2022ལོའི་ཟླ་6པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་སི་ཁྲོན་དུ་ཕེབས་ཏེ་གཟིགས་ཞིབ་གནང་སྐབས། ས་ཚིགས་དང་པོ་མེ་ཧྲན་གྲོང་ཁྱེར་ཏུང་ཕོ་ཆུས་ཐའེ་ཧོ་གྲོང་རྡལ་ཡུང་ཧྥེང་གྲོང་ཚོར་ཕེབས་པ་དང་། ཡུང་ཧྥེང་གྲོང་ཚོ་རུ་སྤྱི་ཁྱབ་ཧྲུའུ་ཅི་ཡིས་ས་གནས་དེ་གས་སྤུས་ཚད་མཐོ་བའི་ས་ཞིང་འཛུགས་སྐྲུན་ལ་སྐུལ་འདེད་དང་། འབྲུ་རིགས་ཐོན་སྐྱེད་ལ་ཤུགས་སྣོན། གྲོང་གསེབ་དར་རྒྱས་ལ་སྐུལ་འདེད་བཏང་བ་སོགས་ཀྱི་གནས་ཚུལ་ལ་རྒྱུས་ལོན་ཞིབ་ཕྲ་གནང་།
ལོ་ངོ་གཅིག་གི་རིང་། ཡུང་ཧྥེང་གྲོང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུང་ཧྥེང་གྲོང་ཚོར་གཟིགས་ཞིབ་གནང་སྐབས་སུ་བཏོན་པའི“འབྲུ་རིགས་ཐོན་སྐྱེད་དམ་འཛིན་ནན་མོ་བྱས་ཏེ་དུས་རབས་གསར་པར་ཆུ་ཚད་སྔར་ལས་མཐོ་བའི་ཐེན་ཧྥུ་འབྲུ་མཛོད་བསྐྲུན་རྒྱུ”དང་“ཏང་གི་གཞི་རིམ་རྩ་འཛུགས་ཡག་པོར་བསྐྲུན་ཏེ་ཡུལ་མི་རྣམས་མཐུན་སྒྲིལ་སྣེ་ཁྲིད་དེ་དབུལ་གྲོལ་རྗེས་སུ་གྲོང་གསེབ་དར་རྒྱས་ལ་རྒྱུན་མཐུད་བྱེད་པ”སོགས་ཀྱི་བླང་བྱ་དོན་འཁྱོལ་ལག་བསྟར་བྱས་ཏེ། གྲོང་ཚོར་སླར་ཡར་འགྱུར་ལྡོག་གསར་པ་བྱུང་།
སྤུས་ཚད་མཐོ་བའི་ས་ཞིང་འཛུགས་སྐྲུན་དམ་འཛིན་བྱས་པར་བརྒྱུད། ཐར་ཐོར་དུ་གནས་བཅའ་བའི་ཞིང་ཁང་61རང་འགུལ་གྱིས་སྟོང་པར་སྤོ་བར་སྐུལ་འདེད་དང་། ནགས་ས་བཅོས་སྒྲིག་དང་ཐོན་དམའ་དང་ནུས་དམའི་ལྡུམ་ར་ཕྱིར་ནུར་ལ་སྐུལ་འདེད་བྱས་ཏེ། ད་ལོར་ཡུང་ཧྥེང་གྲོང་ཚོར་ས་ཞིང་མུའུ་གསར་སྣོན་བྱས་པ་དང་། འབྲས་ཞིང་བསྡོམས་པས་མུའུ་6000ཡས་མས་ཟིན་པ་རེད།
ཡུང་ཧྥེང་གྲོང་ཚོས་ཆུ་འབྲས་ཐོན་ལས་དང་ལག་རྩལ་གྱི་བཟང་ཆར་བརྟེན་ནས་ཞིང་ཆེན་ཡོངས་ཀྱི་གཞི་རྒྱ་ཆེས་ཆེ་བའི་ཆུ་འབྲས་ཀྱི་རིགས་གསར་པ་དང་ལག་རྩལ་གསར་པའི་བར་སྐབས་ཀྱི་ཚོད་ལྟའི་གནས་གཞི་བཙུགས་པ་དང་། འབྲས་ཀྱི་ཐོན་ཚད་མཐོ་བར་མ་ཟད་སྤུས་ཚད་ཀྱང་བཟང་། ན་ནིང་།
འབྲས—ཚལ—ཚལ་དང་འབྲས—སྨན—ཚལ་བཅས་རེས་སྐོར་འདེབས་འཛུགས་བྱས་པར་བརྒྱུད། མུའུ་གཅིག་ལ་ཆེས་མཐོའི་ཐོན་སྐྱེད་ཚད་སྒོར་9000ལྷག་ཟིན་པ་དང་། ཆ་སྙོམས་ཀྱིས་མུའུ་གཅིག་ལ་ཁེ་སྤོགས་སྒོར་2000ལྷག་ཡོད། དེ་མིན་ད་དུང་“ཡུང་ཧྥེང་འབྲས”ཀྱི་ཚོང་རྟགས་དེབ་བཀོད་བྱས་ཏེ་གྲོང་ཚོའི་ཐུན་མོང་མཉམ་ལས་ཁང་ལ་གཉེར་སྐྱོང་མངགས་བཅོལ་བྱས།
དེ་མིན། ཡུང་ཧྥེང་གྲོང་ཚོས་ད་དུང་ཁྱོན་ཡོངས་ནས་ཞིང་ལས་རིག་གནས་ཡུལ་སྐོར་གྱི་མཉམ་འདྲེས་མཐོར་འདེགས་བཏང་ནས་ཚང་མར་ཡུལ་སྐོར་གྱི་ཡོང་འབབ་འཕར་བར་ཧུར་བརྩོན་བྱས་ཏེ། “སླར་ཡང་དྲིན་དྲན་པའི་ལམ་དུ་བསྐྱོད་དེ་ཐེན་ཧྥུ་འབྲུ་མཛོད་བསྐྲུན”ཞེས་པའི་བརྗོད་དོན་གཙོ་བོའི་རང་བྱུང་ཞིང་ལས་ཞིང་སྡེའི་མཛེས་ལྗོངས་དང་གསར་བརྗེའི་རིག་གནས་ཡུལ་སྐོར་ཚོང་རྟགས་ཐོག་མའི་ཚུལ་གྱིས་ཆགས་ཐུབ་ཡོད། ན་ནིང་ནས་ད་ལོའི་ཟླ་5པའི་བར། གྲོང་ཚོ་ཡོངས་ཀྱིས་སྣེ་ལེན་བྱས་པའི་རྟོག་ཞིབ་དང་ལྟ་སྐོར། ཡུལ་སྐོར་བྱེད་མཁན་མི་ཐེངས་ཁྲི་25ཡོད་དེ་དྲ་གྲགས་ཀྱི་གྲོང་ཚོར་གྱུར་ཡོད།
ཐུན་མོང་ལ་སྟོབས་ཤུགས་བསྩལ། གྲོང་མིར་འབྱོར་ཕྱུག་ལྡན། ཡུང་ཧྥེང་གྲོང་ཚོས་ལོ་ལེགས་བྱུང་ཞེས་པའི་སྲོག་ཤིང་གི་ཐུན་མོང་དཔལ་འབྱོར་འཕེལ་རྒྱས་ཀྱི་ལྟེ་གནས་འཛུགས་སྐྲུན་ལེགས་གྲུབ་བྱུང་སྟེ། ཡུང་ཧྥེང་ལ་སྔར་ལས་འཐུས་སྒོ་ཚང་བའི་ལྷུ་ལག་ཆ་ཚང་མཁོ་འདོན་བྱས་པ་དང་། ཞིང་ལས་རིག་གནས་ཡུལ་སྐོར་མཐོར་འདེགས་དང་དཔལ་འབྱོར་ཕན་ཁེ་མཐོར་འདེགས་བཏང་ནས། གྲོང་ཚོའི་ཐུན་མོང་ཐོན་ཁུངས་སླར་གསོ་བེད་སྤྱོད་བྱས་ནས། ཞིང་པ་དང་ཐུན་མོང་དཔལ་འབྱོར། གྲོང་མི། ཐོན་ལས་བཅས་ཀྱི་འབྲེལ་ཟམ་བཙུགས་ཏེ་གྲོང་གསེབ་དར་རྒྱས་ཀྱི་རྣམ་པ་གསར་པ་འཚོལ་བཞིན་མཆིས། །