འབྱོར་ཕྱུག།
འབྱོར་ཕྱུག་ལྡན་པའི་སྟོབས་ལྡན་རྒྱལ་ཁབ་ཀྱིས། །
འབྱོར་ཕྱུག་ལྡན་པའི་ལམ་དུ་ཁྲིད་གྱུར་ཏེ། །
འབྱོར་ཕྱུག་ལྡན་པའི་ཁྱིམ་གཞིས་ཆེན་པོ་ཡིས།
འབྱོར་ཕྱུག་ལྡན་པའི་གྲོང་སྡེ་གསར་པ་འཛུགས། །
དཔལ་ཡོན།
དུས་རབས་གསར་པའི་ཆབ་སྲིད་དཔལ་ཡོན་གྱིས། །
སྤྱི་ཚོགས་གསར་པའི་འཚོ་བའི་དཔལ་ཡོན་སྐྲུན། །
བསམ་བློ་གསར་པའི་རིག་གནས་དཔལ་ཡོན་གྱིས། །
ཁོར་ཡུག་གསར་པའི་རྫོགས་ལྡན་དཔལ་ཡོན་གྲུབ། །
རྒྱལ་གཅེས།
རྒྱལ་གཅེས་སྙིང་དབུས་བཞད་པའི་ངོ་མཚར་གཏམ། །
རྒྱལ་གཅེས་ཡིད་ལ་འཁོར་བའི་སྙན་འཇེབས་ཀྱིས། །
རྒྱལ་གཅེས་རྣ་བའི་བདུད་རྩི་སྤྲོ་མཁས་པས། །
རྒྱལ་གཅེས་ཆོས་ཡང་གཅེས་པར་ཐེ་ཚོམ་མེད། །
འཆམ་མཐུན།
སྤྱི་ཚོགས་འཆམ་མཐུན་བདེ་སྐྱིད་ལམ་ཆེན་བཞུད། །
དཔལ་འབྱོར་འཆམ་མཐུན་འཚོ་བར་འདྲ་མཉམ་རོལ། །
རིག་གནས་འཆམ་མཐུན་རྨོངས་མུན་མཐའ་ནས་བསལ། །
མི་རིགས་འཆམ་མཐུན་མཛའ་བརྩེའི་གྲོགས་སུ་འགུག།།