དཔྱིད་ཟླ་འགོ་མའི་རྒྱལ་མོ་རྔུལ་ཆུའི་ལུང་གཞུང་དུ་ཆང་བ་ལིའི་མེ་ཏོག་གང་མང་བཞད། བསིལ་འཇམ་གྱི་དཔྱིད་རླུང་རྒྱུ་ཐེངས་རེ་རེར་ཆང་བ་ལིའི་མེ་ཏོག་ཁ་བ་བཞིན་ས་ལ་ལྷབ་ལྷུབ་ཏུ་བབས་ནས། གངས་མདངས་ཀྱི་ཁ་བའི་ལྭ་བ་ཞིག་གྱོན་པ་དང་གཉིས་སུ་མ་མཆིས། ཆང་བ་ལིའི་མེ་ཏོག་གིས་དགའ་བའི་འཛུམ་གྱིས་ཁྲོན་ནུབ་མཐོ་སྒང་གི་དཔྱིད་ཀ་དལ་གྱིས་བསུས། ཆང་བ་ལིའི་མེ་ཏོག་གི་བར་ཁྱམས་དང་། ཆུ་ངོགས་ཀྱི་མེ་ཏོག་ལྡུམ་ར་སོགས་ཀྱིས་ཆུ་ཆེན་དང་རོང་བྲག་རྫོང་ནི་མེ་ཏོག་གི་ཞིང་ཁམས་ཞིག་ཏུ་བསྒྱུར། རྒྱང་རིང་གི་གངས་རི་དང་ཉེ་འགྲམ་ལུང་གཞུང་གི་ཆང་བ་ལིའི་མེ་ཏོག་གཉིས་གཅིག་རམ་གཅིག་འདེགས་ཀྱིས་མཛེས་པའི་ལྗོངས་ཁམས་དེ་བསྐྲུན། ལོ་རེའི་སྤྱི་ཟླ་གསུམ་པའི་ནང་། ཆུ་ཆེན་རྫོང་དང་རོང་བྲག་རྫོང་། བཙན་ལྷ་རྫོང་སོགས་ཀྱིས་ཆང་བ་ལིའི་མེ་ཏོག་གི་དུས་སྟོན་དང་བྱེད་སྒོ་སྣ་ཚོགས་སྤེལ་བཞིན་ཡོད། ཡུལ་སྐོར་པ་རྣམས་ཆང་བ་ལིའི་མེ་ཏོག་གི་ཞིང་ཁམས་སུ་བག་ཡངས་ལྗོངས་རྒྱུ་ཆོག་པར་མ་ཟད། སི་ཁྲོན་བྱང་ནུབ་ཀྱི་བརྗིད་ཆགས་ཀྱི་ལྷུན་པོ་དང་བོད་གྲོང་། ཞིང་སྡེའི་འཚོ་བ། རྒྱལ་རོང་རིག་གནས་སོགས་ལ་མྱོང་རོལ་བྱེད་ཆོག །ཉིན་གསུམ་དང་ལྔའི་ལམ་ཐིག་བཀོད་སྒྲིག་བྱས་ན་འོས་འཚམ་ཡིན། ཕྱིར་ལོག །མྱོང་རོལ། མཉམ་སྤྱོད། དམངས་ཕན་གྱི་བརྗོད་གཞི་གཙོ་བོ་བཟུང་ནས་མིག་གི་དགའ་སྟོན་དང་། ཟས་ཀྱི་མྱོང་རོལ། དྲི་ཡི་ཚོར་སྣང་། རྣ་བའི་བདུད་རྩི་སོགས་ཀྱི་ཡུལ་སྐོར་ལྗོངས་རྒྱུའི་སྣང་ཚོར་གསར་པ་སྦྱིན་ངེས། །
