རྔ་བ་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དངོས་བྲིས་པར་རིས་བརྩམས་ཆོས་བདམས་བཀོད།

ཏང་གི་ཚོགས་ཆེན་ཉི་ཤུ་པར་བསྟན་དོན། འབྱུང་འགྱུར་གྱི་ལོ་ལྔ་ནི་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྱོང་གི་འགོ་ཚུགས་སའི་གནད་འགག་གི་དུས་སྐབས་ཤིག་ཡིན་ཏེ། མི་དམངས་ཀྱི་བསམ་བློ་དང་རིག་གནས་འཚོ་བ་སྔར་བས་ཕུན་སུམ་ཇེ་ཚོགས་སུ་གཏོང་བ་དང་། ཀྲུང་ཧྭ་མི་རིགས་ཀྱི་གོང་བུར་འགྲིལ་ཤུགས་དང་ཀྲུང་ཧྭའི་རིག་གནས་ཀྱི་སྙན་གྲགས་ཟམ་མི་ཆད་པར་ཇེ་ཆེར་གཏང་རྒྱུ་ནི་དུས་རིམ་འདིའི་དམིགས་འབེན་དང་ལས་འགན་གཙོ་བོའི་གྲས་ཡིན་པ་རེད། ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་དར་སྤེལ་ཧུར་ཐག་གཏོང་བ་དང་མི་དམངས་མང་ཚོགས་ལ་བསམ་པའི་ལོངས་སྤྱོད་ཡག་པོ་ཞིག་མཁོ་འདོན་བྱ་ཆེད། རྔ་བ་ཁུལ་གྱི་རྒྱ་ཆེའི་རིག་རྩལ་ལས་དོན་པ་དང་རིག་རྩལ་དགའ་ཞེན་པ་རྣམས་ཀྱིས་གསར་རྩོམ་བྱས་པ་བརྒྱུད་ནས་ཏང་གི་བཀའ་དྲིན་ལ་སེམས་གཏིང་ནས་བསྔགས་བརྗོད་བྱས་ཡོད། དེ་བཞིན་ཐེངས་འདིའི་ལེ་ཚན་དུ་ང་ཚོས་ས་གནས་དེ་གའི་རྒྱ་ཆེའི་རིག་རྩལ་ལས་དོན་པའི་པར་མིག་དང་མཉམ་དུ་ཏང་གི་འགོ་ཁྲིད་འོག་རྔ་བ་ས་གཞི་ཆེན་མོར་ལོ་70ཡི་རིང་གི་རླབས་ཆེན་ལག་ལེན་དང་རླབས་ཆེན་གྱི་འཕོ་འགྱུར་ལ་མྱོང་རོལ་བྱེད། པར་རིས་འདི་དག་གིས་ཏང་དང་རྒྱལ་ཁབ། ཕ་ཡུལ་བཅས་ལ་བཅངས་པའི་ལྷག་བསམ་རྣམ་དག་གི་བརྩེ་སེམས་མཚོན་པར་བྱས་པ་དང་། བརྩམས་ཆོས་འདི་དག་གི་བརྗོད་བྱ་ཁ་གསལ་ཞིང་ནང་དོན་ཕུན་སུམ་ཚོགས་པ། བརྗོད་བྱ་གཙོ་བོ་དར་སྤེལ་གཏོང་ཞིང་དྲང་ནུས་བརྒྱུད་སྤྲོད་བྱས་པ་ལས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་རྔ་བ་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་གཡུར་ཟའི་གྲུབ་འབྲས་ཐོབ་པ་གང་ལེགས་མངོན་པ་དང་། ཀྲུང་གོའི་གུང་ཁྲན་ཏང་གི་འགོ་ཁྲིད་འོག་རྔ་བའི་བུ་ཕྲུག་གིས་རྡོག་རྩ་གཅིག་སྒྲིལ་དང་ལས་སྒྲུབ་ལས་གཏོད་བྱེད་པའི་རྣམ་པ་བཟང་པོ་གསོན་ཉམས་དོད་པོའི་སྒོས་མངོན་པར་བྱས་པ་དང། ས་གནས་དེ་གའི་མི་རིགས་ཁག་གི་མི་དམངས་ཀྱིས་རླབས་ཆེན་མེས་རྒྱལ་དར་རྒྱས་གོང་འཕེལ་ལ་སྨོན་འདུན་ཟབ་མོ་དང་འབྱུང་འགྱུར་ལ་བཅངས་པའི་མཛེས་སྡུག་གི་རེ་སྒུག་གང་ལེགས་མཚོན་པར་བྱས་ཡོད་པར་མ་ཟད། ཏང་གི་ཚོགས་ཆེན་ཉི་ཤུ་པའི་སྙན་ཞུའི་དགོངས་དོན་གྱི་མཛུབ་ཁྲིད་འོག་འབད་འབུངས་ཆེར་བསྐྱེད་ཀྱིས་འབྱུང་འགྱུར་གཏོད་ཆེད་རྔ་བ་ཁུལ་གྱིས“ཁུལ་གཅིག་དང་ཆུས་གཉིས། ཁྱིམ་གཞིས་གསུམ”གྱི་འབད་འཐབ་དམིགས་འབེན་སྔ་ཙམ་ནས་སྤུས་ཚད་མཐོན་པོས་མངོན་འགྱུར་ཐུབ་ངེས་རེད། །