ཆིག་ལབ།

སེམས་པ་རླུང་གིས་སྤུར་ན་ཇི་ལྟར་འཛིན།

ཕུགས་བསམ་རི་རྩེར་ཐོགས་ན་སུ་ཡིས་ལེན།

ལང་ཚོ་འཁྱགས་པས་བསྡམས་ན་སུ་ཞིག་འབོད།

འཚོ་བར་ཨ་ཐང་ཆད་ན་སུ་ལ་ཞུ།

ད་དུང་།

རྒྱ་གྲོང་ཀློང་གི་བརྩེ་བ་དེ་ལ་ཡིད་ཆེས་དམར་པོ་བསྐོན་འོས་སམ།

སྙིང་གཏམ་ཁྲོད་ཀྱི་འཛུམ་དཀར་དེ་ལ་བསླུ་བྲིད་ཞིག་གི་རྙི་ཡོད་དམ།

རྨི་ལམ་དབྱིངས་ཀྱི་དམ་བཅའ་དེ་ལ་ལང་ཚོའི་མེ་ཏོག་འབུལ་རུང་ངམ།

ལེགས་ཉེས་འབྱེད་པའི་རྣམ་དཔྱོད་འདི་ཡིས་འདས་མ་ད་ཡི་ལུང་རྟོགས་སམ།

ཡིན་ནའང་།

ཁ་བ་དབྱར་ལ་བབས་ན་དུས་ཚུགས་ཤིག་གི་འགྱུར་བག་ཤེས།

མིག་ཟུང་རྒྱང་དུ་བསྲིངས་ན་རེ་སྒུག་ཤིག་གི་ཁ་ཕྱོགས་རྟོགས།

བསམ་གཞིགས་ཁོག་ཏུ་མིད་ན་འཚོ་བ་ཞིག་གི་གོ་རྟོགས་རྙེད།

ཡོད་ཚད་པང་དུ་ལེན་ན་འདོད་ཆགས་ཤིག་གི་མནར་གཅོད་མཐོང་།