལས་དང་དབུལ་སྐྱོར་འཁོར་ཁང་གིས་གང་མགྱོགས་ལས་འགོ་སླར་གསོ་བྱ་རྒྱུར་རྒྱབ་སྐྱོར་བཅས་བྱས་ནས་མྱུར་དུ་སླར་ཡང་དབུལ་འགྱུར་འགོག་པའི་བྱ་ཐབས་འཐུས་ཚང་སྒྲིག་འཛུགས་ཇེ་མགྱོགས་སུ་གཏོང་དགོས།
ལྔ་ནི་ཁེ་ལས་ཀྱིས་ལས་འགོ་སླར་གསོ་དང་ཐོན་སྐྱེད་སླར་གསོ་བྱ་རྒྱུར་སྐུལ་འདེད་གཏོང་དགོས། ས་ཁོངས་དབྱེ་བ་དང་རིམ་པ་དབྱེ་བའི་ཐོག་ནས་སྔོན་འགོག་ཚོད་འཛིན་གྱི་འཐབ་ཇུས་གནད་ལ་འཕིགས་པའི་ངང་དོན་འཁྱོལ་བྱེད་དགོས་པ་དང་། མི་སྣའི་འགྲོ་འོང་དང་། ཟོག་འདྲེན་འགག་གནད་ཤར་གཏོང་ཐུབ་པ་བྱེད་པ། ཟོག་འདྲེན་ཚད་བཀག་མེད་པ་བཟོ་བ་བཅས་བྱས་ནས་ཐོན་ལས་སྦྲེལ་ཐག་གི་ལྷུ་ཚིགས་ཁག་ལས་འགོ་བསྐྱར་ཚུགས་དང་ཐོན་སྐྱེད་སླར་གསོ་བྱ་རྒྱུར་མཐུན་སྦྱོར་བྱེད་དགོས། རྒྱལ་ནང་གི་ནུས་ལྡན་དགོས་མཁོ་རྒྱ་བསྐྱེད་གཏོང་བ་དང་། འཛུགས་སྐྲུན་བྱེད་བཞིན་པའམ་ལས་འགོ་གསར་དུ་ཚུགས་པའི་རྣམ་གྲངས་ཀྱི་འཛུགས་སྐྲུན་མྱུར་ཚད་མགྱོགས་སུ་བཏང་ནས་ལས་མི་བཀོལ་སྤྱོད་དང་ས་ཆ་བཀོལ་སྤྱོད། མ་དངུལ་སོགས་ཀྱི་རྒྱུ་རྐྱེན་ལ་འགན་སྲུང་བྱེད་དགོས།
དྲུག་ནི་གོ་སྐབས་མི་འཆོར་བར་དཔྱིད་དུས་ཀྱི་ཞིང་ལས་ཐོན་སྐྱེད་དམ་འཛིན་བྱེད་དགོས། དཔྱིད་རྨོས་གྲ་སྒྲིག་ལ་ཤུགས་རྐྱེན་བཟོ་བའི་མངོན་གསལ་དོད་པའི་གནད་དོན་ཐག་གཅོད་བྱ་རྒྱུར་དམ་འཛིན་གྱིས་ཞིང་ལས་རྒྱུ་ཆ་ཐོན་སྐྱེད་དང་། འཁོར་རྒྱུག མཁོ་འདོན་སོགས་གྲ་སྒྲིག་བྱས་ནས་ཞིང་ལས་ཐོན་སྐྱེད་འགོར་འགྱངས་མི་འགྲོ་བ་བྱེད་དགོས།
བདུན་ནི་གཞི་རྩའི་དམངས་འཚོར་འགན་སྲུང་ངེས་ཏན་བྱེད་དགོས། ཞོར་ཟས་མཁོ་འདོན་ལ་འགན་སྲུང་གིས་དཀའ་ངལ་ཡོད་པའི་མང་ཚོགས་ལ་མཐིལ་རྟོགས་འགན་སྲུང་བྱེད་ཤུགས་ཆེ་རུ་གཏོང་བ་དང་། ནད་པ་དང་ལྷག་པར་དུ་གཉེན་ཉེ་གྲོངས་པའི་ཁྱིམ་ཚང་ལ་གཙོ་གནད་ཐོག་ལྟ་སྐྱོང་བྱེད་དགོས། དེ་མིན་གྱི་ནད་ཡམས་འགོས་པའི་ནད་པ་སྨན་བཅོས་སྲོག་སྐྱོབ་བྱེད་པའི་ལས་དོན་ཡག་པོ་བསྒྲུབ་དགོས།
བརྒྱད་ནི་ཕྱི་ཚོང་དང་ཕྱི་དངུལ་གྱི་གཞི་རྩའི་གནས་སྟངས་བརྟན་པོ་ཡོང་བ་བྱེད་དགོས། ཕྱིར་གཏོང་ཁྲལ་སློག་དང་ཕྱིར་གཏོང་ཡིད་རྟོན་འགན་བཅོལ་སོགས་སྒྲིག་སྲོལ་དང་མཐུན་པའི་ཕྱི་ཚོང་སྲིད་ཇུས་བེད་སྤྱོད་ཡག་པོ་བྱས་ཏེ། ཕྱི་ཚོང་གི་ཐོན་ལས་སྦྲེལ་ཐག་དང་། མཁོ་སྤྲོད་སྦྲེལ་ཐག་འཁོར་རྒྱུག་ཡག་པོ་ཐུབ་པའི་འགན་ལེན་བྱེད་པ། ཕྱི་རྒྱལ་མ་རྩའི་རྣམ་གྲངས་ཆེ་གྲས་དོན་འཁྱོལ་ཐུབ་རྒྱུར་དམ་འཛིན་བྱེད་པ། དངུལ་རྩ་སོགས་ཞབས་ཞུའི་ལས་རིགས་ཕྱི་ཕྱོགས་སུ་སྒོ་འབྱེད་བྱེད་ཤུགས་ཆེ་རུ་གཏོང་བ། ཚོང་གཉེར་ཁོར་ཡུག་མུ་མཐུད་ལེགས་སུ་གཏོང་བ་བཅས་བྱས་ནས་ཕྱི་རྒྱལ་ཚོང་པའི་རྒྱང་རིང་གི་མ་འཇོག་ཁེ་གཉེར་གྱི་སེམས་ཤུགས་འཕེལ་བ་བྱེད་དགོས།
2020ལོའི་ཟླ་2པའི་ཚེས་23ཉིན། ཏོག་གསར་གློ་ཚད་རིམས་འགོག་གཅིག་གྱུར་བཀོད་འདོམས་སྐུལ་འདེད་དང་དཔལ་འབྱོར་སྤྱི་ཚོགས་འཕེལ་རྒྱས་ལས་དོན་བཀོད་སྒྲིག་ཚོགས་འདུ་པེ་ཅིན་དུ་འཚོགས། ཏང་དང་རྒྱལ་ཁབ་ཀྱི་དབུ་ཁྲིད་ཞི་ཅིན་ཕིང་དང་ལི་ཁེ་ཆང་། ལི་ཀྲན་ཧྲུའུ་དང་། ཝང་དབྱང་། ཝང་ཧུའུ་ཉིང་། ཀྲའོ་ལེ་ཅི། ཧན་ཀྲེང་བཅས་ཚོགས་འདུར་ཞུགས།
2020年2月23日，统筹推进新冠肺炎疫情防控和经济社会发展工作部署会议在北京召开。党和国家领导人习近平、李克强、栗战书、汪洋、王沪宁、
赵乐际、韩正等出席会议。 图 / 新华社
ལི་ཁེ་ཆང་གིས་གྲོས་ཚོགས་གཙོ་སྐྱོང་གནང་སྐབས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གལ་ཆེའི་གསུང་བཤད་ནང་ཏོག་གསར་གློ་ཚད་རིམས་ནད་སྔོན་འགོག་ཚོད་འཛིན་བྱེད་པའི་ལས་དོན་ལ་ཁྱོན་ཡོངས་ནས་ཕྱོགས་སྡོམ་གནང་ཡོད་པ་དང་མིག་སྔའི་རིམས་ནད་དུས་བབ་དང་དཔལ་འབྱོར་སྤྱི་ཚོགས་གོང་འཕེལ་ལ་བཟོས་པའི་ཤུགས་རྐྱེན་ལ་དབྱེ་ཞིབ་གཏིང་ཟབ་གནང་བ་དང་། ཏང་གི་འགོ་ཁྲིད་ལ་ཤུགས་སྣོན་དང་རིམས་ནད་སྔོན་འགོག་ཚོད་འཛིན་དང་དཔལ་འབྱོར་སྤྱི་ཚོགས་གོང་འཕེལ་གྱི་ལས་དོན་ལ་གཅིག་གྱུར་སྐུལ་འདེད་གཏོང་བའི་གཙོ་གནད་ལས་འགན་དང་གལ་ཆེའི་བྱ་ཐབས་བཏོན་ཡོད་པས་བསམ་བློའི་རང་བཞིན་དང་མཛུབ་སྟོན་རང་བཞིན། དམིགས་སའི་རང་བཞིན་བཅས་ཧ་ཅང་ཆེན་པོ་ལྡན་ཡོད། ས་ཁུལ་ཁག་དང་སྡེ་ཁུལ་ཁག་ནས་ནན་ཏན་གྱིས་སློབ་སྦྱོང་དང་གོ་བ་ལེན་པ་དང་ལག་བསྟར་དོན་འཁྱོལ་གཏིང་ཟབ་བྱེད་པ་དང་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་བས་དམ་ཟབ་བྱས་ནས་སེམས་ཤུགས་བརྟན་གཏོང་དང་ཕྱར་བ་གྲུ་འདེགས། ཚན་རིག་དང་མཐུན་པའི་འགོག་བཅོས། གནད་འཕིགས་ཇུས་འདོན་བཅས་ཀྱི་སྤྱིའི་བླང་བྱ་དོན་འཁྱོལ་བྱེད་པ། ཏང་ཀྲུང་དབྱང་གི་བཀོད་ཇུས་བཀོད་སྒྲིག་ཁག་དམ་འཛིན་ཏན་ཏིག་བྱེད་པ་དང་དམ་འཛིན་ཞིབ་ཚགས་བྱེད་པ་དང་དཀའ་ངལ་འཕྲད་བཞིན་དུ་མདུན་སྐྱོད་དང་དཔའ་ངར་ཆེར་སྐྱེད། རིམས་ནད་སྔོན་འགོག་ཚོད་འཛིན་དང་དཔལ་འབྱོར་སྤྱི་ཚོགས་གོང་འཕེལ་ལས་དོན་གཅིག་གྱུར་ཐོག་ཡག་པོ་སྒྲུབ་པ་དང་རིམས་ནད་སྔོན་འགོག་ཚོད་འཛིན་གྱི་མི་དམངས་དམག་འཐབ་དང་སྤྱི་ཡོངས་དམག་འཐབ། འགོག་རྒོལ་དམག་འཐབ་བཅས་ལ་ཁྱོན་ཡོངས་ནས་རྒྱལ་ཁ་ལེན་པ། ལོ་ཧྲིལ་པོའི་དཔལ་འབྱོར་སྤྱི་ཚོགས་གོང་འཕེལ་གྱི་དམིགས་འབེན་ལས་འགན་མངོན་འགྱུར་ཡོང་རྒྱུར་འབད་བརྩོན་བྱེད་པ་དང་འབྱོར་འབྲིང་སྤྱི་ཚོགས་ཁྱོན་ཡོངས་ནས་བསྐྲུན་ཚར་བ། ལོ་ལྔའིི་འཆར་གཞི་བཅུ་གསུམ་པ་ལེགས་འགྲུབ་ཡོང་རྒྱུ་འགན་ལེན་གྱིས་ཏང་དང་མི་དམངས་ལ་ཚད་ལོན་པའི་རྒྱུགས་ལན་ཞིག་འབུལ་དགོས་ཞེས་གསུངས་ཡོད།
ཀྲུང་གུང་ཀྲུང་དབྱང་ཆབ་སྲིད་ཅུད་ཀྱི་ཨུ་ཡོན། ཀྲུང་དབྱང་ཧྲུའུ་ཅི་ཁྲུའི་ཧྲུའུ་ཅི། རྒྱལ་དོན་ཨུ་ཡོན་བཅས་གྲོས་ཚོགས་ལ་ཞུགས་ཡོད་པ་རེད།
ཀྲུང་དབྱང་གི་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོ་ཆུང་གི་ཁོངས་མི་དང་ཀྲུང་དབྱང་གི་ཧུའུ་པེར་སྐྱོད་མཁན་མཛུབ་སྟོན་ཚོ་ཆུང་གི་འབྲེལ་ཡོད་བློ་མཐུན། རྒྱལ་སྲིད་སྤྱི་ཁྱབ་ཁང་གི་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་མཉམ་འགོག་མཉམ་འཛིན་སྒྲིག་གཞིའི་ཁོངས་མིའི་ལས་ཁུངས་ཁག་གི་འགན་འཁུར་བློ་མཐུན་གཙོ་བོ་བཅས་གྲོས་ཚོགས་ལ་ཞུགས་ཡོད། གྲོས་ཚོགས་དེ་བརྙན་འཕྲིན་ཁ་པར་གྲོས་ཚོགས་རྣམ་པའི་ཐོག་ནས་སྐོང་ཚོགས་བྱས་པ་དང་ཞིང་ལྗོངས་དང་གྲོང་ཁྱེར་ཁག་དང་ཤིན་ཅང་ཐོན་སྐྱེད་འཛུགས་སྐྲུན་དམག་སྡེ། དེ་བཞིན་གྲོང་ཁྱེར་དང་རྫོང་ཁག ཀྲུང་དབྱང་དང་རྒྱལ་ཁབ་ལས་ཁུངས་ཀྱི་སྡེ་ཁག་ཁག་དང་མི་དམངས་ཚོགས་པ་ཁག བཅིངས་འགྲོལ་དམག་དང་དྲག་ཆས་ཉེན་རྟོག་དཔུང་སྡེའི་ཐོན་ཤོག་རིམ་པ་ཡན་གྱི་ལས་ཁུངས་བཅས་སུ་ཡན་ལག་ཚོགས་ར་བཙུགས་ཡོད་པ་རེད། །