2022ལོའི་ཟླ་12པའི་ཚེས་26ཉིན་གྱི་ཆུ་ཚོད་8དང་སྐར་མ་5ཡི་ཐོག །འགྲུལ་པ་700ལྷག་ཙམ་བསྡད་ཡོད་པའི་C57རྟགས་ཅན་གྱི་མེ་འཁོར་དེ་ཁྲེང་ཏུའུ་མེ་འཁོར་འབབ་ཚུགས་ལྷོ་མ་ནས་ཞི་ཁྲང་ཕྱོགས་སུ་དལ་མོར་བསྐྱོད་འགོ་ཚུགས་པ་དེས། ཁྲེང་ཏུའུ་ནས་ཁུན་མིང་བར་གྱི་ལྕགས་ལམ་གསར་པའི་ཆེས་མཐའ་མའི་དུམ་བུ་སྟེ་གླང་ཆེན་འགྱིང་རི་ནས་མེན་ཉིང་བར་ཏུ་ཤར་གཏོང་ཐུབ་པ་མཚོན་ལ། ལམ་ཐིག་ཧྲིལ་པོར་སྤྱི་ལེ་915ཡོད་པའི་ཁྲེང་ཏུའུ་ནས་ཁུན་མིང་བར་གྱི་ལྕགས་ལམ་གསར་པ་ཧྲིལ་པོར་མེ་འཁོར་ཤར་གཏོང་ཐུབ་པ་དང་སྐྱེལ་འདྲེན་བྱེད་འགོ་ཚུགས།
ཁྲེང་ཏུའུ་ནས་ཁུན་མིང་བར་གྱི་ལྕགས་ལམ་གསར་པ་དེ་ཁྲེང་ཏུའུ་འབབ་ཚུགས་ལྷོ་མ་ནས་འགོ་ཚུགས་ཤིང་ལམ་བར་ཏུ་སི་ཁྲོན་ཞིང་ཆེན་ཁྲེང་ཏུའུ་གྲོང་ཁྱེར་དང་མེ་ཧྲན་གྲོང་ཁྱེར། ལེ་ཧྲན་གྲོང་ཁྱེར། ལིའང་ཧྲན་དབྱི་རིགས་རང་སྐྱོང་ཁུལ། ཕན་ཀྲི་ཧྭ་གྲོང་ཁྱེར། ཡུན་ནན་ཞིང་ཆེན་ཁྲུའུ་ཞུང་དབྱི་རིགས་རང་སྐྱོང་ཁུལ། ཁུན་མིང་གྲོང་ཁྱེར་བཅས་བརྒྱུད་ནས་མཐར་ཁུན་མིང་འབབ་ཚུགས་སུ་འབྱོར་ལ་ཆུ་ཚོད་རེའི་མྱུར་ཚད་སྤྱི་ལེ་160ཇུས་འགོད་བྱས། ཁྲེང་ཏུའུ་ནས་ཁུན་མིང་ལྕགས་ལམ་གསར་པ་ཤར་གཏོང་བྱས་རྗེས། ཁྲེང་ཏུའུ་ནས་ཞི་ཁྲང་དང་ཕན་ཀྲི་ཧྭ། ཁུན་མིང་བཅས་སུ་ཡུལ་སྐོར་ལ་འགྲོ་བའི་དུས་ཚོད་ཆེས་ཆེར་ཐུང་དུ་བཏང་པ་དང་ཆེས་མགྱོགས་ཤོས་ཆུ་ཚོད་3དང་། ཆུ་ཚོད་5དང་ཆུ་ཚོད་7.5བཅས་སོ་སོར་འབྱོར་ཐུབ་རྒྱུ་རེད། །