སྤྱི་ཟླ་11པའི་ཚེས་3ཉིན་གྱི་སྔ་དྲོར། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་པེ་ཅིང་དུ་རྒྱལ་ཁབ་ཀྱི་ཚན་རིག་ལག་རྩལ་གྱི་བྱ་དགའ་སྤྲོད་པའི་ཚོགས་ཆེན་གཟབ་རྒྱས་ངང་འཚོགས། ཞི་ཅིན་ཕིང་དང་ལི་ཁེ་ཆང་། ཝང་ཧུའུ་ཉིང་། ཧན་ཀྲེང་སོགས་ཏང་དང་རྒྱལ་ཁབ་ཀྱི་དབུ་ཁྲིད་ཚོགས་ཆེན་དུ་ཞུགས་པར་མ་ཟད།བྱ་དགའ་ཐོབ་པའི་སྐུ་ཚབ་ལ་བྱ་དགའ་གནང་བ་རེད།ལི་ཁེ་ཆང་གིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཚབ་ཞུས་ནས་ཚོགས་ཆེན་ཐོག་གསུང་བཤད་གནང་། ཧན་ཀྲེང་གིས་ཚོགས་ཆེན་གཙོ་སྐྱོང་གནང་།སྔ་དྲོའ ི་ཆུ་ཚ ོད་10དང་སྐར་མ་20ཡིི་ཐོག །ཚོགས་ཆེན་དེ་བརྗིད་ཉམས་ལྡན་པའི་རྒྱལ་གླུའི་ཁྲོད་འཚོག་འགོ་བརྩམས་ཏེ། སྤྲོ་སེམས་རབ་ཏུ་འཁོལ་བའི་ཐལ་མོ་རྡེབ་སྒྲའི་ཁྲོད་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཐོག་མར་2020ལོའ ི་རྒྱལ་ཁབ་ཀྱི་ཆེས་མཐོའ ི་ཚན་རིག་ལག་རྩལ་གྱི་བྱ་དགའ་ཐོབ་པའི་ཀྲུང་གོའ ི་མཁའ་འགྲུལ་བཟོ་ལས་ཚོགས་པའི་ཚད་ཡོད་སྤྱི་གཉེར་ཁང་གི་ཡོན་ཧྲི་ཀུའུ་ཡུང་ཧྥིན་དང་ཆིན་ཧྭ་སློབ་ཆེན་གྱི་ཡོན་ཧྲི་ཝང་ཏ་ཀྲུང་ལ་གཟེངས་རྟགས་དང་དཔང་ཡིག་གནང་བ་དང་། ཁོང་ཚོ་དང་སྤྲོ་སེམས་འཁོལ་བའི་ངང་ཕྱག་འཇུ་གནང་ནས་རྟེན་འབྲེལ་ཞུས་པར་མ་ཟད། ཁོ་ཚོ་ཀྲུའུ་ཞིི་སྟེགས་བུའི་ཐོག་བཞུགས་པར་གདན་འདྲེན་ཞུས། དེའི་རྗེས་སུ། ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་དབུ་ཁྲིད་པས་ཆེས་མཐོའི་བྱ་དགའ་ཐོབ་མཁན་གཉིས་དང་མཉམ་དུ་རྒྱལ་ཁབ་རང་བྱུང་ཚན་རིག་བྱ་དགའ་དང་རྒྱལ་ཁབ་ལག་རྩལ་གསར་གཏོད་བྱ་དགའ། རྒྱལ་ཁབ་ཚན་རིག་ལག་རྩལ་ཡར་ཐོན་བྱ་དགའ་བཅས་ཐོབ་པའི་སྐུ་ཚབ་ལ་དཔང་ཡིག་གནང་བ་རེད།ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་གསུང་བཤད་གནང་དུས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཚབ་ཞུས་ནས། བྱ་དགའ་ཐོབ་མཁན་ཚང་མར་རྟེན་འབྲེལ་ཞུས་པ་དང་། རྒྱལ་ཡོངས་ཀྱི་རྒྱ་ཆེའི་ཚན་རྩལ་ལས་སྒྲུབ་མི་སྣ་ལ་བླ་ན་མེད་པའི་གུས་འདུད་ཞུས་པར་མ་ཟད། ཀྲུང་གོའི་ཚན་རྩལ་བྱ་བཞག་ནང་ཞུགས་པ་དང་རྒྱབ་སྐྱོར་བྱེད་མཁན་གྱི་ཕྱི་རྒྱལ་ཆེད་མཁས་པ་རྣམས་ལ་ལྷག་བསམ་རྣམ་དག་གིས་བཀའ་དྲིན་ཆེ་ཞུས། །
སྤྱི་ཟླ་11པའི་ཚེས་3ཉིན། 2020ལོའ ི་རྒྱལ་ཁབ་ཀྱི་ཚན་རིག་ལག་རྩལ་གྱི་བྱ་དགའ་སྤྲོད་པའི་ཚོགས་ཆེན་པེ་ཅིང་མི་དམངས་ཚོགས་ཁང་ཆེན་མོ་ནས་གཟབ་རྒྱས་ངང་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་2020ལོའིརྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་གྱི་བྱ་དགའ་ཐོབ་པའི་ཀྲུང་གོའིམཁའ་འགྲུལ་བཟོ་ལས་ཚོགས་པའི་ཚད་ཡོད་སྤྱི་གཉེར་ཁང་གི་ཡོན་ཧྲི་ཀུའུ་ཡུང་ཧྥིན་（གཡས）དང་ཆིན་ཧྭ་སློབ་ཆེན་གྱི་ཡོན་ཧྲི་ཝང་ཏ་ཀྲུང་（གཡོན）ལ་གཟེངས་རྟགས་དང་དཔང་ཡིག་གནང་།
སྤྱི་ཟླ་11པའི་ཚེས་3ཉིན། 2020ལོའི་རྒྱལ་ཁབ་ཀྱི་ཚན་རིག་ལག་རྩལ་གྱི་བྱ་དགའ་སྤྲོད་པའི་ཚོགས་ཆེན་པེ་ཅིང་མི་དམངས་ཚོགས་ཁང་ཆེན་མོ་ནས་གཟབ་རྒྱས་ངང་འཚོགས། ཚོགས་འདུ་མ་འཚོག་སྔོན། ཏང་དང་རྒྱལ་ཁབ་ཀྱི་དབུ་ཁྲིད་ཞི་ཅིན་ཕིང་དང་། ལི་ཁེ་ཆང་། ཝང་ཧུའུ་ཉིང་། ཀྲའོ་ལེ་ཅི། ཧན་ཀྲེང་སོགས་ཀྱིས་བྱ་དགའ་ཐོབ་པའི་སྐུ་ཚབ་དང་མཇལ་ཕྲད་གནང་བར་མ་ཟད་དྲན་རྟེན་མཉམ་པར་བསྐྱོན།