“བདུན་གཅིག་གཟེངས་རྟགས”སྤྲོད་པའི་མཛད་སྒོ་དེ་སྤྱི་ཟླ་6པའི་ཚེས་29ཉིན་གྱི་སྔ་དྲོའི་ཆུ་ཚོད་10པར་པེ་ཅིང་མི་དམངས་ཚོགས་ཁང་ཆེན་མོར་གཟབ་རྒྱས་ངང་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས“བདུན་གཅིག་གཟེངས་རྟགས”ཐོག་མར་གནང་བར་མ་ཟད། གསུང་བཤད་གལ་ཆེན་གནང་།
ཞི་ཅིན་ཕིང་གིས་སྒྲོལ་དཀར་ལ“བདུན་གཅིག་གཟེངས་རྟགས”གནང་།
སྒྲོལ་དཀར། བོད་རིགས། 1996ལོའི་ཟླ་7པར་ཏང་ནང་ཞུགས། སྒྲོལ་དཀར་ལགས་རྒྱལ་གཅེས་མཐའ་སྲུང་སྙིང་སྟོབས་རྒྱུད་འཛིན་བྱེད་མཁན་གྱི་ངོས་ནས“ཁྱིམ་ནི་ཡུལ་སྨད་དང་རྒྱལ་ཁབ་ནི་ཀྲུང་གོ”ཞེས་པའི་དད་སེམས་བརྟན་པོ་བཅངས་ནས་ལོ་བཅུ་གྲངས་རིང་ཉིན་གཅིག་ལྟར་མཐའ་མཚམས་སུ་ཕྱུག་འཚོ་བ་དང་སྐོར་གཡེང་བྱས་ཏེ། སྤྱི་ལེ་ངོས་གྲུ་སྟོང་ཕྲག་གི་རྒྱལ་ཁབ་ཀྱི་ས་ཆ་སྲུང་སྐྱོང་དང་འགྲོ་ལམ་ཚང་མར་རྒྱལ་དར་བཀལ་ནས་དཀའ་ཚེགས་ཇི་ཙམ་ཆེ་ཡང་མེས་རྒྱལ་གྱི་ས་གཞི་སྦར་མོ་གང་ལའང་སྲུང་སྐྱོབ་ཡག་པོ་བྱེད་པའི་དམ་བཅའ་ལག་བསྟར་བྱས་ཡོད། ཏང་གི་བཀའ་དྲིན་སྒྲོག་སྦྱང་ཧུར་ཐག་བྱས་ཏེ། མང་ཚོགས་ཀྱིས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བར་ཁྲིད་སྟོན་བྱས་ཡོད། ཁོང་ལ“རྒྱལ་ཡོངས་གསུམ་བརྒྱད་དར་དམར་བའི་མིག་དཔེ”དང“དུས་རབས་ཀྱི་མིག་དཔེ”སོགས་ཀྱི་མཚན་སྙན་ཐོབ་པ་རེད།