ཟླ་4པའི་ཚེས་23ཉིན། མི་རྣམས་དབྱི་ཐ་ལི་རོ་མ་རུ་དགའ་སྟོན་གྱི་ཁྲོམ་སྐོར་ལ་ཞུགས།
ཉིན་དེར། མི་རྣམས་ཀྱིས་གནའ་བོའི་རོ་མའི་དུས་སྐབས་ཀྱི་གྱོན་ཆས་གྱོན་ནས་རོ་མའི་རྩལ་འགྲན་ཐང་ཆེན་དང་ཝེད་ཉི་སི་ཐང་ཆེན། གཅན་གཟན་ར་བ་སོགས་ལྗོངས་ཁུལ་དུ་རོ་མའི་མཁར་བཙུགས་ནས་ལོ་2776འཁོར་བར་དགའ་སྟོན་གྱི་ཁྲོམ་སྐོར་བྱས་པ་དང་། ངག་རྒྱུན་དུ་རོ་མ་མཁར་སྐྲུན་ཉིན་ནི་སྤྱི་ལོའི་སྔོན་གྱི་753ལོའི་ཟླ་4པའི་ཚེས་21ཉིན་ཡིན་སྐད། །
མཉམ་འབྲེལ་རྒྱལ་ཚོགས་ཀྱིས་ཟླ་4པར་རྒྱ་གར་འཛམ་གླིང་ཐོག་མི་འབོར་ཆེས་མང་ཤོས་ཀྱི་རྒྱལ་ཁབ་ཏུ་འགྱུར་རྒྱུའི་ཚོད་དཔག་བྱས།
མཉམ་འབྲེལ་རྒྱལ་ཚོགས་ཀྱི་དཔལ་འབྱོར་དང་སྤྱི་ཚོགས་ལས་དོན་པུའུ་ཡིས་ཟླ་4པའི་ཚེས་24ཉིན་གསར་འགྱུར་ཁྱབ་བསྒྲགས་བྱས་ནས་བཤད་རྒྱུར། མཉམ་འབྲེལ་རྒྱལ་ཚོགས་ཀྱི་འཛམ་གླིང་མི་འབོར་ཚོད་དཔག་བྱས་པར་གཞིགས་ན། ཟླ་4པར་རྒྱ་གར་འདི་ཉིད་འཛམ་གླིང་ཐོག་མི་འབོར་ཆེས་མང་ཤོས་ཀྱི་རྒྱལ་ཁབ་ཏུ་འགྱུར་རྒྱུ་རེད། གསར་འགྱུར་དུ་བཤད་རྒྱུར། ཟླ་4པའི་ཟླ་མཇུག་ཏུ་རྒྱ་གར་གྱི་སྤྱིའི་མི་འབོར་དུང་ཕྱུར་14.258ཟིན་པར་མ་ཟད། སྔོན་དཔག་བྱས་ན་ལོ་བཅུ་གྲངས་ནང་ཚུན་དུ་མུ་མཐུད་ཇེ་མང་དུ་འགྲོ་རྒྱུ་རེད་ཅེས་འཁོད་ཡོད་པ་རེད། །
ཨུ་རུ་སུས་རྒྱལ་ཁ་ཐོབ་པའི་ཉིན་མོའི་དམག་གཟིགས་ཆས་སྤྲས་སྔོན་སྦྱོང་བྱས།
ས་གནས་དེ་གའི་དུས་ཚོད་དེ་2023ལོའི་ཟླ་5པའི་ཚེས་2ཉིན། ཨུ་རུ་སུའི་ཏུན་ཧུའུ་ཕན་རོ་སུ་ཐོ་ཧྥུའུ་རུ། དམག་མི་རྣམས་རྒྱལ་ཁ་ཐོབ་པའི་ཉིན་མོའི་དམག་གཟིགས་ཆས་སྤྲས་སྔོན་སྦྱོང་ལ་ཞུགས་འདུག། །
ལྷོ་ཁོ་རེ་ཡའི་མང་ཚོགས་འདུ་འཛོམས་བྱས་ནས་འཇར་པན་ཧྥུའུ་ཏའོ་གླིང་ཕྲན་གྱི་ཉིང་རྡུལ་སྦགས་བཙོག་རྒྱ་མཚོར་གཏོང་བར་རྒོལ་གཏམ་སྤེལ།
སྤྱི་ཟླ་4པའི་ཚེས་22ཉིན། ཁམས་པའི་བརྙན་འཕྲིན་ཁང་དང་སི་ཁྲོན་མི་རིགས་དཔེ་སྐྲུན་ཁང་གིས་མཉམ་སྒྲུབ་གནང་བའི་ཤམ་བྷ་ལ་དཔེ་ཀློག་གི་འཛམ་གླིང་དཔེ་ཀློག་ཉིན་མོ་བསུ་བའི་ཐད་གཏོང་བྱེད་སྒོ་ཁྲེང་ཏུའུ་ཡི་སྨིན་དྲུག་ལྷ་མོའི་གསོལ་ཚིགས་ཁང་ནས་བདེ་བླག་ངང་སྤེལ་བ་རེད། བྱེད་སྒོའི་ཁྲོད་སློབ་ཆེན་གྱི་སློབ་མ་དང་། ཕ་མ་བུ་ཁྲིད། དཔེ་སྐྲུན་ལས་སྒྲུབ་པ་སོགས་ཀྱིས་དཔེ་ཀློག་སྐོར་ནས་བགྲོ་གླེང་བྱས་པ་རེད།
རྒྱུས་ལོན་བྱུང་བ་ལྟར་ན། ཁམས་པའི་བརྙན་འཕྲིན་ཁང་གི་ཤམ་བྷ་ལའི་དཔེ་ཀློག་གི་ལེ་ཚན་འགོ་བཙུགས་ནས་ལོ་གསུམ་ཕྱིན་ཡོད་ལ། ལོ་གསུམ་ནང་ཁོ་ཚོས་དུས་བཞིའི་དཔེ་ཀློག་བྱེད་སྒོ་དང་། དཔེ་དེབ་འོས་སྦྱོར། ཆུང་འབྲིང་སློབ་མའི་དཔེ་ཀློག །སྙན་ངག་གྱེར་འདོན། དགོང་འདོན་སོགས་ཆེད་སྒྲིག་ལེ་ཚན་མང་པོ་བཀོད་སྒྲིག་བྱས་ནས། སྤྱི་ཚོགས་ལས་རིགས་ཀུན་གྱི་དོ་ཁུར་ཆེན་པོ་ཐོབ། །