སྲིད་གཞུང་གིས་རོགས་བྱས་ཏེ་འབྲུ་རྡོག་གཅིག་ཀྱང་མ་ལུས་པར་འབྲུ་མཛོད་དུ་བསྡུས།

རིམས་ནད་སྔོན་འགོག་ཚོད་འཛིན་གྱི་འགག་རྩའི་དུས་སྐབས་སུ་མང་ཚོགས་ལ་སྟོན་བསྡུའི་འགན་ལེན་བྱ་ཆེད། སྤྱི་ཟླ་9པའི་ཚེས་1ཉིན། རྔ་བ་ཁུལ་རྔ་བ་རྫོང་གིས་རིམས་ནད་སྔོན་འགོག་ཚོད་འཛིན་ལས་དོན་ཏན་ཏིག་སྤེལ་བ་དང་ཆབས་ཅིག།།ཏང་ཡོན་དང་གྲོང་ཚོའི་ཚོ་ཆུང་གི་ལས་བྱེད་པ་རྩ་འཛུགས་བྱས་ཏེ་ཁག་བགོས་ཤིང་གོ་རིམ་ལྡན་པའི་ངང་སྟོན་བསྡུའི་ལས་དོན་སྤེལ་ནས། འབྲུ་རྡོག་གཅིག་ཀྱང་མ་ལུས་པར་ཚང་མ་འབྲུ་མཛོད་དུ་བསྡུ་བའི་འགན་ལེན་བྱས་པ་རེད། །