2023ལོའི་ཟླ་12པའི་ཚེས་8ཉིན། དཀར་མཛེས་ཁུལ་ཚན་རྩལ་ཅུས་ཀྱིས་གནས་ཚུལ་སྤེལ་བར་གཞིགས་ན། 2023ལོར་སི་ཁྲོན་ཞིང་ཆེན་གྱི་བོད་འབྲེལ་ས་ཁུལ་གྱི་ཁྱད་ལྡན་ཚན་རྩལ་ཁྱབ་གདལ་རྟེན་གཞིའི་མིང་ཐོ་བཏོན་པ་དང་ལས་ཁུངས་ཀྱིས་ཡིག་ཐོག་སྙན་ཞུ་ཕུལ་བ་དང་རིགས་གཅིག་མཁས་ཅན་གྱིས་དཔྱད་ཞིབ་བྱེད་པ། སྤྱི་ཚོགས་ཐོག་ཡོངས་བསྒྲགས་བྱེད་པ་སོགས་ཀྱི་གོ་རིམ་བརྒྱུད་དེ་ཞིང་ཆེན་ཡོངས་ཀྱི་ཚན་རྩལ་ཁྱབ་གདལ་རྟེན་གཞི་61ལ་སི་ཁྲོན་ཞིང་ཆེན་གྱི་བོད་འབྲེལ་ས་ཁུལ་གྱི་ཁྱད་ལྡན་ཚན་རྩལ་ཁྱབ་གདལ་རྟེན་གཞིའི་ངོས་འཛིན་ཐོབ་པ་རེད། དེའི་ནང་དཀར་མཛེས་ཁུལ་གྱི་ཁྱད་ལྡན་ཚན་རྩལ་ཁྱབ་གདལ་རྟེན་གཞི་21ལ་གཟི་བརྗིད་མཚན་སྙན་ཐོབ། ཁྱད་ལྡན་ཚན་རྩལ་ཁྱབ་གདལ་རྟེན་གཞི་21ནང་སློབ་གྲྭའི་རིགས་5དང་ལས་ཁུངས་ཀྱི་རིགས་5དང་། གྲོང་གསེབ་ཀྱི་རིགས་7དང་དགོན་པའི་རིགས་1 གཞིས་ཁུལ་གྱི་རིགས་3བཅས་འདུག
ཐེངས་འདིར་བདམས་ཐོན་བྱུང་བའི་རྟེན་གཞིའི་ནང་སྤྱི་དམངས་ལ་ཚན་རིག་ཤེས་བྱ་ཁྱབ་གདལ་གཏོང་ཡུལ་ཡོད་པ་དཔེར་ན། ཚན་རིག་ཁང་དང་རྟེན་རྫས་བཤམས་མཛོད་ཁང་སོགས་ཚན་རྩལ་ཁྱབ་གདལ་གྱི་ནང་དོན་ནང་རང་བྱུང་ཚན་རིག་དང་། ཞིང་ལས་ཤེས་བྱ། མཐོ་གསར་ཚན་རྩལ། ལོ་རྒྱུས་རིག་གནས་སོགས་ཚུད་ཡོད།
དཀར་མཛེས་ཁུལ་ཚན་རྩལ་ཅུས་ཀྱི་འབྲེལ་ཡོད་འགན་འཁུར་པས་བཤད་རྒྱུར། སི་ཁྲོན་ཞིང་ཆེན་གྱི་བོད་འབྲེལ་ས་ཁུལ་གྱི་ཁྱད་ལྡན་ཚན་རྩལ་ཁྱབ་གདལ་རྟེན་གཞིའི་ངོས་འཛིན་ཐོབ་པའི་ལས་ཁུངས་ཀྱིས་ཚན་རྩལ་ཁྱབ་གདལ་གཏོང་སྟངས་སྔར་བས་གསར་གཏོད་དང་། ཚན་རྩལ་ཁྱབ་གདལ་གྱི་སྒྲིག་བཀོད་འཛུགས་སྐྲུན་ལ་ཤུགས་སྣོན་བྱས་ནས། ཚན་རྩལ་ཁྱབ་གདལ་གྱི་ནང་དོན་གསར་བརྗེ་དང་ཕུན་སུམ་ཚོགས་སུ་གཏོང་བ་དང་། ཚན་རྩལ་ཁྱབ་གདལ་གྱི་བྱེད་སྒོ་སྒྲིག་འཛུགས་ཧུར་ཐག་བྱས་ཏེ་རང་འགུལ་ངང་སྤྱི་ཚོགས་ཀྱི་སྤྱི་དམངས་ལ་སྒོ་མོ་ཕྱེ་ནས་ཚན་རྩལ་ཁྱབ་གདལ་གྱི་ཞབས་ཞུའི་ནུས་པ་རྒྱུན་ཆད་མེད་པར་ཆེ་རུ་བཏང་སྟེ། ཚན་རྩལ་ཁྱབ་གདལ་ལས་ཚན་རིག་ཤེས་བྱ་ཁྱབ་གདལ་དུ་གཏོང་བ། ཚན་རྩལ་གསར་གཏོད་ཀྱི་གྲུབ་འབྲས་དྲིལ་བསྒྲགས་བྱེད་པ། སྤྱི་པའི་ཚན་རྩལ་ཁྱབ་སྤེལ་གྱི་ཞབས་ཞུ་འདོན་སྤྲོད་བྱེད་པ། སྤྱི་དམངས་ཀྱི་ཚན་རིག་བྱང་ཚད་མཐོ་རུ་གཏོང་བ། ཚན་རིག་ལག་རྩལ་གྱི་ཤེས་བྱ་ཁྱབ་གདལ་དུ་གཏོང་བ་སོགས་ལ་དགེ་མཚན་ལྡན་པའི་ནུས་པ་འདོན་སྤེལ་བྱས་ཡོད། །