སྐྱེས་ཆེན་ཟླ་བའི་འོད་སྣང་གིས། །
ནང་བསྟན་ནོར་བུའི་གཟི་འོད་འབར། །
རྒྱལ་བསྟན་སྐྱེས་མཆོག་ཐུགས་རྒྱུད་ལས། །
སློབ་གླིང་པདྨའི་སྐྱེད་ཚལ་འཁྲུངས། །
སློབ་གླིང་གྲིབ་བསིལ་སྣུམ་པོའི་གུར། །
སློབ་བུའི་ཉེར་འཚོའི་དཔལ་དུ་གྲུབ། །
ཟླ་འོད་རེ་བའི་འོད་སྣང་ལ། །
རེ་འབྲས་མྱུར་དུ་སྨིན་པ་ལགས། །
ལྗང་མདོག་མཛེས་པའི་ཁོར་ཡུག་ཡོད། །
བཅུ་ཕྲག་ཕྱུག་པའི་བཤེས་གཉེན་མང་། །
ལང་ཚོས་སྨིན་པའི་སློབ་བུ་མངོན། །
སི་ཁྲོན་ནང་བསྟན་འདི་ན་མཛེས། །
བྱམས་བརྩེ་ཉི་མ་གཞོན་ནུ་ཡི། །
རེ་བའི་འོད་ཀྱི་རླབས་ཕྲེང་གིས། །
འཕུར་འདོད་བུང་བའི་ཚོགས་རྣམས་ཀྱི། །
སྦྲང་རྩིའི་བཅུད་དེ་ཡིད་བཞིན་འགྲུབ། །
ཕྱོགས་འཛིན་ཙམ་གྱིས་མ་སྨྱོས་བར། །
ཞེན་ཁོག་རྩོད་པས་མ་བྲིད་པར། །
རང་གཞན་ཕོང་བར་མི་བསླུ་བར། །
རང་སེམས་རིག་པའི་དབྱིངས་སུ་འདྲེན། །
བསླབ་གསུམ་དྲི་ངད་ཐུལ་བའི་གྲོགས། །
གཞུང་བརྒྱ་ཐུགས་སུ་གཏམ་མཛད་པའི། །
རྒྱལ་བསྟན་གཙུགས་སུ་སྤེལ་མཁས་ཡིན། །
འཆད་རྩོད་རྩོམ་པའི་རླབས་ཕྲེང་མཐོ། །