2024ལོའི་ཀྲུང་དབྱང་གི་ཡིག་ཆ་ཨང་དང་པོ་སྤྱི་ཟླ་2པའི་ཚེས་3ཉིན་ཁྱབ་བསྒྲགས་བྱས་པ་དང་།《"གྲོང་ཚོ་སྟོང་གིས་དཔེ་སྟོན་དང་གྲོང་ཚོ་ཁྲི་ཕྲག་བཅོས་སྐྱོང་"ལས་གྲྭའི་ཉམས་མྱོང་སློབ་སྦྱོང་དང་བེད་སྤྱོད་བྱས་ནས་གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྐུལ་འདེད་ནུས་ལྡན་དང་ཕན་ནུས་ལྡན་པ་གཏང་རྒྱུའི་སྐོར་གྱི་ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་བསམ་འཆར》ནང་བཏོན་དོན། སྟོབས་ཤུགས་གཅིག་བསྡུས་ཀྱིས་མང་ཚོགས་ལ་ཕན་ཐོགས་པའི་དོན་དངོས་ཁག་ཅིག་ལེགས་པར་བསྒྲུབ་རྒྱུ་དམ་འཛིན་ཡག་པོ་བྱས་ཏེ། དོན་དངོས་རང་བཞིན་གྱི་འཕེལ་རྒྱས་དང་དུས་རིམ་རང་བཞིན་གྱི་གྲུབ་འབྲས་རྒྱུན་ཆད་མེད་པར་ལེན་དགོས། འདི་ནི་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་གྱི"ཞིང་གསུམ"ལས་དོན་ལ་མཛུབ་སྟོན་བྱེད་པའི་ཀྲུང་དབྱང་གི་ཡིག་ཆ་ཨང་དང་པོ་རེད།
ཡིག་ཆའི་ནང་། རྒྱལ་ཁབ་ཀྱི་འབྲུ་རིགས་བདེ་འཇགས་འགན་ལེན་དང་གཏན་འབེབས་རང་བཞིན་གྱི་དབུལ་པོ་བསྐྱར་ལོག་མི་ཐོན་པའི་འགན་ལེན་བྱ་རྒྱུ་མཐའ་ཚད་དུ་བྱེད་པ་དང་། གྲོང་གསེབ་ཀྱི་ཐོན་ལས་འཕེལ་རྒྱས་ཀྱི་ཆུ་ཚད་མཐོ་རུ་གཏོང་བ་དང་གྲོང་གསེབ་འཛུགས་སྐྲུན་གྱི་ཆུ་ཚད་མཐོ་རུ་གཏོང་བ། གྲོང་གསེབ་བཅོས་སྐྱོང་གི་ཆུ་ཚད་མཐོ་རུ་གཏོང་བ་བཅས་གཙོ་གནད་དུ་བྱས་ཏེ། ཚན་རྩལ་དང་སྒྱུར་བཅོས་ཀྱི་འཁོར་ལོ་གཉིས་ཀྱི་སྒུལ་ཤུགས་ཆེ་རུ་གཏོང་བ་དང་ཞིང་པའི་འབབ་འཕར་བྱ་ཐབས་ལ་ཤུགས་སྣོན་བརྒྱབ་ནས། གྲོང་གསེབ་ཁྱོན་ཡོངས་ནས་དར་རྒྱས་གཏོང་བའི་དམག་འཐབ་ཡག་པོ་བརྒྱབ་ཏེ། བདེ་སྡོད་ལས་འཚམ་གྱི་མཛེས་པའི་གྲོང་གསེབ་སྐྲུན་ཞིང་། ཞིང་ལས་དེང་རབས་ཅན་དུ་འགྱུར་ཚད་མགྱོགས་སུ་བཏང་ནས་ཀྲུང་གོའི་རྣམ་པའི་དེང་རབས་ཅན་འཛུགས་སྐྲུན་ལ་སྐུལ་འདེད་སྔར་ལས་ལེགས་པོ་གཏོང་དགོས་པ་བཏོན། །