རྩྭ་སྔོན་བསྙལ་བའི་ལག་རྩལ་གསར་པ།

བརླན་ཚད་དམའ་བའི་རྩྭ་སྔོན་བསྙལ་ཐབས།

འཛམ་གླིང་གི་རྒྱལ་ཁབ་མང་པོས་ལག་རྩལ་འདི་བཀོལ་སྤྱོད་བྱེད་བཞིན་ཡོད་པ་དང་། རང་རྒྱལ་དུའང་ལག་རྩལ་འདི་དང་འབྲེལ་བའི་ཞིབ་འཇུག་དང་གསར་བཟོ་ལ་གཡུར་དུ་ཟ་བའི་གྲུབ་འབྲས་ཐོབ་ཡོད། དེའི་ཁྱད་ཆོས་ནི་རྩྭ་སྔོན་རྒྱུ་ཆའི་བརླན་ཚད་དམའ་བ་སྟེ། སྤྱིར་བཏང་དུ་སྐམ་རྫས་འདུས་ཚད་རྩྭ་སྔོན་ལས་ལྡབ་གཅིག་གིས་མང་ཞིང་། གཞན་འཚོ་བཅུད་ལ་གྱོང་གུད་ཐེབས་ཚད་ཉུང་བ། དྲི་མ་ཅུང་སྐྱུར་བའམ་ཡང་ན་མི་སྐྱུར་ཞིང་། PHགྲངས་ཚད4.8 ~ 5.2ཡིན། བརླན་ཚད་དམའ་བའི་རྩྭ་སྔོན་བསྙལ་བ་ལ་ཕྱེད་སྐམ་རྩྭ་སྔོན་བསྙལ་བའང་ཟེར། སྤུས་ལེགས་ཕྱེད་སྐམ་རྩྭ་སྔོན་ལ་རློན་ཞད་ཅུང་འདྲེས་པའི་རྣམ་པ་མངོན་པ་དང་། ཁ་དོག་ལྗང་ནག་ཡིན་པར་མ་ཟད། ཡལ་འདབ་ཡོད་པས་སྒོ་ཕྱུགས་བཟའ་བར་དགའ་བ་དང་འཚོ་བཅུད་ཀྱི་རིན་ཐང་ཡང་ཆེ། བརླན་ཚད་དམའ་བའི་རྩྭ་སྔོན་བསྙལ་བའི་རྩ་བའི་རིགས་པ་ནི་བྲེགས་ཟིན་པའི་རྩྭ་སྔོན་རླུང་ལ་བརྟེན་ནས་མྱུར་དུ་བསྐམས་ན་བརླན་ཚད45% ~ 55%ལ་ཆག་ཐུབ། སྤྲི་དཀར་གྱི་བཅུད་སོ་སོར་མི་གྱེས་པ་དང་སྐྱེ་ལྡན་སྐྱུར་བྱུང་བའི་གྲངས་ཀ་ཉུང་། བརླན་ཚད་དམའ་བའི་རྩྭ་སྔོན་བསྙལ་བའི་རྩ་བའི་རིགས་པ་དང་ཁྱད་ཆོས་ལྟར་ན། རྩྭ་སྔོན་བསྙལ་སྐབས་རྒྱུ་ཆ་མྱུར་དུ་རླུང་སྐམ་བྱེད་པ་དང་། རྩྭ་བྲེགས་རྗེས་དུས་ཚོད24 ~ 30ནང་སྲན་རིགས་གཟན་རྩྭའི་བརླན་ཚད50%ལ་ཐོན་པ་དང་། སྙེ་མ་ཅན་གྱི་གཟན་རྩྭའི་བརླན་ཚད45%ལ་ཐོན་ཐུབ། གཞན་ད་དུང་རྒྱུ་ཆ་ངེས་པར་དུ་གཏུབ་དགོས་པ་དང་ཚགས་དམ་པས་སྐོང་བསྡུ་བྱ་དགོས། ཁ་དམ་པོར་སྦྱར་ན་རུལ་སྲིན་གྱི་འགུལ་སྐྱོད་མྱུར་དུ་མཚམས་འཇོག་པར་ཕན།

ཉར་ཚགས་ཀྱི་རྫས་སྣོན་པའི་རྩྭ་སྔོན་བསྙལ་ཐབས།

སྔོ་བསྙལ་བྱེད་དཀའ་བའི་རྒྱུ་ཆ་འགའ（གཙོ་བོ་འབུ་སུ་ཧང་སོགས）འོས་འཚམ་གྱིས་ཐག་གཅོད་དམ། ཡང་ན་སྦྱོར་རྟ་ག་གེ་མོ་ཁ་སྣོན་བྱས་རྗེས་སྔོ་བསྙལ་གྱི་ལས་ལེགས་པར་འགྲུབ་ཐུབ་པ་དང་། གཟན་རྩྭའི་རྒྱུ་སྤུས་ལའང་ཁག་ཐེག་བྱེད་ཐུབ། ཉར་ཚགས་ཀྱི་རྫས་ཁ་སྣོན་བྱེད་པར་སྤྱིར་བཏང་དུ་རིགས་གཉིས་ཡོད་དེ། གཅིག་ནི་སྐྱུར་བསྙལ་མི་ལེགས་པ་འགོག་པའི་ཉར་ཚགས་ཀྱི་རྫས་ཏེ། དཔེར་ན། སྐྱུར་རིགས་སྣ་ཚོགས་ཀྱི་འབུ་སྲིན་འགོག་རྫས་སོགས་བསྣན་ཏེ། རུལ་སྲིན་དང་ཕྱུར་སྐྱུར་འབུ་སྲིན་སྐྱེ་བར་འགོག་པ། གཉིས་པ་ནི་འོ་སྐྱུར་བསྙལ་བར་སྐུལ་བའི་ཉར་ཚགས་ཀྱི་རྫས་ཏེ། དཔེར་ན། མངར་ཆའི་རིགས་སྣ་ཚོགས་སྣོན་པ་དང་། འོ་སྐྱུར་འབུ་སྲིན་རྒྱག་པ། རྩབས་བཟོའི་རྫས་སོགས་བསྣན་ན། འོ་སྐྱུར་བསྙལ་ཐུབ་པ་དང་། PHགྲངས་ཚད་མྱུར་དུ3.8 ~ 4.4ཐོན་ཐུབ་པས། སྔོ་བསྙལ་ལེགས་པར་འགྲུབ་པར་ཐུབ། སྣོན་རྫས་མི་འདྲ་བར་གཞིགས་ཏེ་ཁག་དུ་མར་དབྱེ་ཆོག་པ་སྟེ།

① སྐྱུར་སྣོན་རྩྭ་སྔོན་བསྙལ་ཐབས། བྱེད་ཐབས་འདི་ནི་སྔོ་བསྙལ་བྱེད་དཀའ་བའི་རྒྱུ་ཆ་སྙལ་སྐབས་སྐྱེ་མེད་སྐྱུར་རམ་དལ་འགྱུར་ཁུ（缓冲液）བསྣན་ཏེ། PHགྲངས་ཚད3 ~ 3.5ལ་ཐོན་རྗེས་གནོད་འབུ་འགོག་ཐུབ་པ་དང་། རྩྭ་སྔོན་མྱུར་དུ་མར་འབབ་པ་དང་ཡུན་རིང་པོར་ཉར་ཚགས་བྱེད་པའི་དམིགས་ཡུལ་འགྲུབ་ཐུབ།

② འབུ་འགོག་སྲིན་རྫས་སྣོན་པའི་རྩྭ་སྔོན་བསྙལ་ཐབས། ཀ་ཆེམ་（甲醛）མམ་ཧྥུ་ཨེར་མཱ་ལིན（福尔马林）སྣོན་པ་སྟེ། དེས་སྔོ་བསྙལ་གོ་རིམ་ཁྲོད་ཀྱི་ཕྲ་ཕུང་སོ་སོའི་སྐྱེ་འཕེལ་ལ་སྔོན་འགོག་བྱེད་ཐུབ། ཞིབ་འཇུག་བྱས་པ་ལྟར་ན། རྒྱུ་ཆ་ཏུན་རེར5%ཡི་ཀ་ཆེམ་སྟོང་ཁེ1 ~ 6.6བསྣན་ན། སྐྱུར་བསྙལ་ཁྲོད་ཀྱི་རུལ་སྲིན་གྱི་འགུལ་སྐྱོད་མཚམས་འཇོག་ཐུབ་པ་དང་། སྐམ་རྫས་ལ་གྱོང་གུད་ཐེབས་ཚད་ཇེ་ཉུང་དུ་བཏང་སྟེ། འཇུ་ཆོད20%མཐོར་འདེགས་སུ་གཏོང་ཐུབ། སྒོ་ཕྱུགས་ཀྱིས་ཟོས་རྗེས་སྤྲི་དཀར་བཅུད་དེས་ཕོ་བའི་ནང་གི་ཐོར་ཚུལ་མར་ཕབ་ཐུབ་པ་དང་། ཕོ་བ་བརྒྱུད་པའི་སྤྲི་དཀར་ཇེ་མང་དུ་འགྱུར་སྲིད།

③ འོ་སྐྱུར་ཕྲ་སྲིན་གྱི་རིམས་སོན་ལ་བསྟེན་པའི་རྩྭ་སྔོན་བསྙལ་ཐབས། འོ་སྐྱུར་འབུའི་གསོ་སྐྱོང་རྫས་སྦྱོར་བཀོལ་ཏེ་གྲུབ་པའི་སྐྱུར་བསྙལ་རྫས་བསྲེས་མས་སྔོ་བསྙལ་བྱས་ན། རྩྭ་སྔོན་ནང་གི་འོ་སྐྱུར་འབུའི་སྐྱེ་འཕེལ་ལ་རོགས་འདེགས་བྱེད་པ་དང་། གནོད་ལྡན་ཕྲ་ཕུང་གཞན་དག་གི་བྱེད་ནུས་ལ་གནོད་པ་ཐེབས་སྲིད། སྤྱིར་བཏང་དུ་རྩྭ་སྔོན་ཏུན་རེར་འོ་སྐྱུར་འབུ་གསོ་སྐྱོང་རྫས་ཧྲེང0.5དང་། ཡང་ན་འོ་སྐྱུར་ཁེ450སྣོན་པ་དང་། སྔོ་གཟན་རྒྱུ་ཆ་ཁེ་རེར་འོ་སྐྱུར་དབྱུག་སྲིན་ཧ་ལམ་ཁྲི10བསྣན་དགོས།

④ རྩབས་བཟོའི་རྫས་སྣོན་པའི་རྩྭ་སྔོན་བསྙལ་ཐབས། འབུ་སྲིན་ཧྲིན་ཆིའུ（胜曲菌）དང་འབུ་སྲིན་ཧེ་ཆིའུ（黑曲菌）འབུ་སྲིན་མེ་ཆིའུ་（米曲菌）མའོ་མད་ཆན་ཆིའུ（木霉纤曲）སོགས་གསོ་འདེབས་རྫས་ཀྱི་ཁྲོད་དུ་སིང་ཕྱེ་རྩབས（淀粉酶）དང་བག་སྤྱིན་རྩབས།（湖精酶）ཚི་སྣ་རྒྱུ་རྩབས（纤维素酶）སོགས་འདུས་པ་དང་། རྩབས་འདི་དག་གིས་མངར་མང་དེ་མངར་རྐྱང་དུ་ཕྲལ་གསེད་བྱེད་ཐུབ་པ་དང་། འོ་སྐྱུར་བསྙལ་པར་ཤིན་ཏུ་ཕན། སྤྱིར་བཏང་དུ་རྩྭ་སྔོན་རྒྱུ་ཆ་ཏུན་རེར་རྩབས་བཟོའི་རྫས་སྟོང་ཁེ0.1 ~ 0.25བསྣན་ན། ཚི་སྣའི་རྒྱུ་ཇེ་ཉུང་དང་ཞུ་ཐུབ་མངར་རིགས་ཇེ་མང་དུ་ཕྱིན་པས། ཆེས་མ་མཐར་མཁོ་བའི་མངར་ཆའི་འདུས་ཚད་ལས་བརྒལ་བ་དང་། རྩྭ་སྔོན་གྱི་རྒྱུ་སྤུས་ལ་ཁག་ཐེག་བྱེད་ཐུབ། དུས་མཚུངས་སུ་སྤྲི་དཀར་དཀྱུས་མའི་འདུས་ཚད་ཁ་སྣོན་དང་། རྩྭ་སྔོན་གྱི་འཚོ་བཅུད་རིན་ཐང་ཇེ་ཆེར་གཏོང་ཐུབ། རྩབས་བཟོའི་རྫས་ཀྱི་སྣོན་ཚད་ནི་རྒྱུ་ཆ་མི་འདྲ་བ་དང་བསྟུན་ནས་འགྱུར་བཞིན་ཡོད་པ་དང་། སྔོ་བསྙལ་བྱེད་དཀའ་བའི་རྒྱུ་ཆར་ཆེས་མཐོ་བའི་མཚམས་ཚད་ལེན་དགོས།

ཏན་ཁུངས་སྣོན་པའི་རྩྭ་སྔོན་བསྙལ་ཐབས།

བྱེད་ཐབས་འདིས་རྩྭ་སྔོན་ཁྲོད་ཀྱི་སྤྲི་དཀར་དཀྱུས་མའི་འདུས་ཚད་ཇེ་མཐོར་གཏོང་ཐུབ། སྦྱོར་རྫས་གཙོ་བོ་ནི་གཅིན་རྒྱུ་དང་མུ་ཟི་སྐྱུར་ཨན་ཡིན་པ་དང་། སྣོན་ཚད་ནི་རྒྱུ་ཆའི་ལྗིད་ཚད་ཀྱི0.3% ~ 0.5%ཡིན། དེ་ལྟར་ན་རྩྭ་སྔོན་གྱི་རྒྱུ་སྤུས་ལ་གནོད་པ་ཐེབས་མི་ཐུབ་པར་མ་ཟད། རྩྭ་སྔོན་སྟོང་ཁེ་རེར་འཇུ་ཐུབ་སྤྲི་དཀར་ཁེ8 ~ 11ཁ་སྣོན་པ་དང་རྩྭ་སྔོན་གྱི་འཚོ་བཅུད་རིན་ཐང་ཡང་ཇེ་མཐོ་ལ་གཏོང་ཐུབ།

ཤོག་རྒྱག་པའི་རྩྭ་སྔོན་བསྙལ་ཐབས།

ཐབས་འདི་ནི་མིས་འདེབས་འཛུགས་བྱས་པའི་གཟན་རྩྭ་འབྲེག་པའི་སྐབས་སུ་ཆེད་བཟོས་བསྡུ་འབྲེག་གནོན་སྡོམ་འཕྲུལ་ཆས་བཀོལ་ཏེ། བྲེགས་པའི་གཟན་རྩྭ་མནན་ནས་ཤོག་རྒྱག་པ་དང་། དེའི་རྗེས་རྩྭ་སྔོན་བསྙལ་དོང་ནང་དུ་བསྐྱལ་ཏེ་བསྙལ་དགོས། རྩྭ་སྔོན་གནོན་སྡོམ་བྱས་ན། བོངས་ཚད་ཇེ་ཆུང་དུ་གཏོང་ཐུབ་པ་དང་སྐྱེལ་འདྲེན་ཁྲོད་ཀྱི་གྱོང་གུད་ཡང་ཇེ་ཉུང་དུ་གཏོང་ཐུབ་པར་མ་ཟད། ད་དུང་སྔོ་བསྙལ་བྱེད་དུས་བཅག་བཅག་བྱེད་པའི་ལས་རིམ་མེད་པར་བྱས་ཡོད། གནོན་སྡོམ་འཕྲུལ་ཆས་ཀྱིས་བརྒྱབ་པའི་རྩྭ་ཤོག་ཅུང་ཚགས་དམ་པོ་ཡིན་པས། གཟན་རྩྭའི་རྒྱུ་སྤུས་ལ་ཁག་ཐེག་བྱེད་ཐུབ། ཡིན་ནའང་དེར་ཆེད་བཀོལ་གྱི་འཕྲུལ་ཆས་ཀྱི་སྒྲིག་ཆས་དགོས་སོ། །（མུ་འགོད）