ཐེན་ཅིན་གྱི་འཚོལ་སྙེག་རྟེན་རྫས་བཤམས་མཛོད་ཁང་ནི་རྒྱ་ཁྱོན་སྨི་གྲུ་བཞི་མ་ཁྲི་གསུམ་སྟོང་གསུམ་ཟིན་པའི་རྟེན་རྫས་བཤམས་མཛོད་ཁང་ཆེན་པོ་ཞིག་ཡིན་ལ། ལོ་དྲུག་ལ་ཇུས་འགོད་བྱས་ནས་བསྐྲུན་པ་དང་རྟེན་རྫས་བཤམས་མཛོད་ཁང་འདི་2019ལོའི་སྟོན་དུས་སུ་སྤྱི་དམངས་ལ་སྒོ་འབྱེད་པ་རེད། བཤམས་མཛོད་ཁང་ནང་དེང་རབས་ཀྱི་ལག་རྩལ་ཐོག་ནས་ཐེན་ཅིན་བཟོ་ལས་ལོ་རྒྱུས་ཐོག་གི་མིའི་ཐབས་ལ་བརྟེན་ནས་བཟོས་པའི་ཐོན་རྫས་སྣ་ཚོགས་འགྲེམས་སྟོན་བྱས་པའི་ནང་། ཕྱི་ཚུལ་བརྗིད་ཉམས་ཆེ་བའི་བར་སྣང་འཚོལ་ཞིབ་ཀྱི་མེ་ཤུགས་འཕུར་མདའ་ཚུད་ཡོད་པ་དང། ལས་གཞི་ནི་ཐེན་ཅིན་པིན་ཧའེ་རིག་གནས་ལྟེ་གནས་ཀྱི་ཆ་ཤས་ཤིག་ཡིན་ཞིང་། འགྲེམས་སྟོན་དང་རིག་གནས་བྱེད་སྒོའི་སྒྲིག་བཀོད་ཕུད་འཛུགས་སྐྲུན་ནང་ད་དུང་བར་ཁྱམས་དང་། གཞུང་ལས། ཟ་ཁང་། སིལ་ཚོང་སོགས་ཚུད་ཡོད་པ་རེད།
པའོ་ནཱ་ཏི་ཆི་མེད་（Bernard Tschumi）འཛུགས་སྐྲུན་ལས་དོན་ཁང་གིས་རྟེན་རྫས་བཤམས་མཛོད་ཁང་གི་ཇུས་འགོད་ཁྲོད་ས་གནས་དེ་གའི་ཕུན་སུམ་ཚོགས་པའི་བཟོ་ལས་ལོ་རྒྱུས་ལ་བསམ་གཞིག་བྱས་པ་མ་ཟད། རྟེན་གཞིའི་ཁྲོད་ཀྱི་དེ་སྔའི་ཐོན་སྐྱེད་དང་ཞིབ་འཇུག་གི་སྒྲིག་གཞིའི་ཁྲོད་ནས་འཆར་སྣང་བསྡུ་ལེན་བྱས་པ་རེད། སྙུང་གཟུགས་ཆེན་པོ་མང་པོ་ཞིག་གིས་བཤམས་སྟོན་ཁང་གི་བར་སྟོང་གཙོ་བོ་གྲུབ་ཡོད་ལ། རྩེ་གནས་འོད་ལེན་གྱི་ལྟེ་བའི་སྙུང་གཟུགས་ཀྱིས་བང་རིམ་གསུམ་གྱི་བར་ཁམས་སྦྲེལ་མཐུད་དང་དུང་འཁྱིལ་གྱི་ཐུར་ལམ་ཞིག་ས་ངོས་ནས་དལ་བུའི་ངང་རྩེ་རིམ་དུ་སླེབས་ཡོད། གནའ་བོའི་བཟོ་ལས་ཀྱི་མ་དཔེ་བསྐྱར་དུ་བཏོན་པ་བརྒྱུད་མི་རྣམས་ལ་དེང་རབས་ཀྱི་དྲང་འཕྱང་གྲོང་ཁྱེར་གྱི་དམིགས་བསལ་གྱི་བར་མཐོངས་ཉམས་ལེན་བྱུང་ཡོད། ཡུལ་སྐོར་བས་ཁང་པའི་ཀླད་ནས་ལྷོད་ལྷོད་ངང་གྲོང་ཁྱེར་གྱི་ཡུལ་ལྗོངས་ལ་རོལ་མྱོང་བྱེད་ཆོག །པའོ་ནཱ་ཏི་ཆི་མེད་（Bernard Tschumi）ཀྱིས་འཚོལ་ཞིབ་རྟེན་རྫས་བཤམས་མཛོད་ཁང་དེས་ཐེན་ཅིན་གྱི་འདས་ཟིན་པའི་ལོ་རྒྱུས་མཚོན་པར་མ་ཟད། ད་དུང་དེ་ཡིས་ད་ལྟ་དང་འབྱུང་འགྱུར་ཡང་མཚོན་ཡོད་ཅེས་གདེང་འཇོག་གནང་།
འགྲེམས་སྟོན་གྱི་བར་ཁམས་སུ་མི་རྣམས་ཀྱིས་དོ་སྣང་ཆེ་ཤོས་བྱེད་པ་ནི་བརྗིད་ཉམས་ཆེ་བའི་དཀྱིལ་གྱི་སྙུང་གཟུགས་དེ་ཡིན་པ་དང་། དེས་ལས་གཞིའི་ཁྲོད་ཀྱི་སྤྱི་པའི་བར་ཁམས་ཚང་མ་སྦྲེལ་མཐུད་བྱས་ཡོད་ཅིང་། དེའི་མཐོ་ཚད་ནི་ཀུའུ་ཀེན་ཧའེ་མུའུ་མཛེས་རྩལ་ཁང་གི་ལྡབ་གཉིས་ཙམ་ཡིན་པ་རེད། ཡུལ་སྐོར་བས་དུང་འཁྱིལ་གྱི་ཐུར་ལམ་བརྒྱུད་དེ་འཛུགས་སྐྲུན་ཁྲོད་གཅིག་རྗེས་གཉིས་མཐུད་ཀྱི་འགྲེམས་ཁང་དུ་སྐྱོད་ཆོག་པ་དང་། མཛེས་ལྗོངས་ཀྱི་སྒེའུ་ཁུང་དང་དཀར་ཆ་འདོན་སའི་ཁྲོན་པ་ཡིས་འགྲེམས་ཁང་ཚང་མར་བཟོ་ལྟ་དང་ཁྱད་ཆོས་མི་འདྲ་བ་བཏོད་ཡོད། ཆེས་ཆེ་བའི་བང་རིམ་གསུམ་གྱི་བར་སྟོང་ནི་ལས་གཞིའི་ལམ་ཐིག་གཙོ་བོ་ཡིན་པ་དང་། སྒོར་དབྱིབས་ཀྱི་གློག་འོད་དང་འོད་ཁྲོན་ནི་འོད་ཐིག་དག་སྐར་མ་དང་འདྲ་བས། མི་རྣམས་ལ་སྤྱིར་བཏང་མིན་པའི་སྣང་བ་སྟེར། ལས་གཞིའི་ཤོང་ཚད་ཧ་ཅང་ཆེ་བ་དང་གཞི་རྒྱུ་སྣ་ཚོགས་ཚུད་ཡོད་ཅིང་། ཨི་ཁུང་འབིགས་པའི་ཧ་ཡང་ལེབ་མོ་ལས་གཅིག་གྱུར་གྱི་ཕྱི་ངོས་བཟོས་ཡོད་པ་རེད།
སྙུང་གཟུགས་འགྲེམས་སྟོན་གྱི་བར་སྟོང་ལ་རང་བྱུང་གི་འོད་མཁོ་འདོན་བྱས་ཡོད་པས་མིས་བཟོས་གློག་སྒྲོན་ལ་མཁོ་བའི་ནུས་ཚད་ཟད་གྲོན་ཉུང་དུ་བཏང་ཡོད། གོང་ནས་འོག་ཏུ་ཇེ་ཞིབ་ཏུ་འགྲོ་བའི་རྣམ་པ་ལ་མཁའ་དབུགས་ཚ་པོ་འདུས་ནས་དགུན་ཁར་འགྲེམ་སྟོན་ཁང་གི་ནང་ལོགས་སུ་དྲངས་ཏེ། ཚ་ནུས་ཕྱིར་བསྡུས་ནས་བེད་སྤྱོད་བྱ་ཆོག །བར་སྟོང་བྱེད་ནུས་ཀྱི་དགོས་མཁོ་ལས་གཞན་ཇུས་འགོད་ཁྲོད་ཤེལ་གྱང་གི་བཀོལ་སྤྱོད་ཇེ་ཉུང་དུ་བཏང་ཡོད། ལྕགས་རིགས་ཀྱི་པང་ལེབ་ལས་ཚ་ཚད་ལྷག་མ་ཕྱིར་འབུད་པར་ཕན། ཆེས་ཆེ་བའི་བར་ཁྱམས་ནི་དུ་ཁུང་ཞིག་དང་འདྲ་བར་ཚ་གྲང་གི་མཁའ་རླུང་འཁོར་སྐྱོད་བྱེད་པར་བརྟེན་ནས་བར་སྟོང་ནང་དུ་མཚམས་མི་ཆད་པར་མཁའ་རླུང་འཁོར་རྒྱུག་བྱེད་པར་འགན་ལེན་བྱེད་བཞིན་ཡོད། །