ཊམ་ཀ་ནི་སི་ཁྲིན་རྔ་བ་རུ་སྐྱེས་ཤིང་། རང་མོས་སྒྱུ་རྩལ་གསར་རྩོམ་པ་ཞིག་ཡིན། ཁོའི་བརྩམས་ཆོས་ལ་མཛེས་རྟོག་གི་ཁྱད་ཆོས་མང་པོ་འདུས་པས་གསོན་ཤུགས་ཀྱིས་བརྟས་ཤིང་སྒྱུ་རྩལ་གྱིས་ཕྱུག །
ཁོས་རང་དབང་གི་གསར་རྩོམ་ཐབས་ལམ་ཞིག་ལ་འཚོལ་སྙེག་བྱེད་བཞིན་ཡོད་པ་དང་། ནང་སེམས་ལ་རྟོག་པ་འགྱུ་བའི་བར་སྟོང་ཡོད་ཚེ་ད་གཟོད་ཕུལ་དུ་བྱུང་བའི་བརྩམས་ཆོས་འགྲུབ་པར་འདོད།
Hiphopརིག་གནས་ལས་མངོན་པའི་བག་ལྷོད་ཀྱི་ཆ་ནི་ཊམ་ཀའི་སེམས་ཚོར་གྱི་འབྱུང་ཁུངས་ཡིན། ཁོའི་སྔོན་མའི་བརྩམས་ཆོས་དག་ལ་ཕྱིར་མིག་བལྟས་ན། གསར་རྩོམ་གྱི་ཐོག་མ་ནས་བཟུང་ཡི་གེ་ནི་བརྩམས་ཆོས་ཀྱི་བརྗོད་དོན་གཙོ་བོར་གྱུར་འདུག ཁོས་བཤད་རྒྱུར། ཡི་གེའི་འདུ་ཤེས་ཆགས་ཚུལ་གྱི་ཁྱད་པར་དང་འགྱུར་ལྡོག་ལ་འཚོལ་ཞིབ་བྱས་ན། ཡིག་འབྲུ་གང་དེ་ཇུས་འགོད་ཀྱི་མ་གཟུགས་བྱས་ཏེ་ཆགས་ཚུལ་མི་འདྲ་བར་གྲུབ་པ་དང་། ཚོན་མདོག་གིས་བྲིས་གདན་ཐོག་མངོན་པའི་འབུར་དོད་ཀྱི་ཉམས་དང་ཉེ་བཅར་གྱི་ཚོར་བ། མ་ངེས་པའི་རྟོག་པ་དང་སེམས་ཚོར་བཅས་བརྒྱུད་ནས་གསར་རྩོམ་བྱེད་ཐུབ་བོ། །
