ད་ལོ་ནི་རྔ་བ་བོད་རིགས་ཆང་རིགས་རང་སྐྱོང་ཁུལ་བཙུགས་ནས་ལོ་ངོ་བདུན་ཅུ་འཁོར་བའི་དུས་སྟོན་རེད། ཏང་གི་མི་རིགས་སྲིད་ཇུས་ཀྱི་འོད་ཟེར་འཕྲོ་བའི་འོག་རྔ་བ་ཁུལ་མི་རིགས་ཁག་གིས་མཐུན་སྒྲིལ་འབད་འཐབ་དང་སེམས་མཐུན་མཉམ་འགྲོས་ཀྱིས་མདུན་དུ་བསྐྱོད་ཅིང་། བྱ་གཞག་ཁག་ལ་འོད་སྟོང་འབར་བའི་གྲུབ་འབྲས་ཐོབ། མི་རིགས་ཁག་གི་མང་ཚོགས་ཀྱི་འཚོ་བ་ཉིན་རེ་བཞིན་གོང་དུ་འཕེལ་ཡོད། ལོ་ངོ་70རིང་། རྔ་བ་ཁུལ་གྱི་དཔལ་འབྱོར་ལ་འཕེལ་རྒྱས་ཆེན་པོ་བྱུང་བ་དང་དཔལ་འབྱོར་གྱི་གཞི་ཁྱོན་ཇེ་ཆེར་སོང་འདུག །
ཁུལ་བཙུགས་དུས་ཀྱི་ཁུལ་ཡོངས་ཀྱི་ཐོན་སྐྱེད་ཀྱི་རིན་ཐང་བསྡོམས་འབོར་དུང་ཕྱུར་0.24ནས་2022ལོའི་དུང་ཕྱུར་462.51ཐོན་ཡོད། མི་རེའི་ས་ཁུལ་ཆ་སྙོམས་ཐོན་སྐྱེད་སྤྱི་བསྡོམས་སྒོར་67ནས་2022ལོའི་སྒོར56473ཟིན་ཡོད། ནོར་སྲིད་ཀྱི་ཡོང་འབབ་དེ་ཡང་ཁུལ་བཙུགས་འགོའི་ཁྲི་282ནས་2022ལོའི་དུང་ཕྱུར་303.34ཟིན་ཡོད།
ཝུན་ཁྲོན་གྱི་མཚན་ལྗོངས།
ཉེ་བའི་ལོ་འགའི་རིང་། རྔ་བ་ཁུལ་གྱིས་“ཕྱོགས་བཞིའི་ལམ་ཐིག་བསྐྲུན་པ་དང་ཁོངས་ཡོངས་རྒྱ་སྐྱེད་གཏོང་བའི”སྒོ་འབྱེད་ཀྱི་འཆར་བཀོད་ཀྱི་རྐང་འཛུགས་ས་བྱས་ཏེ་ཟབ་ཞུགས་བྱས། འགྲིམ་འགྲུལ་དང་གློག་ནུས། ཆ་འཕྲིན་མགྱོགས་ལམ་འཛུགས་སྐྲུན་དམ་པོར་བཟུང་། མུ་མཐུད་དུ་འགྲིམ་འགྲུལ་ལས་གཞི་སྣ་ཚོགས་ཀྱིས་ལས་འགན་སྤེལ་བ། ཏུའུ་ཝུན། ཝུན་འབར་མགྱོགས་ལམ་ཤར་གཏོང་ཐུབ་ཡོད་པ་དང་། གཅིག་སྒྲིལ་དང་འབར་ཁམས་བར་གྱི་མགྱོགས་ལམ་གྱི་རྔ་བ་རྫོང་གི་བར་ཁོངས་ཀྱི་ལམ་ཐིག་འཛུགས་སྐྲུན་བྱེད་ཚར་ནས་དངོས་སུ་བཀོལ་སྤྱོད་བྱེད་བཞིན་ཡོད། ཁྲེང་ཏུའུ་ནས་ཝུན་ཁྲོན་བར་གྱི་མགྱོགས་ལམ་དང་རྔ་བ་ཁུལ་གྱི་གནམ་གྲུ་ཐང་གསུམ་པའི་ལས་གཞི་གལ་ཆེན་གྱི་ལས་སྔོན་གྱི་གྲ་སྒྲིག་ལ་གྲུབ་འབྲས་གལ་ཆེན་ཐོབ། གཟི་ཚ་སྡེ་དགུ་དང་ཧུང་ལུང་གནམ་གྲུ་ཐང་དང་ཧུང་ཡོན་གནམ་གྲུ་ཐང་གི་འཕུར་སྐྱོད་ལམ་ཐིག་ཇེ་མང་དུ་བཏང་བ་སོགས་ཀྱི་བྱས་རྗེས་གང་མང་བླངས། གློག་ནུས་བགྲོད་ལམ་འཛུགས་སྐྲུན་ཇེ་མགྱོགས་སུ་བཏང་བ་དང་། རྔ་བ་ནས་ཁྲེང་ཏུའུ་བར་གྱི་ཧྥོའུ་ཐེ་1000མཐོ་གནོན་སྤེལ་རེས་ལས་གཞི་མགྱོགས་པོར་སྒྲུབ་པ། ཆ་འཕྲིན་བགྲོད་ལམ་མགྱོགས་པར་བསྐྲུན་པ་དང་། རྫོང་དང་གྲོང་རྡལ་སོ་སོར་5Gདྲ་བས་ཁེབས་པ། ཡུལ་སྐོར་དང་རིག་གནས་ཟུང་འབྲེལ་བྱས་ནས་འབྲས་བུ་མི་དམན་པ་ཐོབ་འདུག
ལོ་ངོ་70རིང་རྔ་བ་ཁུལ་གྱི་ཏང་ཀྲུང་དབྱང་དང་ཞིང་ཆེན་ཏང་ཨུས་ཡང་དག་པའི་སྣེ་ཁྲིད་འོག།།རྔ་བ་ཁུལ་མི་དམངས་ཀྱིས་དཀའ་བ་དང་བླངས་དང་བརྩོན་པ་ལྷུར་ལེན་བྱས་ནས་དམངས་འཚོ་དང་། འགྲིམ་འགྲུལ། ཡུལ་སྐོར། འཕྲོད་བསྟེན་སོགས་ཕྱོགས་གང་ཐད་ནས་འགྲུབ་འབྲས་གཡུར་དུ་ཟ་བ་ཐོབ། །
ཧུང་ཡོན་གྱི་རྣམ་པ་གསར་པ།
