ཉེ་བའི་ལོ་ཤས་རིང་། བཙན་ལྷ་རྫོང་གིས་གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ཀྱི་ནུས་པ་ཆེ་རུ་གཏང་རྒྱུར་དམིགས་ནས། ཏང་འཛུགས་སྐྱོང་གིས་སྣེ་ཁྲིད་བྱ་རྒྱུ་མཐའ་འཁྱོངས་དང་རྩ་འཛུགས་ཀྱིས་སྣེ་ཁྲིད་བྱེད་པའི་ལམ་སྲོལ་རྒྱུན་ཆད་མེད་པར་ཤུགས་ཆེར་བཏང་བ་དང་། དཔྱད་ཞིབ་སྐུལ་ཁྲིད་ལམ་སྲོལ་དང་ཁེ་ཕན་མཉམ་འབྲེལ་འཕེལ་རྒྱས་ལམ་སྲོལ་ལ་ལྟ་སྐུལ་མཛུབ་ཁྲིད་བྱས་ནས། རྩ་འཛུགས་ཀྱི་ལེགས་ཆ་དེ་འཕེལ་རྒྱས་ཀྱི་ལེགས་ཆར་འགྱུར་བ་བྱས་ཏེ། གྲོང་ཚོའི་མཉམ་སྡེབ་དཔལ་འབྱོར་བརྟན་པོའི་ངང་འཕེལ་རྒྱས་འགྲོ་བའི་གསོན་ཤུགས་འཕེལ་བར་བྱས།
ཏང་འཛུགས་སྐྱོང་གི་སྣེ་ཁྲིད་ལམ་སྲོལ་འཐུས་ཚང་དུ་བཏང་ནས་མཉམ་སྡེབ་དཔལ་འབྱོར་འཕེལ་རྒྱས་ཀྱི་འགན་ལེན་ནུས་པ་ཆེ་རུ་བཏང་། གྲོང་ཚོའི་ཏང་རྩ་འཛུགས་ཀྱི་རྩ་འཛུགས་ནུས་པ་ཅུང་ཞན་པ་དང་ཆ་ཚང་མིན་པའི་གནད་དོན་ལ་དམིགས་ནས། རྩ་འཛུགས་ཀྱི་རྨང་གཞི་བརྟན་དུ་གཏོང་བ་དང་། སྣེ་ཁྲིད་པ་གསོ་སྐྱོང་དང་མཉམ་འདུས་འཕེལ་རྒྱས་ཀྱི་ལེགས་ཆ་འདོན་སྤེལ་བྱས་ནས། གྲོང་གསེབ་ཀྱི་ཐུན་མོང་དཔལ་འབྱོར་ཡོང་འབབ་ཀྱི་ཟིན་ཐོ་གསར་པ་བཏོད་དེ་རྫོང་ཡོངས་ཀྱི་ཞིང་འབྲོག་མང་ཚོགས་ལ་འབབ་འཕར་ཡོང་རྒྱུར་སྐུལ་ཁྲིད་བྱས།
དཔྱད་ཞིབ་ལམ་སྲོལ་འཐུས་སྒོ་ཚང་བ་དང་ལྟ་སྐུལ་མཛུབ་ཁྲིད་བྱས་ནས་ཐུན་མོང་དཔལ་འབྱོར་གྱི་སྤུས་ཚད་དང་ཕན་འབྲས་མཐོ་རུ་བཏང་བ། རང་ངོས་འཕེལ་རྒྱས་དང་རྒྱུན་མཐུད་འཕེལ་རྒྱས་ཀྱི་ནུས་པ་ཞན་པའི་གནད་དོན་ཐག་གཅོད་བྱ་རྒྱུར་དམིགས་ནས། “འགྲན་སྟེགས་དྲག་རྩལ་འགྲན་པའི”རྣམ་གྲངས་ཀྱི་འགྲན་རྩོད་ཧེ་བག་བསྡུར་འདེམས་ལམ་སྲོལ་གསར་གཏོད་དང་། དུས་བཀག་དཔྱད་ཞིབ་དཔྱད་དཔོག་ལམ་སྲོལ་འཐུས་ཚང་དང་དོན་འཁྱོལ། གྲུབ་འབྲས་དངོས་ཚད་འབེབས་སྐུལ་ལྕག་ལམ་སྲོལ་ལེགས་སྒྱུར་བཅས་བྱས་ཏེ། གྲུབ་འབྲས་དངོས་ཚད་འབེབས་ལ་བརྟེན་ནས་གྲོང་ཚོའི་ཐུན་མོང་དཔལ་འབྱོར་འཕེལ་རྒྱས་ཀྱི་སྒུལ་ཤུགས་ཆེ་རུ་བཏང་།
ཚོགས་སྒྲིག་རྣམ་པའི་མཉམ་འབྲེལ་འཕེལ་རྒྱས་ལམ་སྲོལ་འཐུས་ཚང་དུ་བཏང་ནས་ཐུན་མོང་དཔལ་འབྱོར་བརྟན་འཇགས་ངང་འཕེལ་རྒྱས་འགྲོ་རྒྱུར་འགན་ལེན་བྱས་པ། ཐུན་མོང་དཔལ་འབྱོར་འཕེལ་རྒྱས་ཁྲོད་ཀྱི་ཐོན་ལས་དང་། ཁེ་ལས། ལས་ཞུགས་བཅས་ལས་རིགས་གསུམ་གྱི་མཉམ་འགུལ་བརྟན་བརླིང་རང་བཞིན་མི་འདང་བའི་གནད་དོན་ཁྱོན་ཡོངས་ནས་ཐག་གཅོད་བྱེད་པར་དམིགས་ནས། “གྲོང་གསེབ་ཀྱི་ཁེ་ལས་ཚོགས་པ”མཉམ་སྐྲུན་བྱེད་སྟངས་ཁྱབ་སྤེལ་དང་། ཁོངས་བརྒལ་གྱི་འཕེལ་རྒྱས་རྣམ་པ་འཚོལ་ཞིབ། མཉམ་སྤྱོད་ཀྱི་འཕེལ་རྒྱས་རྣམ་པ་གསར་གཏོད་བཅས་བྱས་ནས་མང་ཚོགས་ཀྱི་ཡོང་འབབ་འཕར་སྣོན་ཡོང་བར་སྐུལ་ཁྲིད་དང་། ཞིང་དུད་ཐོན་ལས་འཕེལ་རྒྱས་ཀྱི་ལམ་དུ་སྐྱོད་ནས་ཐུན་མོང་དཔལ་འབྱོར་ལ་རྒྱུན་ཆད་མེད་པར་ཤུགས་སྣོན་བྱས།
བཙན་ལྷ་རྫོང་གིས་ཏང་འཛུགས་སྐྱོང་གི་སྣེ་ཁྲིད་དང་། ལྟ་སྐུལ་མཛུབ་ཁྲིད་དང་དཔྱད་ཞིབ། ཚོགས་སྒྲིག་རྣམ་པའི་མཉམ་འབྲེལ་འཕེལ་རྒྱས་བཅས་ཀྱི་ལམ་སྲོལ་གསུམ་འཐུས་ཚང་དུ་བཏང་ནས་གྲོང་གསེབ་ཀྱི་ཐུན་མོང་དཔལ་འབྱོར་གསར་པ་བརྟན་པོའི་ངང་འཕེལ་རྒྱས་ཡོང་བར་འགན་སྲུང་བྱས་ཡོད། །