སྤྱི་ཟླ་10ཚེས་26ཉིན་ནས་ཚེས་27ཉིན་བར“སྟོན་དབྱངས་མཛེས་མའི་ལུང་དུ་སྙན། གནས་མཆོག་རོང་བྲག་མཉམ་དུ་འཚོལ”ཞེས་པ་བརྗོད་དོན་གཙོ་བོ་ཡིན་པའི་2023ལོའི་ཀྲུང་གོའི་སི་ཁྲོན་རྒྱལ་རོང་བོད་ཀྱི་དམངས་སྲོལ་དུས་ཆེན་དེ་དཀར་མཛེས་བོད་རིགས་རང་སྐྱོང་ཁུལ་རོང་བྲག་རྫོང་བྲག་སྟེང་གྲོང་རྡལ་རྒྱལ་རོང་ཁྱུང་ཤམ་རྒྱལ་པོའི་གཞིས་མཁར་དུ་འགོ་ཚུགས་མཛད་སྒོ་སྤེལ་བ་རེད།
ཐེངས་འདིའི་རྒྱལ་རོང་དམངས་སྲོལ་དུས་ཆེན་ནི་ཉིན་གཉིས་རིང་སྤེལ་བ་དང་། བྱེད་སྒོ་འདི་ནི་མཛེས་མ་འདེམ་རྒྱུ་གཙོ་བོ་བྱས་ནས། གླུ་གར་འཁྲབ་སྟོན་དང་དངོས་མིན་རིག་གནས་ཤུལ་བཞག་ཉམས་ལེན། མཛེས་ལྗོངས་ལ་ལྟ་བ། གསེར་འོད་འཕྲོ་བའི་སྟོན་དུས་ལ་འདྲ་པར་དང་བརྙན་ལེན་པ། རྩོམ་རིག་གི་རྒྱུ་ཆ་འཚོལ་བ་སོགས་མདོར་ན་བྱེད་སྒོའི་རྣམ་པ་ཕུན་སུམ་ཚོགས་པར་མ་ཟད། ནང་དོན་གཏིང་ཟབ་ཅིང་རྒྱུན་རིང་བའི་རྒྱལ་རོང་དམངས་སྲོལ་རིག་གནས་དང་། ཐུན་མིན་ཁྱད་ཆོས་ལྡན་ཞིང་རྣམ་པ་ཕུན་སུམ་ཚོགས་པའི་རང་བྱུང་ཁམས་དང་མི་ཆོས་རིག་གནས་ཀྱི་རྒྱུ་ཆ་འགྲེམས་སྟོན་གང་ལེགས་བྱས་པ་རེད།
རོང་བྲག་རྫོང་གིས་ས་ཁོངས་ཧྲིལ་པོའི་ཡུལ་སྐོར་གྱིས་ཁྱད་ལྡན་ལེགས་ཆའི་ཐོན་ལས་འཕེལ་རྒྱས་ལ་གཅིག་འདོམས་བྱས་ནས་རིག་གནས་དང་ཡུལ་སྐོར་མཉམ་འདྲེས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ནུས་ལྡན་བཏང་སྟེ། “གནའ་བོའི་མཁར་རྫོང་དང་བོད་གྲོང་། མཛེས་མཛེས་མའི་ལུང་པ——ཀྲུང་གོའི་ཆེས་མཛེས་སྡུག་ལྡན་པའི་གྲོང་གསེབ”ཀྱི་མཚན་སྙན་སྔར་བས་བཀྲག་མདངས་འཚེར་དུ་བཅུག །
