ཉི་མ་ཚེ་རིང་ནི་ཁམས་འབའ་ཐང་དུ་སྐྱེས་ཤིང་། སྡེ་དགེ་རུ་འཚར་ལོངས་བྱུང་བའི་བོད་རིགས་སྒྱུ་རྩལ་པ་དང་། རྒྱལ་སྤྱིའི་ཐོག་སྐད་གྲགས་ཡོད་པའི་ཀྲུང་གོའི་དེང་རབས་ཡིག་གཟུགས་དང་རི་མོ་མཁས་ཅན་ཞིག་ཡིན། 2012ལོར་ལོན་ཏོན་ཨོ་ལིན་ཕིག་མཛེས་རྩལ་ཚོགས་ཆེན་སྒྱུ་རྩལ་སློབ་སྟོན་ཨུ་ཡོན་ལྷན་ཁང་གི་སྤྱི་ཁྱབ་བློ་འདོན་པར་གདན་དྲངས། 2015ལོར་ཀྲུང་ཧྭ་རིག་གནས་ཡར་སྐུལ་ཚོགས་པས་ཀྲུང་ཧྭའི་རིག་གནས་མི་སྣར་བདམས། 2016ལོར་ཐ་ཇིག་སི་ཐན་སྒྱུ་རྩལ་སློབ་གླིང་གི“གཟི་བརྗིད་ལྡན་པའི་ཡོན་ཧྲིའི”མཚན་སྙན་ཐོབ། ཁོང་གིས་སྲོལ་རྒྱུན་བོད་ཀྱི་རི་མོའི་རྨང་གཞིའི་ཐོག །ཀྲུང་གོའི་སྲོལ་རྒྱུན་རི་མོ་དང་ནུབ་ཕྱོགས་དེང་རབས་སྒྱུ་རྩལ་ནང་འདྲེན་མཛད་ནས། “བོད་ཀྱི་རི་མོའི་ལུགས་གསར་པ”ཞིག་གྲུབ་པ་རེད།
ཉེ་ཆར། “མཐའ་ཡས་དང་ཟོལ་མེད་”ཅེས་པའི་ཉི་མ་ཚེ་རིང་གི་རི་མོའི་སྒྱུ་རྩལ་འགྲེམས་སྟོན་དེ་པེ་ཅིན་ཡིག་རིས་བརྒྱུད་ལམ་མཛེས་རྩལ་ཁང་དུ་འགྲེམས་སྟོན་བྱས། ཐེངས་འདིའི་འགྲེམ་སྟོན་དུ་ཉི་མ་ཚེ་རིང་གིས་ཉེ་བའི་ལོ་འདི་དག་གི་རིང་བརྩམས་པའི་སྒྱུ་རྩལ་བརྩམས་ཆོས་ལེགས་ཤོས་ཕྱོགས་བསྡུས་འགྲེམ་སྟོན་བྱས་ཡོད་དེ། རི་ཆུའི་རི་མོ་དང་ཞིབ་བྲིས་ཚོན་ལྡན། མི་སྣའི་སྣང་བརྙན། ཐང་ག་སོགས་རི་མོའི་རིགས་དུ་མ་འདུས་ཡོད། ནང་དོན་ཕུན་སུམ་ཚོགས་པས་བོད་ཡུལ་གྱི་མཚར་སྡུག་མངོན་པར་བྱས་ཤིང་། ཉི་མ་ཚེ་རིང་ལགས་སྒྱུ་རྩལ་གྱི་ཁང་བཟང་འགྲིམས་པའི་འབད་བརྩོན་ལྷོད་མེད་ཀྱི་འཚོལ་ཞིབ་དང་བསམ་གཞིགས་མཚོན་པར་བྱས་ཡོད། །
