2021ལོའི་ཟླ་12པའི་ཚེས་29ཉིན་གྱི་ཕྱི་དྲོར། དཀར་མཛེས་ཁུལ་ཨུའི་ཧྲུའུ་ཅི་ཧྲེན་དབྱང་གིས་སྐབས་གསར་པའི་ཁུལ་ཨུའི་རྒྱུན་ཨུ་དང་ཁུལ་ཨུའི་ཨུ་ཡོན། རྗེས་སྣོན་ཨུ་ཡོན་བཅས་ཀྱི་སྣེ་ཁྲིད་དེ་སི་ཁྲོན་རྒྱང་སྐྱོད་ལས་བྱེད་པའི་སློབ་གླིང་ལྕགས་ཟམ་རྫོང་ཡན་ལག་ཁང་དུ་རྒྱང་སྐྱོད་རིག་གནས་སྤྱི་གླིང་དཀར་མཛེས་ཁུལ་གྱི་འཛུགས་སྐྲུན་ཁྱོན་ཡོངས་ནས་འགོ་ཚུགས་པའི་མཛད་སྒོ་དང་རྒྱང་སྐྱོད་སྙིང་སྟོབས་བསྐྱར་དྲན་གྱི་བརྗོད་དོན་གཙོ་བོའི་བྱེད་སྒོར་ཞུགས།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསར་བརྗེའི་རིག་དངོས་ལས་དོན་སྐོར་གྱི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་གཏིང་ཟབ་བྱས་ནས། རྒྱང་སྐྱོད་ལམ་གྱི་རྒྱལ་ཁབ་རིག་གནས་སྤྱི་གླིང་བསྐྲུན་རྒྱུའི་སྐོར་གྱི་ཀྲུང་དབྱང་དང་ཞིང་ཨུའི་ཐབས་ཇུས་བཀོད་སྒྲིག་གཞིར་བཟུང་ནས། ཁུལ་ཨུ་དང་ཁུལ་སྲིད་གཞུང་གིས་དམར་དམག་རྒྱང་སྐྱོད་ལམ་གྱི་རྒྱལ་ཁབ་རིག་གནས་སྤྱི་གླིང་དཀར་མཛེས་ཁུལ་གྱི་འཛུགས་སྐྲུན་ཁྱོན་ཡོངས་ནས་ལས་འགོ་བཙུགས།
རིག་གནས་དང་ཡུལ་སྐོར་མཉམ་འདྲེས་ཁུལ་དུ“རྒྱང་སྐྱོད+”རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་དཔེ་སྟོན་ཁུལ་གཙོ་བོ་བྱས་ནས་བསྐྲུན་རྒྱུ་ཡིན་ཞིང་། སྲོལ་རྒྱུན་བེད་སྤྱོད་ཁུལ་འཆར་འགོད་འཛུགས་སྐྲུན་ལམ་རྒྱུད་ཀྱི་དམར་དམག་རྒྱང་སྐྱོད་གྲོང་ཚོ་17དང་རྒྱང་སྐྱོད་བརྗོད་དོན་གཙོ་བོའི་གསར་བརྗེའི་གྲོང་རྡལ་ཆུང་ངུ་14བསྐྲུན་རྒྱུ་རེད། དེའི་ནང་ལྕགས་ཟམ་ཁ་བླངས་བ་ལྟེ་བ་བྱས་པའི་འགྲེམས་སྟོན་ཁང”གིས“རྒྱལ་ནང་གི་རྩེར་སོན་པའི་གསར་བརྗེའི་རིག་གནས་ཡུལ་སྐོར་གྱི་དམིགས་ས་འཛུགས་པའི”སྤྱི་ཁོག་གཏན་འཁེལ་བྱས་ཤིང་།འཆར་འགོད་ལ་རྒྱ་ཁྱོན་སྤྱི་ཆིངས་38.27དང་།ཚོད་རྩིས་བྱས་པ་ལྟར་ན་མ་དངུལ་སྒོར་དུང་ཕྱུར་18གཏང་རྒྱུ་རེད། །
