གནས་འདི་ན་མིའོ་རིགས་ཀྱི་གླུ་སྐད་དང་རྔ་སྒྲ་སྒྲོག །གནས་འདི་ན་ཁོར་ཡུག་སྤུས་དག་ཅིང་ཁྱིམ་མཚེས་འཆམ་མཐུན་ལྡན། གཞུང་དྲང་བག་ཆགས་ཀྱི་དམངས་སྲོལ་དང་ཡུལ་སྲོལ་ལྡན། གནས་འདི་ནི་ཧུའུ་ནན་ཞིང་ཆེན་ཧྭ་ཡོན་རྫོང་ཧྲོང་ལུང་གྲོང་རྡལ་གྱི་ཧྲི་པ་ཏུང་གྲོང་ཚོ་རེད།
2013ལོའི་ཟླ་11པའི་ཚེས་3ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཧྲི་པ་ཏུང་གྲོང་ཚོར་གཟིགས་ཞིབ་གནང་བར་ཕེབས་ཏེ། གནད་སྨིན་དབུལ་སྐྱོར་ཞེས་པའི་རྣམ་བཤད་གལ་ཆེན་བཏོན་པར་མ་ཟད། རང་ངོས་ཀྱི་དབུལ་གྲོལ་མངོན་འགྱུར་བྱེད་དགོས་པར་མ་ཟད། ད་དུང“ལད་ཟློས་ཆོག་པ་དང་། ཁྱབ་སྤེལ་གཏོང་ཆོག་པའི”དབུལ་གྲོལ་ཉམས་མྱོང་འཚོལ་ཞིབ་བྱེད་དགོས་པའི་བླང་བྱ་བཏོན།
དེ་རྗེས། ཧྲི་པ་ཏུང་གྲོང་ཚོས་སྔོན་ཐོན་གྱི་འདེབས་འཛུགས་ལག་རྩལ་དྲངས་ནས་སྤྲེལ་ཁམ་ཐོན་ལས་དང་། བ་གླང་གསོ་སྤེལ་འཕེལ་རྒྱས་བཏང་བ་དང་། མིའོ་རིགས་འཚེམ་དྲུབ་དང་གྲོང་གསེབ་ཡུལ་སྐོར་འཕེལ་རྒྱས་བཏང་བ་དང་། ཆེད་ལས་མཉམ་ལས་ཁང་སོགས་བཙུགས་ཏེ་གནམ་ས་བླ་འོག་བསྒྱུར་བ་ལྟ་བུའི་འགྱུར་ལྡོག་བྱུང་།
2016ལོའི་ཟླ་11པར། ཧྲི་པ་ཏུང་གྲོང་ཚོས་གྲོང་རྡལ་ལ་དབུལ་ཕོངས་གྲོང་ཚོ་ནས་ཕྱིར་བུད་པའི་སྙན་ཞུའི་ཡི་གེ་སྤྲད་པ་དང་། 2017ལོའི་ཟླ་2པར། ཧྲི་པ་ཏུང་གྲོང་ཚོར་ཧུའུ་ནན་ཞིང་ཆེན་དབུལ་སྐྱོར་གཞུང་ལས་ཁང་གིས（ད་ལྟའི་ཧུའུ་ནན་ཞིང་ཆེན་གྲོང་གསེབ་དར་རྒྱས་ཅུས）དབུལ་ཞྭ་ཕུད་ཟིན་པ་ཁྱབ་བསྒྲགས་བྱས།
ཧྲི་པ་ཏུང་གྲོང་ཚོ་ནི་སྲོལ་རྒྱུན་མིའོ་རིགས་གྲོང་སྡེ་ཞིག་སྟེ། ལི་ཙི་སྡེ་པ་དང་། ཀྲུའུ་ཙི་སྡེ་པ། ཧྥེ་ཁྲུང་སྡེ་པ། ཏང་རུང་སྡེ་པ་བཅས་ཀྱི་རང་བྱུང་སྡེ་པ་4འདུས་ཤིང་། གྲོང་སྡེའི་བར་དུ་རི་ཀླུང་གི་སྦྲེལ་བར་མ་ཟད་ནགས་ཚལ་གྱིས་མཐའ་ནས་བསྐོར་ཡོད།
མིག་སྔར། ཧྲི་པ་ཏུང་གྲོང་ཚོས་རིག་གནས་དང་ཡུལ་སྐོར་མཉམ་འདྲེས་བྱས་ནས་གྲོང་གསེབ་འཕེལ་རྒྱས་ལ་སྐུལ་ཁྲིད་དང་། ཤེས་དཔལ་གྲོང་གསེབ་ཀྱིས་དར་རྒྱས་ཀྱི་ལེའུ་བརྩམས་ཏེ། གནའ་བོའི་མིའོ་རིགས་གྲོང་ཚོར་རྣམ་པ་གསར་པ་ཆགས།
མིའོ་རིགས་ཀྱི་འཚེམ་དྲུབ་དང་། ཚོས་རྒྱག སྲོལ་རྒྱུན་རས་འཐག་སོགས་ཀྱི་རིག་གནས་ཡུལ་སྐོར་ཐོན་རྫས་དང་། ཧྲི་པ་ཏུང་གི་དུད་ཤ་དང་སྐྱུར་ཤ་སོགས་ཀྱི་ལྗང་མདོག་ཟས་རིགས་དུ་མ། དམངས་སྲོལ་རིག་གནས་དང་། མཛེས་སྡུག་ལྡན་པའི་གྲོང་གསེབ། ཞུན་ཕུག་སོགས་ཀྱི་མཛེས་ལྗོངས་ཀྱིས་རྒྱལ་ཡོངས་ཀྱི་ས་གནས་སོ་སོའི་ཡུལ་སྐོར་པ་བུང་བའི་ཚོགས་བཞིན་འགུགས་བཞིན་ཡོད་དེ། ལྷག་པར་དུ་དཔྱིད་གསར་དུས་ཆེན་གྱི་སྐབས་སུ་སེང་གེ་འཕྲོག་པ་དང་འབྲུག་མཐུད་པ། མིའོ་རྔ་རྡུང་བ་སོགས་ཀྱི་སྲོལ་རྒྱུན་གོམས་སྲོལ་འཁྲབ་སྟོན་རྒྱུན་མི་ཆད། སྟོན་བསུའི་དུས་ཆེན་གྱི་སྐབས་སུ་ཆུ་ཀུབ་དུས་ཆེན་དང་འབྲུག་འཁྲབ། གྲི་སྐས་འཛེག་པ། མིའོ་གཞས་ལེན་པ་སོགས་ཀྱི་བྱེད་སྒོ་ཡོད། ཡུལ་སྐོར་པ་རྣམས་གནས་འདིར་ཕེབས་ནས་རང་བྱུང་ཁམས་ཆེན་མོའི་མཛེས་ཉམས་ལོངས་སུ་སྤྱོད་ཆོག་པ་དང་། སྤུས་གཙང་གི་མིའོ་རིགས་རིག་གནས་ལ་མྱོང་རོལ་བྱེད་ཆོག །ད་དུང་ཀྲུང་གོའི་དབུལ་གྲོལ་འགག་སྒྲོལ་དང་གྲོང་གསེབ་དར་རྒྱས་ཀྱི་གཏམ་རྒྱུད་སྙན་མོར་མྱོང་བ་བྱེད་ཆོག་གོ །