སུའེ་ཐང་རྒྱལ་རབས་ཀྱི་དར་རྒྱས་ཆེ་བའི་དུས་སུ། དར་གོས་གནའ་ལམ་གྱི་བྱང་ལམ་དང་དབུས་ལམ། ལྷོ་ལམ་གསུམ་གྱིས་ཏུན་ཧོང་གཞི་གཅིག་ཏུ་སྦྲེལ་ཏེ། ཏུན་ཧོང་ནི་དར་གོས་གནའ་ལམ་གྱི་འགག་རྩའི་གནས་སུ་གྱུར་ཅིང་། ཚོང་པ་མང་པོ་འདུས་པ་དང་བསྟུན་ཏུན་ཧོང་ནི་དར་གོས་གནའ་ལམ་གྱི་གྲོང་རྡལ་གཙོ་བོར་གྱུར་པ་དང་། གནའ་བོའི་ཀྲུང་གོའི་ཤེས་རིག་དེ་གནའ་བོའི་ཧིན་རྡུ་དང་། གནའ་བོའི་གྷི་རི་སི། གནའ་བོའི་ཏ་ཟིག་སོགས་རྒྱལ་ཁབ་དང་ས་ཁུལ་མི་འདྲ་བའི་བསམ་བློ་དང་། ཆོས་ལུགས། སྒྱུ་རྩལ། རིག་གནས་བཅས་གནས་འདིར་རུ་མཉམ་འདྲེས་བྱུང་ཡོད།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས"ཏུན་ཧོང་ནི་ལོ་རྒྱུས་ཐོག་ཤར་ནུབ་རིག་གནས་མཉམ་འདྲེས་ཀྱི་འགག་རྩ་གལ་ཆེན་ཞིག་རེད"ཅེས་བསྔགས་བརྗོད་ཆེན་པོ་གནང་བ་དང་། ཏུན་ཧོང་སོགས་གནའ་གྲོང་ལ་ལོ་རྒྱུས་དུམ་བུ་དེ་བཀོད་པའི'འགྱུར་རྡོ་གསོན་པོ་ཞེས་བརྗོད་ཀྱི་ཡོད།
དེ་ཡང་ཏུན་ཧོང་ལ་མོ་ཀའོ་ཁུའུ་ཡོད་པར་མ་ཟད། ད་དུང་ལོ་ངོ་2000ལྷག་གི་ཏུན་ཧོང་ཧན་ལྕགས་རི་རིང་པོ་དང་། རླུང་གིས་ཟད་པའི་དུས་རབས་བཞི་པའི་ས་གཤིས་རྗེས་ཤུལ་དང་རང་བྱུང་ས་ཁམས་བྱེ་ཐང་ཆེན་པོའི་མཛེས་ལྗོངས་ཏུན་ཧོང་ཡ་ཏན་རྒྱལ་ཁབ་ས་གཤིས་སྤྱི་གླིང་ཡོད། ཏུན་ཧོང་ལ་ད་དུང་ད་ལྟའི་བར་དུ་ཉར་ཚགས་བྱས་པའི་ཤོག་བུ་སྔ་ཤོས་ཏེ་ཏུན་ཧོང་གསོ་ཤོག་དང་། དཔེ་ཆ་སྔ་ཤོས་ཏུན་ཧོང་གི《རྡོ་རྗེ་གཅོད་པ》པར་འདེབས་སྔ་ཤོས་ཏེ་ཏུན་ཧོང་གི་ཧུའེ་རིགས་ཡིག་གཟུགས་ཀྱི་ཤིང་པར་ཡི་གེ། ཆེས་སྔ་བའི་སྐར་མའི་རི་མོ་ཏུན་ཧོང་སྐར་མའི་རི་མོ་བཅས་ཡོད་པ་རེད།
ལོ་རྒྱུས་ཟབ་མོའི་ཁྲོད་ནས་བློ་གྲོས་བསྡུ་ལེན་དང་། རྒྱུན་རིང་བའི་ཤེས་རིག་ཁྲོད་ནས་སྟོབས་ཤུགས་བསྡུ་ལེན་བྱེད་དགོས།
དེ་བཞིན་རྒྱལ་ནང་གི་རིག་དངོས་སྲུང་སྐྱོང་ཁྱབ་ཁོངས་ཀྱི་ཟུང་སྦྱོར་ཚོད་ལྟ་ཁང་ཐོག་མ་དེ་བསྐྲུན་པ་དང་། "གྲངས་འཛིན་དཔེ་གཞུང་བྲག་ཕུག"གི་གྲངས་འཛིན་མཚེ་མའི་ལག་རྩལ་སླར་གསོ་བྲག་ཕུག་གི་དངོས་གཟུགས་དང་ཉར་ཚགས་རིག་དངོས་སླར་གསོ་བྱས་ཏེ་ཏུན་ཧོང་རིག་པ་དེ་ཀུན་གྱི་མི་གོ་བ་ནས་འཛམ་གླིང་དུ་ཁྱབ་ནས་ཏུན་ཧོང་རིག་པའི་ཞིབ་འཇུག་གི་མཐོ་ས་བཏོད་དེ། ཏུན་ཧོང་དུས་བསྟུན་མདུན་སྐྱོད་དང་། མོ་ཀའོ་སྙིང་སྟོབས་རྒྱུན་འཛིན་བྱས་ཏེ་སྒོ་འབྱེད་ཀྱི་རྣམ་པའི་ཐོག་ནས་མ་འོངས་པར་བསྐྱོད་དང་སྐྱོད་བཞིན་མཆིས། །