སྡེ་དགེ་རྫོང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་བརྗོད་དོན་གཙོ་བོའི་སློབ་གསོ་ལས་དོན་གོ་སྐབས་སུ་བྱས་ཏེ། བསམ་བློར་སློབ་སྦྱོང་དང་། ཏང་གཤིས་ལ་ཤུགས་སྣོན། ལག་ལེན་ལ་མཐོང་ཆེན། བྱས་རྗེས་གསར་པ་འཇོག་པ་བཅས་ཀྱི་སྤྱིའི་བླང་བྱ་ཁོང་དུ་བརྟན་པོ་ཆུད་པ་བྱས་ནས། སྔོན་ལ་སློབ་སྦྱོང་དང་སློབ་སྦྱོང་གཏིང་ཟབ་བྱ་རྒྱུ་མཐའ་འཁྱོངས་ཀྱིས“རིགས་པའི་གཞུང་ལུགས+”ལས་དོན་ཡག་པོ་བསྒྲུབས་ཏེ། སློབ་སྦྱོང་ལ་བརྟེན་ནས་བླ་སྲོག་སྐྲུན་པ་དང་། སློབ་སྦྱོང་ལ་བརྟེན་ནས་བློ་རིག་འཕེལ་བ། སློབ་སྦྱོང་ལ་བརྟེན་ནས་སྲོལ་བཟང་དར་སྤེལ་གཏོང་བ། སློབ་སྦྱོང་ལ་བརྟེན་ནས་ལག་ལེན་ལ་སྐུལ་འདེད་གཏོང་བ་བཅས་ཀྱི་ཐད་ནས་ཕན་ནུས་མངོན་གསལ་ཐོབ་པར་བྱས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ཉིན་ལྟར་མཐོང་ཞིང་། ཉིན་ལྟར་གསར་པ། ཉིན་ལྟར་ཟབ་འཇུག་བྱེད་པར་སྐུལ་འདེད་བཏང་ཡོད།
“རིགས་པའི་གཞུང་ལུགས+བསམ་བློ་ཆབ་སྲིད་སློབ་གསོ”ཡི་རྣམ་པས་སློབ་སྦྱོང་ལ་བརྟེན་ནས་བླ་སྲོག་སྐྲུན་པའི“སྟེགས་བུ་ཆེན་པོ”བཏོད་པ། “རིགས་པའི་གཞུང་ལུགས+དངོས་མིན་ཤུལ་བཞག་རིག་གནས་རྒྱུན་འཛིན”གྱི་རྣམ་པས་སློབ་སྦྱོང་ལ་བརྟེན་ནས་རིག་སྟོབས་འཕེལ་བའི“བསླབ་གཞི་གསོན་པོ”བཏོན་པ། “རིགས་པའི་གཞུང་ལུགས+གསར་བརྗེའི་སློབ་གསོ”ཡི་རྣམ་པས་སློབ་སྦྱོང་ལ་བརྟེན་ནས་སྲོལ་བཟང་དར་སྤེལ་གཏོང་བའི“ལམ་བུ་ཡག་པོ”གནད་ལ་འཁེལ་བ་ཞིག་འཚོལ་བ། “རིགས་པའི་གཞུང་ལུགས+དང་བླངས་ཞབས་ཞུ”ཡི་རྣམ་པས་སློབ་སྦྱོང་ལ་བརྟེན་ནས་ལག་ལེན་ལ་སྐུལ་འདེད་གཏོང་བའི“རྨང་གཞིའི་རྩལ་ནུས”ཡག་པོ་སྦྱོང་བ་བཅས་བྱས། སྡེ་དགེ་རྫོང་གིས“རིགས་པའི་གཞུང་ལུགས+”ཀྱི་རྣམ་པ་ལ་བརྟེན་ནས་སློབ་སྦྱོང་གི་མཐོ་ཚད་གསར་པ་དང་ཕན་འབྲས་གསར་པ་བཏོད་དེ། རིགས་པའི་གཞུང་ལུགས་ཀྱི་གྲུབ་འབྲས་ལ་བརྟེན་ནས་ལག་ལེན་ལ་མཛུབ་ཁྲིད་ནན་མོ་བྱས། །