སེམས་གཡོ་བ། གཞས་མ་དབྱངས་ཅན་ལྷ་མཛེས་ལ་ཕུལ་བ།

ཁྱེད་རང་མེ་ཏོག་ཇི་བཞིན་མཛེས་མངའ་བ། །

ཡིད་དབང་ཅིག་ཅར་འཕྲོག་སྟེ་བལྟའམ་ཅི། །

འཁྲེང་སེམས་ཕྲ་མོ་ཅི་སྟེ་སླད་དུ་ན། །

ཞལ་ངོ་ལན་གཅིག་མཐོང་བས་མྱོས་པ་ནི། །

བརྩེ་བའི་སེམས་པ་ཁོ་ན་མཚོན་ནུས་སམ། །

ཀྱེ་མ་སྙིང་དུ་སྡུག་པའི་དབྱངས་ཅན་མ། །

ཁྱེད་ཀྱི་གླུ་སྐད་དེ་ནི་ང་ལ་བསྐྱུར། །

ང་ཡིས་ཉིན་མོའི་ངལ་གསོའི་དུས་མཚམས་དག །

ངག་ལ་འབྱོར་པོས་སྙན་མོ་མི་ཁུགས་ཀྱང་། །

བརྩེ་བའི་དུངས་ཞེན་དབང་གྱུར་ཁོ་ནས་ནི། །

མགྲིན་ངག་གྱེར་བ་ཐེངས་གཅིག་ག་ལ་ཡིན། །

སླར་ཡང་མཇལ་དུ་མེད་པས་ཡིད་རེ་མུག །

ག་ཤེད་མཐོང་བའི་འཛུམ་པའི་ཞལ་ངོ་དང་། །

བློ་ལ་སིམ་པས་ང་རང་མྱོས་པར་གྱུར། །

བལྟ་བའི་མིག་དབང་འཕྲོག་པའི་ལྟད་མོའི་ཚོགས། །

ཅེར་རེ་བལྟ་བ་བཅས་ནི་ཡིད་ཀྱི་རྟེན། །

ཁོ་མོའི་སྙན་འགྱུར་སྟོང་གི་དབྱངས་འགྲོས་ནི། །

བསྐལ་བརྒྱར་སོན་ཀྱང་ད་དུང་སྙན་སོ་ལོ། །

འུ་ཅག་དུས་རབས་གཅིག་ལ་སྐྱེས་པ་ནི། །

ལས་ཀྱི་བསྐོས་ཐང་བསོད་ནམས་ཚོགས་བསགས་ཀྱེ། །

གཏན་གྱི་འདུན་མར་བྱུང་ན་མི་འདོད་གང་། །

སུ་ཡིས་སེམས་པ་འཁྱེར་བའི་ན་ཟུག་དེ། །

ད་ལན་སྐྱེ་བ་འདི་ལ་མྱང་དགོས་བྱུང་། །

ལས་ཀྱིས་ཕྲད་པ་ཚེ་འདིའི་ལན་ཆགས་ཡིན། །

གངས་རིས་མུ་ཁྱུད་བསྐོར་བའི་རང་ཡུལ་དུ། །

སེམས་དང་བསམ་པ་གང་དེའི་བདེ་སྐྱིད་དུ། །

མི་ཚེ་འཁོར་བའི་སྙིང་པོ་མཚོན་བྱེད་དུ། །

ཁྱེད་རང་སེམས་ཀྱིས་འཚོ་བའི་སྐལ་ལྡན་ན། །

འཇིག་རྟེན་སྣང་བ་གང་ནི་དགེ་བ་ཡིན། །