གནའ་བོའི་ཨིན་དིའི་མིའི་ཕ་ས།

ཁོ་ལོམ་པི་ཡ་སྤྱི་མཐུན་རྒྱལ་ཁབ་སྟེ་བསྡུས་མིང་ལ་ཁོ་ལོམ་པི་ཡ་ཞེས་པ་ནི་མཚོ་འགྲུལ་པ་ཁོ་ལོམ་བྷོའི་མིང་རྒྱལ་ཁབ་ཀྱི་མིང་དུ་ཐོགས་པ་ཡིན་ཞིང་། ཁོ་ལོམ་པི་ཡ་ནི་མེ་གླིང་གི་ནུབ་བྱང་མཚམས་སུ་ཡོད་པ་དང་། ཤར་ཝེ་ནེ་ཟུ་ཝེ་ལ་དང་བྷ་རེ་ཟེ་དང་བཅར་ཞིང་། ལྷོ་ཨེ་ཁོ་དོར་དང་ཕེ་རུ་དང་འབྲེལ། ནུབ་བྱང་ཕ་ན་མ་དང་འདབས་འབྲེལ་དུ་གནས། ཁོ་ལོམ་པི་ཡའི་རྒྱལ་ས་བྷོ་གྷི་ཏ་ནི་ལ་ཏིང་མེ་གླིང་གི་འཕེལ་རྒྱས་ཆེས་མགྱོགས་པའི་གྲོང་ཁྱེར་ཡིན་ཞིང་། གནས་དེའི་དུས་བཞིའི་ཁྱད་པར་ཆུང་ཞིང་རང་བྱུང་གི་བཀོད་པ་ལྟ་ན་སྡུག་པར་མ་ཟད། གནའ་ཤུལ་གྲགས་ཅན་མང་པོའི་གྲ་མ་ཉམས་པར་ཡོད་པས་ལོ་རྒྱུས་རིག་གནས་ཀྱི་རྫོང་སྟུག་པའི་གནའ་གྲོང་དུ་བསྔགས། བྷོ་གྷི་ཏ་གྲོང་ཁྱེར་གྱི་དཀྱིལ་དབུས་སུ་ཡོད་པའི་ཧྲིན་ཏན་ངྷི་ཨེར་སྤྱི་གླིང་དུ་ཡོད་པའི་གསེར་གྱི་དངོས་མང་བཤམས་སྟོན་ཁང་ནི་འཛམ་གླིང་ན་སྙན་པའི་གྲགས་པ་འབར་བའི་བཤམས་སྟོན་ཁང་ཆེན་པོ་ཞིག་ཡིན་ཞིང་། དེའི་ནང་གི་གནའ་རྫས་མང་ཆེས་ཤོས་ནི་རྣ་རྒྱན་དང་སྣ་གདུབ། སྐེ་རྒྱན། ལག་གདུབ། རྐང་གདུབ། རྫས་ཆས། གདོང་འབག་སོགས་ཡིན་ཞིང་།གནའ་རྫས་དེ་དག་ནི་ཨིན་དིའི་མིས་སྤྱི་ལོ་སྔོན་གྱི་ལོ2000ནས་སྤྱི་ལོ་དུས་རབས16བར་གསེར་གྱིས་བཟོས་པའི་དངོས་རྫས་དག་ཡིན་པས་ལོ་རྒྱུས་གནའ་དཔྱད་ཀྱི་རིན་ཐང་ཤིན་ཏུ་ཆེ་ཞིང་། དེ་ནི་འཛམ་གླིང་གི་གཞི་ཁྱོན་ཆེས་ཆེ་བའི་གསེར་ཆས་ཀྱི་དངོས་མང་བཤམས་སྟོན་ཁང་ཡིན། ཁོ་ལོམ་པི་ཡའི་བརྐོས་བརྙན་འདུས་གནས་ནི་ཨན་ངྷིས་སི་རི་བོའི་ཉེ་འགྲམ་གྱི་མཱ་གྷི་ཏ་ལེ་ནཱ་གཙང་པོའི་ངོགས་གཉིས་སུ་ཡོད་པ་དང་། དེར་བརྐོས་བརྙན་ཆེན་པོ་ལྔ་བརྒྱ་ལྷག་ཡོད་པ་དང་། བརྐོས་བརྙན་དེ་དག་གི་བཟོ་བཀོད་ཁྱད་མཚར་ཞིང་གདོང་གི་རྣམ་འགྱུར་གཟབ་ནན་ཡིན་པའི་ཁྱད་ཆོས་ལྡན།དེའི་ཁྲོད་མིའི་བརྐོས་བརྙན་ཡོད་པར་མ་ཟད། ད་དུང་སྦལ་བ་དང་གླག་སོགས་ཀྱི་བརྐོས་བརྙན་ཡང་ཡོད་པ་རེད། ཆེད་མཁས་པ་མང་པོ་ཞིག་གིས་ཆོས་ལུགས་དད་མོས་ཀྱི་ངོས་ནས་བརྐོས་བརྙན་དེ་དག་གིས་གསང་བ་བཀྲོལ་བཞིན་ཡོད་པ་དང་། དུས་ཀྱི་བཞུར་རྒྱུན་ཁྲོད་བག་ལ་ཉལ་བའི་ལོ་རྒྱུས་ཀྱི་གསང་བ་རེ་རེ་སྔར་བཞིན་ལྐོག་གྱུར་གྱི་ཡུལ་དུ་གནས། ཁ་ཐཱ་ཧི་ན་ནི་ཁོ་ལོམ་པི་ཡའི་མིང་དུ་གྲགས་པའི་མཚོ་ངོགས་ཀྱི་གྲོང་ཁྱེར་ཞིག་ཡིན་ཞིང་། མཚོ་འགྲམ་གྱི་བྱེ་ཐང་དང་ཡུལ་ལྗོངས། ལོ་རྒྱུས་ཀྱི་རྣམ་ཤེས་སྦྲུམ་པའི་གནའ་ཤུལ་མང་པོས་ཡུལ་སྐོར་བ་མང་པོས་ཡིད་ཀྱི་དང་བ་ཅིག་ཆར་དུ་འཕྲོག་ཅིང་།གྲོང་ཁྱེར་གྱི་དཀྱིལ་དབུས་སུ་གཙོ་འཛིན་བྷ་ལི་ཝ་ཨེར་གྱི་སྐུ་བརྙན་ཀྲོང་ངེར་འགྱིང་ཡོད་པ་དང་། ཁོང་གིས་སྔོན་ཆད་ཁོ་ལོམ་པི་ཡ་མི་དམངས་ཀྱི་སྣེ་ཁྲིད་དེ་བཙན་འཛུལ་བར་ངོ་རྒོལ་བྱས་ནས་མེ་གླིང་ལྷོ་མའི་རང་བཙན་བཅིང་འགྲོལ་ལས་ཁུངས་ལ་རྒྱལ་ཁ་ཐོབ་པ་ཡིན། ཁོ་ལོམ་པི་ཡའི་དུས་ཆེན་ཏེ་མི་དཀར་ནག་གི་དུས་ཆེན་ནི་སྲོལ་རྒྱུན་གྱི་ཁྱད་ཆོས་ལྡན་དུས་ཆེན་ཞིག་ཡིན་ཞིང་། དུས་ཆེན་གྱི་ཉིན་དང་པོར་ན་གཞོན་དག་གིས་ཚོས་ཀྱི་སྣོད་ཁྱེར་ནས་ལམ་འགྲོ་བའི་གདོང་ལ་ཚོས་ནག་པོ་བསྐུས་ནས་གདོང་མདོག་ནག་པོར་བསྒྱུར་བ་དང་། དུས་ཆེན་གྱི་ཉིན་གཉིས་པར་ལམ་འགྲོ་བའི་གདོང་ལ་ཚོས་དཀར་པོ་བསྐུས་ནས་གདོང་མདོག་དཀར་པོར་བསྒྱུར་བའི་སྲོལ་ཡོད་པ་རེད། དེང་གི་ཁོ་ལོམ་པི་ཡའི་རྒྱལ་ཁོངས་ནི་གནའ་བོའི་ཨིན་དིའི་མི་འཚོ་སྡོད་ཀྱི་གནས་གལ་ཆེན་ཞིག་ཡིན་ཞིང་། ཨིན་དིའི་མི་ཞེས་པ་ནི་མེ་གླིང་གི་གཉུག་གནས་མི་རིགས་ཡོངས་ཀྱི་སྤྱི་མིང་དུ་འཇུག་པ་དང་།ད་ལྟའི་ངོས་འཛིན་ལྟར་ན། མེ་གླིང་ལྷོ་མ་དང་མེ་གླིང་བྱང་མའི་རྒྱལ་ཁབ་སོ་སོར་ཁྱབ་ཡོད་པ་ཡིན། ཨིན་དིའི་མི་ཆོས་ཐམས་ཅད་ལ་རྣམ་ཤེས་ཡོད་པར་སྨྲ་ཞིང་། རང་བྱུང་ཁམས་ཀྱི་རྩི་ཤིང་དང་སྐྱེ་དངོས་ཐམས་ཅད་ལ་དད་གུས་བྱེད། ཆོས་ལུགས་རིག་གནས་ཀྱི་རྫོང་ཤིན་ཏུ་སྟུག་པས་ཨིན་དིའི་མིའི་དུས་ཆེན་མང་པོར་ཡང་ཆོས་ལུགས་དད་མོས་ཀྱིས་ཤན་ཞུགས་ཡོད་པ་དང་།ལོ་རེར་བླ་དད་ཀྱི་ཆོས་ལུགས་བྱེད་སྒོ་མང་པོ་སྤེལ་བའི་སྲོལ་མཆིས། གུས་ལུགས་ཀྱི་ཐད་ནས་སྐྱེས་པ་ཕན་ཚུན་ངོ་འཕྲད་པ་དང་ཁ་བྲལ་སྐབས་ལག་འཇུ་བྱེད་པ་དང་། བུད་མེད་ཕན་ཚུན་བར་དཔུང་བར་དམ་པོར་བསྡམས་ནས་བརྩེ་བ་དང་གུས་ལུགས་མཚོན་པ་ཡིན། ཁོ་ཚོའི་ཆོས་ལུགས་འདུ་ཤེས་སུ་མིའི་ལུས་པོའི་གཡས་ཕྱོགས་ནི་ཉེས་པ་ཐམས་ཅད་ཀྱི་འབྱུང་ཁུངས་ཡིན་པར་ངོས་འཛིན་པས། ཁོ་ཚོས་ལུས་པོའི་གཡས་ཕྱོགས་ཀྱི་མགོ་ནས་རྐང་བའི་བར་སོ་སྒྱེས་དཀྲིས་ནས་གཞན་གྱིས་མི་མཐོང་བར་བྱེད་པ་དང་ལུས་པོའི་གཡོན་ཕྱོགས་ཕྱི་ལ་མངོན་དུ་འཇུག་པའི་སྲོལ་མཆིས་སོ། །ཨིན་དིའི་མིས་བསྐྲུན་པའི་མ་ཡ་ཤེས་རིག་ནི་འཛམ་གླིང་གི་ཆེས་མིང་དུ་གྲགས་པའི་གནའ་བོའི་རིག་གནས་གྲས་ཀྱི་གཅིག་ཡིན་པར་མ་ཟད། མེ་གླིང་གི་ཆེས་གལ་ཆེ་བའི་གནའ་བོའི་རིག་གནས་ཤིག་ཏུ་ངོས་འཛིན་བཞིན་མཆིས། མ་ཡ་ཤེས་རིག་བྱུང་འཕེལ་གྱི་གནས་འདི་དག་གི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི་32.4ཡོད་པ་དང་། ཞིབ་འཇུག་པས་མ་ཡ་རིག་གནས་ཁྱབ་ཡམས་ཀྱི་མི་གྲངས་ཆེས་མང་དུས་མི་ཁྲི་1400ཡོད་པར་བཞེད། ཨིན་དིའི་མི་ནི་ལོ་ངོ་ལྔ་སྟོང་གི་སྔོན་ནས་བཟུང་དེང་གི་མེག་སི་ཁོ་དང་མེ་གླིང་བར་མའི་གུ་ཝེ་ཐི་མ་ལའི་ཞི་བདེ་རྒྱ་མཚོའི་འགྲམ་ངོགས་སོགས་སུ་འཚོ་སྡོད་ཀྱི་མེ་ཁ་གསོས་ཤིང་། མེ་གླིང་གི་གནའ་བོའི་རྡོ་ཆས་དུས་སྐབས་ནས་བཟུང་ཁོ་ཚོས་ཐོན་སྐྱེད་བྱེད་སྒོའི་འགོ་བརྩམས། འཛམ་གླིང་གི་མི་རིགས་གཞན་དག་གི་འཕེལ་རིམ་དང་འདྲ་བར་མ་ཡ་མིའང་མ་རྨོས་པའི་ལོ་ཏོག་ཟོས་ཤིང་རི་དྭགས་རྔོན་པ་ནས་ཞིང་རྨོ་འདེབས་བརྒྱུད་ནས་འཕེལ་རྒྱས་བྱུང་བ་ཡིན།ཨིན་དིའི་མིས་འབྲུ་རིགས་མང་པོ་ཐོན་སྐྱེད་བྱས་པ་སྟེ། དཔེར་ན་འབྲས་དང་ཀྲོ་མ་ཀྲི། སྲན་མ། ཞོག་ཁོག་མངར་མོ་དང་སུར་པན། དུ་རྩྭ་སོགས། དེ་དག་ལས་འབྲས་ཀྱི་གསོ་སྤེལ་གྱི་མཛད་རྗེས་ནི་གསུབ་དུ་མེད་པར་བཞེད། མ་གཞི་འབྲས་ནི་མེ་གླིང་གི་རི་སྐྱེས་སྐྱེ་དངོས་ཤིག་ཡིན་ལ། རྗེས་ནས་མ་ཡའི་མིས་རྨོ་འདེབས་བརྒྱུད་ཐོན་ཚད་མང་པའི་འབྲུ་རིགས་ཤིག་ཏུ་གྱུར་བ་རེད། འབྲས་ཀྱི་རིགས་མང་ཞིང་འཚོ་བཅུད་ཕུན་སུམ་ཚོགས་པ། ཐོན་སྐྱེད་ཀྱི་ཚད་མང་བས་མེ་གླིང་གི་དབྱིན་ཏི་ཨན་རིག་གནས་ཀྱི་དངོས་པོའི་རྨང་གཞིར་གྱུར་བ་རེད། རྗེས་ནས་ཡོ་རོབ་གླིང་གི་མི་མེ་གླིང་དུ་ཐོན་རྗེས་འབྲས་འཛམ་གླིང་ཡོངས་ལ་ཁྱབ་བརྡལ་དུ་བཏང་ནས་འཛམ་གླིང་ཡོངས་ཀྱི་བཟའ་ཆས་གཙོ་བོར་གྱུར།བསྡོམས་རྩིས་བྱས་པ་ལྟར་ན། སྤྱི་ལོ་རྗེས་ཀྱི་དུས་རབས་བརྒྱད་པའི་ནང་དུ་རིགས་མི་མཚུངས་པའི་མ་ཡའི་ཚོ་པ་སོ་སོས་སྔ་རྗེས་སུ་གྲོང་ཁྱེར་བརྒྱ་ལྷག་བསྐྲུན་པ་དང་། དེའི་ཁྲོད་དུ་མིང་དུ་གྲགས་པ་ནི་ཕཱ་ལོན་ཁི་དང་ཁི་ལོན་སོགས་ཡིན། དཔལ་འབྱོར་འཕེལ་རྒྱས་ཀྱི་རྒྱུ་རྐྱེན་གཙོ་བོ་ནི་མ་ཡ་མི་རིགས་ཀྱི་ལག་ཤེས་བཟོ་ལས་ཀྱི་ཆུ་ཚད་ཅུང་མཐོ་བ་དང་འབྲེལ་བ་དམ་ཟབ་ཡོད་པར་བཞེད། སྐབས་དེར་རྡོའི་ཡོ་ཆས་དང་མཚོན་ཆ། རས་སོགས་ཀྱི་ཚོང་ཟོང་བྱུང་ཡོད་པ་དང་། སྤྱིར་བཏང་གི་གྲོང་རྡལ་དང་གྲོང་ཁྱེར་དུ་ཚོང་ར་ཡོད་པར་མ་ཟད་ཚོང་དོད་ཀྱང་བྱུང་ཡོད།མ་ཡ་རིག་གནས་ལས་ལོ་གཅིག་ལ་ཉིན་365དང་ཟླ་བ་18ཡོད་པར་ངོས་འཛིན་བྱེད་པ་དང་།ཟླ་རེར་ཉིན་20དང་ལྷག་མའི་ཉིན་ལྔ་ནི་འདས་མཆོད་སྒྲུབ་པའི་ཉིན་མོར་གཏན་འཁེལ་བྱས་པ་རེད། ཁོ་ཚོས་ཟླ་བ་དང་གཟའ་པ་སངས་སོགས་ཀྱི་འཁོར་སྤྱོད་ཀྱི་ལོ་འཁོར་རྩིས་པར་མ་ཟད་ཉི་འཛིན་གྱི་དུས་ཚོད་ཀྱང་རྩིས་པ་རེད། གྲངས་རིག་གི་ཐད་ནས་གོར་ཐིག་གསར་དུ་རྙེད་ཅིང་འདི་ནི་གྲངས་རིག་ཐད་ཀྱི་གསར་རྙེད་ཆེན་པོ་ཞིག་ཏུ་བརྩི་ཞིང་། ཡོ་རོབ་ལས་ལོ་ངོ་800ཡིས་སྔ་བ་རེད། མ་ཡའི་མིའི་རྩིས་རིག་ནི་འཛམ་གླིང་གི་ཆེས་འཐུས་ཚང་བའི་རྩིས་རིག་ཡིན་པར་བཞེད་ལ། རྩིས་ཀྱི་མ་ལག་ལ་གཙོ་བོ་ལྷའི་ལོ་ཐོ་དང་ཉི་མའི་ལོ་ཐོ། རིང་འཁོར་ལོ་ཐོ་བཅས་གསུམ་གྱིས་གྲུབ།

ཏེན་མག་གི་གཞུང་ཚབ་ཆེན་མོས་ཀྲུང་གོའི་བྱ་བ་དེ་ཧ་ཅང་ཡག་པོ་འདུག་ཅེས་བཤད།

མི་དམངས་དྲ་བའི་འཕྲིན། “གླང་ཆེན་ནི་སྲོག་ཆགས་ཆེ་གྲས་ཤིག་ཡིན་པས། དེ་ཚོ་མིའི་རིགས་ཀྱི་འཚོ་གནས་ཁུལ་དུ་ཡོང་ཚེ་རྙོག་དྲ་མང་པོ་བཟོ་སྲིད་མོད། འོན་ཀྱང་ཀྲུང་གོ་ཕྱོགས་ཀྱི་ཁ་གཏད་གཅོག་ཐབས་དེ་ཧ་ཅང་ཡག་པོ་འདུག” ཡུན་ནན་ས་གནས་དེ་གས་དུས་ཐོག་ཏུ་རྗེས་འདེད་ལྟ་ཞིབ་ཚད་ལེན་བྱས་ནས་སྔོན་ལ་ཡུལ་མིར་ཁ་འགྲེམས་ཉེན་བརྡ་བཏང་བ་དང་དུས་མཉམ་དུ། གླང་ཆེན་གྱི་འཚོ་གནས་དབང་ཆར་བརྩི་འཇོག་བྱས་པ་དང་། དེ་ཚོ་བདེ་བླག་ངང་རང་ཡུལ་ལ་ལོག་པར་བགྲོད་ལམ་བཏིང་ནས། མི་དང་གླང་ཆེན་བདེ་འཇགས་ཡོང་བར་ཁག་ཐེག་བྱས་ཡོད་ཅེས་མ་ལེ་གཞུང་ཚབ་ཆེན་མོས་དེ་ལྟར་བཤད། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གིས་ཚེས་8ཉིན་སྤེལ་བའི《ཀྲུང་གོའི་སྐྱེ་དངོས་སྣ་མང་རང་བཞིན་སྲུང་སྐྱོང་།》ཅེས་པའི་རྒྱབ་ཤ་དཀར་པོའི་དེབ་ལ་གཞིགས་ན། 2019ལོའི་བར་རྒྱལ་ཡོངས་སུ་ནགས་བཟོའི་རྒྱ་ཁྱོན་སྤྱི་ཆིང་ཁྲི་7000ལས་བརྒལ་ཡོད། 2000ལོ་ནས་2017ལོའི་བར་གོ་ལ་ཧྲིལ་པོར་གསར་དུ་འཕརབའི་སྔོ་འགྱུར་རྒྱ་ཁྱོན་ནང་25%ཙམ་ཀྲུང་གོ་ནས་ཡིན་པ་དང་ལེགས་སྐྱེས་འབུལ་ཚད་འཛམ་གླིང་གི་ཨང་དང་པོར་སླེབས་ཡོད།

རྒྱལ་ཁབ་འདིའི་ནོར་ཤའི་རིན་གོང་སྤྱི་རྒྱ་རེར་དམངས་སྒོར་1090ཟིན་འདུག །
ཉེ་དུས་གོ་ལ་ཧྲིལ་པོའི་ཟོག་སྐྱེལ་ཉམས་ཉེན་གྱི་ཤུགས་རྐྱེན་ཐེབས་ཏེ་ལྷོ་ཁོ་རེ་ཡའི་ཕག་ཤ་དང་ནོརཤའི་རིན་གོང་དྲག་ཏུ་འཕར། ལྷོ་ཁོ་རེ་ཡའི་སྒོ་རྩིས་ཚོང་ཁང་ཆེ་གྲས་ནང་དུ་ཕག་ཤའི་རིན་གོང་ནི་སྤྱི་རྒྱ་རེར་ལྷོ་ཁོ་རེ་ཡའི་སྒོར་ཁྲི་3.4(ཧ་ལམ་མི་དམངས་ཤོག་སྒོར་185)ཡིན་པ་དང་། ནོར་ཤ་སྤྱི་རྒྱ་གཅིག་གི་རིན་གོང་ནི་ཕལ་ཆེར་ལྷོ་ཁོ་རེ་ཡའི་སྒོར་ཁྲི་20(ཧ་ལམ་མི་དམངས་ཤོག་སྒོར་1090)ཡིན་པ་རེད།CCTVདེ་རིང་གི་ཨེ་ཤེ་ཡ་ཞེས་པར་གནས་ཚུལ་སྤེལ་བ་ལྟར་ན“སྤྲི་དཀར་འགྲེམ་ཐལ་ཤོར་བའི”རྐྱེན་གྱིས་རྒྱལ་ཁབ་མང་པོའི་མང་ཚོགས་ལ་ཉེ་དུས་གོ་ལ་ཧྲིལ་པོའི་ཟོག་སྐྱེལ་ཉམས་ཉེན་གྱི་ཤུགས་རྐྱེན་ཐེབས་ཏེ་ལྷོ་ཁོ་རེ་ཡའི་ཕག་ཤ་དང་ནོར་འཛམ་གླིང་གསལ་བའི་སྐར་ཁུང་། 2019ལོའི་བར་རྒྱལ་ཡོངས་སུ་ནགས་བཟོའི་རྒྱ་ཁྱོན་སྤྱི་ཆིང་ཁྲི་7000ལས་བརྒལ་ཡོད། 2000ལོ་ནས་2017ལོའི་བར་གོ་ལ་ཧྲིལ་པོར་གསར་དུ་འཕར་དཀའ་ངལ་བཟོས་ཡོད། གོ་ལ་ཧྲིལ་པོའི་མཁོ་སྤྲོད་སྦྲེལ་ཐག་ཧ་ཅང་དཀོན་པོར་གྱུར་བ་དེས་རྒྱལ་ཁབ་མང་པོའི་“ཚལ་སླེ་”དྲག་ཏུ་འཕར་བ་དང་། ལྷོ་ཁོ་རེ་ཡའི་ནོར་ཤ་སྤྱི་རྒྱ་རེར་མི་དམངས་ཤོག་སྒོར་དྲུག་བརྒྱ་ལྷག་ཟིན་ཡོད་ལ། འཇར་པན་གྱི་KFCལ་ཞོག་གཤར་འཚོང་རྒྱུ་མེད་ཅིང་རྒྱ་གར་གྱི་སྔོ་ཚལ་རིན་གོང་ལྡབ་འཕར་བྱུང་ཡོད། འཇར་པན་དཔལ་འབྱོར་རིག་པ་བས་དེ་ནི་“དངུལ་ལོར་གྲམ་ཚབས་ཆེ་བ་”ལས་བྱུང་བར་ངོས་འཛིན་བྱེད་ཀྱི་ཡོད་པ་རེད། །
ལུས་རྩལ་ལ་བརྟེན་ནས་འཛམ་གླིང་མཐུན་སྒྲིལ་ཡོང་བར་བྱེད།
2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་འཆར་ཉེར་ཡོད་པ་དང་སྦྲགས། ཉིན་ཤས་གོང་ཨ་རི་དང་ཨོ་སི་ཁྲུ་ལི་ཡ། དབྱིན་ཇི། འཇར་པན་སོགས་རྒྱལ་ཁབ་དང་ས་ཁུལ་མང་པོའི་ལུས་རྩལ་པ་དང་ལུས་རྩལ་ལས་རིགས་ཀྱི་མི་སྣས་སྐབས་འདིའི་དགུན་དུས་ཨོ་རྩལ་འགྲན་ཚོགས་ལ་རེ་སྒུག་བྱེད་ཅིང་། བདམས་ཐོན་པ་ཡག་ཤོས་བདམས་ནས་སྤུས་ཚད་མཐོ་བའི་དགུན་དུས་ཨོ་རྩལ་འགྲན་ཚོགས་ཀྱི་ལུས་རྩལ་ཁང་དུ་བསྐྱོད་དེ་འཛམ་གླིང་ཡོངས་ཞི་བདེའི་འགྲན་རྩོད་ཁྲོད་མཐུན་སྒྲིལ་རྡོག་རྩ་གཅིག་ཏུ་སྒྲིལ་བའི་འགྲན་བསྡུར་ནང་ཞུགས་རྒྱུ་དེ་རྒྱལ་སྤྱིའི་སྤྱི་ཚོགས་ཀྱི་ཡོངས་ཁྱབ་ཀྱི་ཐུན་མོང་ངོས་འཛིན་ཞིག་ཏུ་གྱུར་ཡོད། “རྒྱལ་ཁབ(ས་ཁུལ)206གི་འཐུས་མི་ཚོགས་པ་དང་སྐྱབས་བཅོལ་བའི་འཐུས་མི་ཚོགས་པའི་ལུས་རྩལ་པ་མཉམ་དུ་འཛོམས་ནས་ཕན་ཚུན་འགྲན་རྩོད་དང་བསམ་ཚུལ་སྤེལ་རེས་བྱས་ཏེ་ཁོང་ཚོའི་མི་ཚེའི་གཏམ་རྒྱུད་དང་ཕུགས་འདུན་མཉམ་སྤྱོད་བྱ་རྒྱུ་ནི་གལ་འགངས་ཤིན་ཏུ་ཆེ་བའི་བྱ་བ་ཞིག་རེད། དེ་བས་གལ་འགངས་ཆེ་བ་ཞིག་ནི་ཨོ་རྩལ་འགྲན་ཚོགས་ཀྱིས་ཇི་ལྟར་བྱས་ནས་མཛའ་གྲོགས་དང་། བསམ་ཤེས། བརྩི་འཇོག །མཐུན་སྒྲིལ་བཅས་ཀྱི་རྣམ་པ་གཏོད་པ་འཛམ་གླིང་ཡོངས་ཀྱིས་མཐོང་ཐུབ་པ་བྱ་རྒྱུ་དེ་རེད”ཅེས་ཁོ་ཚེ་ཡིས་བརྗོད། །

2021ལོའི་ནོ་པེར་བྱ་དགའ་བསྟུད་མར་ཁྱབ་བསྒྲགས་བྱས་པ།
2021ལོའི་ནོ་པེར་བྱ་དགའ་སྤྱི་ཟླ་10བའི་ཚེས་4ཉིན་ནས་ཚེས་11ཉིན་སྤྱི་ཟླ་10བའི་ཚེས་7ཉིན་གྱི་དགོང་མོའ ི་ཆུ་ཚོད་7པའི་སྟེང་དུ། 2021ལོའི་ནོ་པེར་རྩོམ་རིག་བྱ་དགའ་སུའེ་ཏེན་ནས་ཁྱབ་བསྒྲགས་བྱས། ཐན་ཙན་ནི་ཡའི་བརྩམས་སྒྲུང་མཁས་ཅན་ཨ་པུའུ་ཏུའུ་ལེ་ལྷ་ས་ཁེ·ཀུའུ་ནར（Abulrazak Gurnah）ལ་བྱ་དགའ་ཐོབ། བྱ་དགའ་སྤྲོད་པའི་རྒྱུ་མཚན་ནི“ཁོང་ལ་མི་སེར་སྤེལ་བའི་རིང་ལུགས་ཀྱི་ཤུགས་རྐྱེན་དང་དེ་བཞིན་རིག་གནས་དང་སྐམ་ས་ཆེ་མོའི་འགལ་རྐྱེན་ཆེན་པོའི་ཁྲོད། ཉམ་ཐག་མི་སེར་རྣམས་ཀྱི་ལས་དབང་ལ་འོས་མེད་སྤུ་ཙམ་ཡང་མི་བྱེད་པར་གདུང་སེམས་མཉམ་སྐྱེས་བྱེད་པའི་ཤེས་ཚོར་ཟབ་མོ་ཞིག་ཡོད”ཅེས་བཤད་ཡོད། སྤྱི་ཟླ་10པའི་ཚེས་4ཉིན། 2021ལོའི་ནོ་པེར་བྱ་དགའ་དང་པོ་སྟེ་ནོ་པེར་ལུས་ཁམས་རིག་པའམ་གསོ་རིག་བྱ་དགའ་དངོས་སུ་ཁྱབ་བསྒྲགས་བྱས་པ་དང་། ཨ་རིའི་ཚན་རིག་མཁས་ཅན་གཉིས་ཏེDavid JuliusདངArdem Pataaaaaputannལ་སྤྲད། ཁོང་གཉིས་ཀྱིས་དྲོད་ཚད་དང་རེག་ཚོར་དབང་པོའི་ཚོར་དབང་རྙེད་པའི་ཐད་ཀྱི་བྱས་རྗེས་ལ་གཟེངས་བསྟོད་བྱས། ཚེས་5ཉིན། 2021ལོའི་ནོ་པེར་དངོས་ལུགས་རིག་པའི་བྱ་དགའ་ཁྱབ་བསྒྲགས་བྱས་པ་དང་། Syukuro ManabeདངKlausHasselmannདངOutreach Giorgio Parisiབཅས་ལ་སྤྲད། “ང་ཚོས་རྙོག་འཛིང་ཆེ་བའི་མ་ལག་ལ་ཤེས་རྟོགས་བྱེད་པར་གསར་གཏོད་རང་བཞིན་གྱི་བྱས་རྗེས་བཞག་པར”གཟེངས་བསྟོད་བྱས། ཚེས་6ཉིན། པུན་ཅེ་མིང·ལི་སི་ཐེ་དང་ཏ་ཝེ·w·c·མའེ་ཁེ་སྨི་ལུན་གཉིས་ཀྱིས་གནད་ལ་ཁེལ་བའི་ཆ་རྡུལ་གྱིས་ཡོ་བྱད་གསར་པ་བསྐྲུན་པ་སྟེ་སྐྱེ་ལྡན་འགྱུར་སྐུལ་གསར་སྤེལ་བྱས་པས། 2021ལོའི་ནོ་པེར་རྫས་འགྱུར་རིག་པའི་བྱ་དགའ་ཐོབ་པ་དང་དེས་སྨན་རྫས་ཞིབ་འཇུག་ལ་ཤུགས་རྐྱེན་ཆེན་པོ་ཐེབས་ཡོད།
ཉི་མ་སྲུང་སྲུང་གིས་གཙོ་འཁྲབ་བྱས་པའི་གློག་བརྙན《ཡིག་སྐྱེལ་བ》རྒྱལ་ཡོངས་ནས་གཟིགས་འབུལ་བྱས།
ཉེ་ཆར། ཡུན་ནན་ཞིང་ཆེན་གྱི་ཡིག་སྐྱེལ་བ་ཉི་མ་ལྷ་མོའི་དངོས་ཡོད་གཏམ་རྒྱུད་ཀྱི་མ་གཞི་བྱས་པའི་གློག་བརྙན《ཡིག་སྐྱེལ་བ》ཞེས་པ་དེ་རྒྱལ་ཡོངས་ནས་གཟིགས་འབུལ་བྱས། གློག་བརྙན་དེ་ནི་བོད་ཀྱི་འཁྲབ་སྟོན་པ་ཉི་མ་སྲུང་སྲུང་དང་འབྲུག་རྒྱལ་ཚེ་རིང་སོགས་ཀྱིས་གཙོ་འཁྲབ་བྱས་ཤིང་། རྒྱལ་ཁབ་སྦྲགས་སྲིད་ཅུས་བསམ་པའི་དཔལ་ཡོན་འཛུགས་སྐྲུན་ཨུ་ལྷན་གྱི་གཞུང་
ལས་ཁང་གིས་མཛུབ་སྟོན་དང་། ཀྲུང་གོ་སྦྲགས་སྲིད་ཚོགས་པའི་ཚད་ཡོད་སྤྱི་གཉེར་ཁང་གིས་ཆོག་མཆན་གནང་ནས་ཕབ་ལེན་བྱས་པ་ཞིག་ཡིན། གློག་བརྙན་དེས་གཞི་རིམ་གྱི་ཡིག་སྐྱེལ་བ་ཉི་མ་ལྷ་མོས་རི་ཆུ་གང་མང་བརྒལ་ཞིང་།དཀའ་ཁག་གང་མང་མྱངས་བ་ལ་མ་འཛེམ་པར་ཡིག་འཕྲིན་རེ་རེ་གཞི་རིམ་མང་ཚོགས་ཀྱི་ལག་ཏུ་སྐྱེལ་བ་བརྗོད་ཡོད། །
    དགའ་སྤྲོའི་གླིང་ག་སྐབས་བཞི་པ་ལ་དགའ་བསུ་ཐོབ། 
ཉེ་ཆར་ཁམས་པའི་བརྙན་འཕྲིན་ཁང་གིས་གཙོ་སྒྲུབ་བྱས་པའི་དགའ་སྤྲོའི་གླིང་གའི་ལེ་ཚན་སྐབས་བཞི་པ་བརྙན་འཕྲིན་དང་དྲ་ངོས་ཀྱི་ཡོལ་བ་བརྒྱུད་ནས་རྒྱ་ཆེའི་ལྟ་མཁན་རྣམས་ཀྱི་མིག་སྔར་བཤམས། དགའ་སྤྲོའི་གླིང་ག་སྐབས་བཞི་པར་བསྡོམས་པས་ལེའུ་བདུན་ཡོད་ལ། གཟའ་འཁོར་རེའི་གཟའ་སྤེན་པར་ལེའུ་གཅིག་རེ་ཁམས་པའི་བརྙན་འཕྲིན་དང་། ཤམ་བྷ་ལ་མགྲོན་སྣེ། ཁམས་པའི་བརྙན་འཕྲིན་ཁང་གི་འཕྲིན་ཕྲན་སྤྱི་སྟེགས་དང་བརྙན་སྟེགས། འཁྱུག་དབྱིངས་སོགས་བརྒྱུད་ནས་བཏང་བ་རེད། ལེ་ཚན་འདིའི་ནང་གི་འཁྲབ་སྟོན་མི་སྣ་རྣམས་ཀྱི་སྒྱུ་རྩལ་གྱི་ཉམས་འགྱུར་རེ་རེའི་བར་གསེང་ན་བོད་གངས་ཅན་གྱི་ལོ་རྒྱུས་དང་འཚོ་བ། དེ་བཞིན་རིག་གནས་བཅས་ཀྱི་རིན་ཐང་མངོན་པ་མ་ཚད། ཁོ་ཚོའི་ཡིད་དུ་འོང་བའི་རྣམ་འགྱུར་དང་མི་སེམས་མགུ་བའི་ཐབས་འཕྲུལ་དེ་ལ་དགའ་སྤྲོའི་གླིང་གའི་ལེ་ཚན་གྱི་གཟིགས་མཁན་རྣམས་གྱི་དགའ་བསུ་ཐོབ། །

བསམ་ཁོའི་གཞས་གསར《ང་དང་སྒྲ་སྙན》འགྲེམ་སྤེལ་བྱས།

ས་མཐོའི་སྟོན་རླུང་དང་འགྲོགས་པའི་བསམ་ཁོའི་གཞས་གསར་《ང་དང་སྒྲ་སྙན》ཞེས་པ་དངོས་སུ་འགྲེམ་སྤེལ་བྱས། གླུ་གཞས་འདི་ནི་དབུས་གཙང་གི་སྐད་ནས་བླངས་ཤིང་མགྱོགས་ལ་སྙན་པའི་སྒྲ་སྙན་གྱི་གདངས་དབྱངས་གླུ་གཞས་ཧྲིལ་པོར་ཁྱབ་ཡོད། བཀྲ་ཤིས་པའི་དབྱངས་ཀྱིས་མེས་པོའི་ཤུལ་ལམ་གསལ་ལ་བོད་མིའི་ལྷག་བསམ་མཚོན་པར་བྱས།སྲོལ་རྒྱུན་གྱི་སྒྲ་སྙན་བོད་ཡུལ་དུ་དར་ཁྱབ་ཆེ་ཞིང་། ལོ་ངོ་སྟོང་གི་ལོ་རྒྱུས་ཁྲོད་ཡིད་དབང་འཕྲོག་ཤུགས་ཉམས་མེད་སྔར་བཞིན་གནས་ལ་སྒྲ་སྙན་ནི་གངས་ལྗོངས་སྙན་དབྱངས་ཀུན་གྱི་འབྱུང་གཞི་དང་བོད་ཀྱི་གླུ་དབྱངས་སྒྱུ་རྩལ་ལོ་རྒྱུས་ཁྲོད་གོ་གནས་གལ་ཆེན་ཡོད།ས་གནས་མི་འདྲ་བར་གཞིགས་ཏེ་སྒྲ་སྙན་དཀྲོལ་སྟངས་མི་གཅིག །དེ་ཡང་དལ་ལ་ལྷོད་དུས་རྩྭ་ཐང་གི་ཆར་ཟིམ་དང་རི་རྩེའི་གངས་དང་འདྲ་ལ། དེ་མགྱོགས་པའི་དུས་སུ་ཅང་ཤེས་རྟ་མཆོག་གི་གོམ་འགྲོས་དང་མཚུངས། གང་ལྟར་བོད་ཀྱི་སྲོལ་རྒྱུན་དཀྲོལ་ཆས་དེས་སྒྲ་འཛིན་གྱི་དབྱངས་འགྲོས་བརྒྱུད་དེ་ཡ་ཆུང་སེམས་སུ་འཐིམས་པར་བྱེད།གཞས་གསར《ང་དང་སྒྲ་སྙན》ཞེས་པས་སྲོལ་རྒྱུན་གྱི་དབྱངས་ལ་བརྟེན་ནས་བཀྲ་ཤིས་སྨོན་འདུན་ཕྱོགས་བཞིར་ཕུལ་ཡོད།

གཞས་མ་ལྷ་སྐྱིད་ཀྱིས་གླུ་གཞས་ཆེད་ཚོགས་འཚོགས།
ཉེ་ཆར། ཨ་མདོ་བརྙན་འཕྲིན་ཁང་གིས་གཙོ་སྒྲུབ་བྱས་པའི་བོད་ཀྱི་གླུ་མ་ལྷ་སྐྱིད་ཀྱི་གླུ་གཞས་དགོང་ཚོགས་ནས་ཁུར་བུ་མོ་ཆེད་བསྒྲིགས་ཁག་ལྔ་པའམ་གཡས་འཁྱིལ་དུང་གི་སྒྲ་དབྱངས་ཞེས་པ། སྤྱི་ལོ་2021ལོའི་ཟླ་9པའི་ཚེས་18ཉིན། ཨ་མདོ་བརྙན་འཕྲིན་ལས་གངས་རིའི་སྐར་རྒྱན་ལེ་ཚན་དུ་ཆེད་གཞས་དགོང་ཚོགས་གཟབ་རྒྱས་ངང་སྤེལ་བ་དང་ཐད་གཏོང་བྱས། རྒྱ་ཆེའི་ཉན་མཁན་ཚོའི་གདེང་འཇོག་མི་དམན་པ་ཐོབ་ཡོད། གླུ་མ་ལྷ་སྐྱིད་ནི་སྐད་ངག་སྙན་ལ་རང་གཤིས་འཇམ་པ་དང་སྲོལ་རྒྱུན་བོད་ཀྱི་བུ་མོའི་བབ་ཆགས་ཤིང་བརྩོན་པ་ལྡན་པའི་ཆ་ལུགས་མངའ་བའི་ཁ་བ་ཅན་གྱི་ཡུལ་ཀུན་དུ་དགའ་བསུ་ཆེན་པོའི་ཐོབ་བཞིན་ཡོད་པའི་བོད་ཀྱི་གཞས་མ་ཞིག་ཡིན།                                                                                                                                                                                                                                                                                                                                                                           ཤེས་རབ་བཀྲ་ཤིས་ཀྱིས་བསྒྱུར།