འབའ་གཞས་ཀྱི་ཕ་སར་ལོ་སར་རོལ། དངོས་མིན་ཤུལ་བཞག་རིག་གནས་དར་སྤེལ་གཏོང་། སྤྱི་ཟླ་2པའི་ཚེས་11ཉིན་ཏེ་ལོ་སར་ཚེས་གཉིས་ཀྱི་སྔ་དྲོར། འབའ་ཐང་རྫོང་གི་དཔྱིད་གསར་དུས་ཆེན་དང་བོད་ཀྱི་ལོ་སར་གྱི་མུ་འབྲེལ་བྱེད་སྒོ་སྟེ་རིག་གནས་ཀྱིས་འཚོ་བར་མཛེས་སྡུག་བསྐྲུན་ཞེས་པའི་བོད་གྲོང་གི་སྒྱུ་རྩལ་གཟའ་འཁོར་གྱི་རིག་རྩལ་འགྲན་སྡུར་གྱི་འགོ་ཚུགས་མཛད་སྒོ་དེ་ཀྲུང་ཧྲན་ཐང་ཆེན་དུ་གཟབ་རྒྱས་ངང་སྤེལ།
དཔྱིད་གསར་དུས་ཆེན་དང་བོད་ཀྱི་ལོ་སར་རིང་། འབའ་ཐང་རྫོང་གིས་ད་དུང་རྫོགས་ལྡན་དུས་ཀྱི་པད་མ་ཞེས་པའི་ལུས་རྩལ་ཁང་གི་སྒོ་ཕྱེ་བའི་མཛད་སྒོ་དང་སྤོ་ལོ་འགྲན་སྡུར་གྱི་འགོ་ཚུགས་མཛད་སྒོ། མཐོ་སྒང་གི་ཅང་ནན་ཏེ་ཚོན་མདོག་རྣམ་པར་བཀྲ་བའི་བོད་གྲོང་གི་2024ལོའི་དཔྱིད་གསར་དུས་ཆེན་དང་བོད་ཀྱི་ལོ་སར་གྱི་གླིང་སྐོར་བྱེད་སྒོ་དང་། དམངས་ཡོངས་ཀྱི་ལུས་སྦྱོང་བྱེད་སྒོ། དམག་དམངས་ཀྱིས་དཔྱིད་གསར་དུས་ཆེན་བསུ་བའི་མཉམ་སྤྲོའི་ཚོགས་འདུ་སོགས་བྱེད་སྒོ་མང་པོ་སྤེལ་ནས་འཁྲབ་སྟོན་ཐེངས་བཅུ་ལྷག་ཙམ་བྱས་པ་དང་། སྣ་མང་ཕུན་སུམ་ཚོགས་པའི་འཁྲབ་སྟོན་གྱིས་རིག་གནས་ཡུལ་སྐོར་གྱི་ཁྲོམ་ར་སྔར་བས་འཁྲུག་ཆ་དོད་པོར་བཏང་། །