གངས༵་ཅན་སྐད་དང་རིག་གནས་ཡི་གེ་སོགས། །
ལྗོངས༵་འདིར་མི་ནུབ་རིང་དུ་འབར་བ་ལ། །
ཉི༵་མ་འབུམ་གྱི་གཟི་བྱིན་འགྱེད་པ་བཞིན། །
གཞོན༵་མདངས་རྟག་ཏུ་ངོམ་པའི་ཤིས་པ་ཕུལ། །
དེང་རབས་སྣ་ཚོགས་དཔལ་གྱི་ཡོན་ཏན་རྣམས། །
སྔར་མེད་མྱུར་བའི་འཕུར་རྩལ་འགྲན་དུས་འདིར། །
ཁ་བ་ཅན་ལ་མུན་པ་མི་ལྡང་བའི། །
གངས༵་ལྗོངས་ཉི༵་མ་གཞོན༵་ནུ་ཡུན་འཆར་ཤོག །
གངས༵་ལྗོངས་ཉི༵་གཞོན༵་འཆར་བའི་མེ་ལོང་འདིར། །
ཤར་ནུབ་འཛམ་གླིང་མཐོང་བའི་སྒེའུ་ཁུང་ཡངས།
རྒྱལ་ཡོངས་ཆབ་དཔལ་སྒྲོག་པའི་ཕོ་ཉ་མྱུར། །
ཚན་རིག་ངོ་མཚར་ཤེས་བྱའི་བང་མཛོད་ཆེ། །
ཆེས་མྱུར་གློག་གི་འགྱུ་བའི་འཕྲིན་གསར་དང་། །
སྣ་ཚོགས་རྣམ་འགྱུར་དབྱར་གྱི་གནམ་ངོ་བཞིན། །
གསར་བྱུང་སྙན་པའི་གཏམ་བཟང་གངས༵་ལྗོངས༵་འདིར། །
རེ་བའི་ཉི༵་གཞོན༵་འདྲེན་རྣམས་གུས་པའི་ཡུལ།།
ད་དུང་ཇི་སྲིད་བསྐལ་བའི་བར་དག་ཏུ། །
གངས༵་ཅན་ལྗོངས༵་འདིར་དཔལ་ཡོན་བྱེ་བའི་དཔྱིད། །
སྐད་ཡིག་ཉི༵་མ་གཞོན༵་ནུས་དྲང་དང་ལྷན། །
དགེ་ལེགས་པདྨོའི་དགའ་ཚལ་རབ་བཀྲ་ཤོག །