སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཆོས་ལུགས་ལས་དོན་སྐོར་གྱི་རྒྱས་བཤད་གལ་ཆེན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། བོད་བརྒྱུད་ནང་བསྟན་ཀྲུང་གོ་ཅན་གྱི་ཆུ་ཚད་མཐོ་རུ་གཏོང་བ། བོད་བརྒྱུད་ནང་བསྟན་ཀྲུང་གོ་ཅན་དུ་འགྱུར་བར་སི་ཁྲོན་ནས་ལག་ལེན་བྱས་པའི་རྣམ་པ་འགྲེམ་སྟོན་བྱ་ཆེད། སྤྱི་ཟླ་6པའི་ཚེས་30ཉིན། བོད་བརྒྱུད་ནང་བསྟན་ཀྲུང་གོ་ཅན་དུ་འགྱུར་བར་སི་ཁྲོན་ནས་ལག་ལེན་བྱེད་པའི་རིག་གཞུང་བགྲོ་གླེང་ཚོགས་འདུ་དེ་སི་ཁྲོན་བོད་བརྒྱུད་ནང་བསྟན་སློབ་གླིང་དུ་འཚོགས་པ་རེད། ཞིང་ཆེན་སྲིད་གྲོས་ཀྱི་ཀྲུའུ་ཞི། ཞིང་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཐེན་ཞང་ལི་ཚོགས་འདུར་ཞུགས་ནས་གསུང་བཤད་གནང་། ཀྲུང་གོ་ནང་བསྟན་མཐུན་ཚོགས་ཀྱིས་རིག་གཞུང་བགྲོ་གླེང་ཚོགས་འདུར་ཤིས་ཚིག་གློག་འཕྲིན་བཏང་བ་དང་། ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་ཡོན་ཀྲང་གཞོན་པ་ལིའུ་ཕུང་གིས་ཤིས་ཚིག་ཕུལ་བ་རེད།
བགྲོ་གླེང་ཚོགས་འདུའི་བརྗོད་དོན་གཙོ་བོ་ནི“བོད་བརྒྱུད་ནང་བསྟན་ཀྲུང་གོ་ཅན་དུ་འགྱུར་བར་སི་ཁྲོན་ནས་ལག་ལེན་བྱེད་པ”ཞེས་པ་ཡིན་ཞིང་། བོད་བརྒྱུད་ནང་བསྟན་ཀྲུང་གོ་ཅན་ནི་བོད་བརྒྱུད་ནང་བསྟན་སྐྱོན་བྲལ་ངང་རྒྱུན་འཛིན་བྱེད་པའི་ལྡོག་མེད་བླང་བྱ་དང་། བོད་བརྒྱུད་ནང་བསྟན་དེ་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བའི་ལྡོག་མེད་བླང་བྱ། བོད་བརྒྱུད་ནང་བསྟན་དེ་ཀྲུང་ཧྭ་རིག་གནས་དང་མཉམ་འདྲེས་ཡོང་བའི་ལྡོག་མེད་བླང་བྱ། ཁྲིམས་ལྟར་བཅོས་སྐྱོང་བྱེད་པ་དང་མཉམ་དུ་སྐྱོད་པའི་ལྡོག་མེད་བླང་བྱ་ཡིན་པ་བཅས་ཕྱོགས་བཞིའི་ཐད་ནས་བོད་བརྒྱུད་ནང་བསྟན་ཀྲུང་གོ་ཅན་གྱི་དགོས་ངེས་རང་བཞིན་དང་ཁ་ཚ་དགོས་གཏུག་རང་བཞིན་བསྟན་ཡོད། ཆབ་སྲིད་སྣེ་ཁྲིད་དང་། རིག་གནས་གོམས་ལོབས། ཁྲིམས་ལྟར་དོ་དམ། མཚོན་བྱེད་མི་སྣ་གསོ་སྐྱོང་སོགས་ཀྱི་ཐད་ནས་ཉེ་བའི་ལོ་ཤས་རིང་སི་ཁྲོན་གྱིས་བོད་བརྒྱུད་ནང་བསྟན་ཀྲུང་གོ་ཅན་ལ་སྐུལ་འདེད་གཏོང་བའི་འཚོལ་ཞིབ་དང་ལག་ལེན་ལ་ཕྱིར་དྲན་བྱས་ཏེ། བོད་བརྒྱུད་ནང་བསྟན་ཀྲུང་གོ་ཅན་གྱི་དགོངས་པའི་ངོ་བོ་དང་དོན་སྙིང་གཙོ་བོ་ནི་བོད་བརྒྱུད་ནང་བསྟན་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན། ཀྲུང་ཧྭའི་རིག་གནས་དང་མཉམ་འདྲེས། ཁྲིམས་ལྟར་བཅོས་སྐྱོང་བཅས་བྱ་རྒྱུར་ཁྲིད་སྟོན་བྱ་རྒྱུ་དེ་རེད་ཅེས་བསྟན་པ་རེད།