དབུལ་གྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་གཏང་རྒྱུ་དེ་གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་བྱ་ཆེད། རྔ་བ་ཁུལ་གྱིས་བཀོད་པ་མཛེས་པ་ཤིང་། ཐོན་ལས་མཛེས་པ། ཁོར་ཡུག་མཛེས། འཚོ་བ་མཛེས་པ། དར་སྲོལ་མཛེས་པ་བཅས་ཀྱི་མཛེས་པ་ལྔའི་ཚད་གཞི་མཐའ་འཁྱོངས་བྱས་ཏེ། 2025ལོར་སླེབས་སྐབས་ཤང་(གྲོང་རྡལ)72དང་། སྲིད་འཛིན་གྲོང་ཚོ་337 གཙོ་གནད་རོགས་སྐྱོར་གྲོང་ཚོ་136བཅས་ཀྱི་ཁྱིམ་གཞིས་གསུམ་འཛུགས་སྐྲུན་ལས་འགན་ཕྱོགས་ཡོངས་ནས་ལེགས་སྒྲུབ་བྱ་རྒྱུ་ཡིན་ཞེས་བཏོན་པ་རེད།
རྔ་བ་ཁུལ་གྱིས་ཁྲི་སྟོང་རྣམ་གྲངས་ཀྱི་ཉམས་མྱོང་སློབ་སྦྱོང་དང་བེད་སྤྱོད་བྱས་ནས་དེའི་འཕེལ་རྒྱས་ཀྱི་འདུ་ཤེས་དང་ལས་ཀའི་བྱ་ཐབས་དང་སྐུལ་འདེད་ལམ་སྲོལ་ལ་གོ་བ་གཏིང་ཟབ་བླངས་པ་དང་།
མིག་སྔའི་བར་ཁུལ་ཡོངས་ཀྱིས་རིམ་རྩིས་བྱས་ན། ཤང་(གྲོང་རྡལ)48དང་གྲོང་ཚོ་283་གྱི་ཁྱིམ་གཞིས་གསུམ་འཛུགས་སྐྲུན་གྱི་ལས་འགན་ལེགས་སྒྲུབ་བྱས་ནས། མི་རིགས་ས་ཁུལ་གྱི་གྲོང་གསེབ་དར་རྒྱས་ཀྱི་དཔེ་མཚོན་གསར་པ་གཏོད་པའི་དམིགས་ཚད་ཕྱོགས་སུ་མགྱོགས་མྱུར་བསྐྱོད་བཞིན་ཡོད་པ་རེད།
རྔ་བ་ཁུལ་གྲོང་གསེབ་དར་རྒྱས་ཅུས་ཀྱི་འབྲེལ་ཡོད་འགན་འཁུར་པས་བཤད་རྒྱུར། 2025ལོར་སླེབས་སྐབས། རྔ་བ་ཁུལ་གྱིས་ཞིང་ཆེན་རིམ་པའི་ཞིང་ལས་ཐོན་ལས་ཁུལ་10ཡན་དང་གྲོང་གསེབ་དར་རྒྱས་ཀྱི་དཔེ་སྟོན་གྲོང་ཚོ་100གྲུབ་འབྲས་ཐོབ་པའི་ངང་གཏོད་པ་དང་། གྲོང་གསེབ་དར་རྒྱས་ཀྱི་སྣེ་ཁྲིད་པ་1000སྐྱེད་སྲིང་བྱས་ཏེ་གྲོང་ཚོ་ཁྲི་སྟོང་མང་པོར་རང་རང་སོ་སོའི་ལེགས་ཆ་འདོན་སྤེལ་དང་མཛེས་སྡུག་ལྡན་པ་ཞིག་ཡོང་བར་བྱ་རྒྱུ་ཡིན། །