མུན་ནག་གི་ངོ་གདོང་ཚལ་པར་གཤགས་ཤིང་།
མཐའ་ཡས་པའི་རྩྭ་ཐང་གི་ཞོགས་པ་ལ་ཉི་འོད་ཀྱིས་འཁྱུད།
མཆོད་ཆང་ལྟེམ་པའི་འཚོ་བའི་ཕྱི་ནང་གི་གཞིས་སྒར་གང་ནས།
འཕུར་ཟིན་པའི་རྒོད་པོ་ཁྱུ་ཡི་བབ་བརླིང་གི་གཤོག་འགྱུར་དྲན་པ་ལ།
རྟ་ཁྱུའི་རྨིག་སྒྲས་ས་ཆེན་བསྒུལ་ཞིང་།
མཐོ་སྒང་གི་རི་རབ་དང་གཙང་པོ་ཡོད་ཚད་གཉིད་ལས་དཀྲོགས།
དུས་ཚོད་ཀྱི་ནམ་མཁར་ཁྱུང་ཆེན་ཁོ་ན་འཕུར་བའི་ལས་སྐལ་གྱིས།
ངམ་གནག་གི་གཙང་པོའི་གཏིང་མཐའ་ཀུན་ཀྱང་ཞི་ཞིང་འཇགས།
དགུན་ཟླ་རིང་མོ་ཞིག་ཡོངས་སུ་བརྒལ་རྗེས།
སྲ་མཁྲེགས་སུ་གྱུར་པའི་མཐོ་སྒང་གི་ཞིང་ཚིགས་ཡོངས་ལ་ཆར་ཟིམ་བབས།
དབྱར་ཟླ་གསུམ་པར་མགོ་བོ་སྙེས་ཤིང་ད་ཚོད་རྩྭ་ཐང་ལ་རྒྱང་ལྟ་བྱས།
མུ་མཐའ་མེད་པའི་གོ་ལ་འདིའི་སྐར་མའི་བདག་པོ་ང་ཚོ་ཡིན་པའི་ང་རྒྱལ་སྐྱེས། ། 