པདྨ་གསེར་སྨྱུག་རྟགས་མའི་བོད་ཀྱི་ཡིག་གཟུགས་འགྲན་བསྡུར་སྐབས་དང་པོའི་བརྩམས་ཆོས་བདམས་བཀོད།

བྱ་དགའ་ཨང་དང་པོ་ཐོབ་པའི་བྲིས་གཟུགས《ས་སྐྱ་ལེགས་བཤད།》 དོན་འགྲུབ་ནོར་བུས་བྲིས།

སྤྱི་ཟླ་4པའི་ཚེས་30ཉིན། བོད་ཀྱི་ཡིག་གཟུགས་ཉིན་མོ་དང་བསྟུན་ནས། ཁམས་པའི་བརྙན་འཕྲིན་ཁང་དང་། པདྨ་གསེར་བྲིས་གླིང་། ཀྲུང་གོའི་བོད་ཀྱི་ཡིག་གཟུགས་དྲ་བ་བཅས་ཀྱིས་མཉམ་སྒྲུབ་བྱས་པའི་པདྨ་གསེར་སྨྱུག་རྟགས་མའི་བོད་ཀྱི་ཡིག་གཟུགས་འགྲན་བསྡུར་སྐབས་དང་པོའི་གཟེངས་བསྟོད་མཛད་སྒོ་ཁྲེང་ཏུའུ་ནས་སྤེལ།

ཉིན་བཅུ་གྲངས་ལྷག་གི་རིང་ལ། འགྲན་ཞུགས་བླང་བྱ་དང་མཐུན་པའི་བརྩམས་ཆོས་1672ལ་པདྨ་གསེར་བྲིས་གླིང་གི་བོད་ཀྱི་ཡིག་གཟུགས་ཆེད་མཁས་ལྷན་ཚོགས་ཀྱི་ཚོགས་མི་གཙོ་བྱས་པའི་བོད་ཀྱི་ཡིག་གཟུགས་ཆེད་མཁས་དག་གིས་འདྲ་མཉམ་དང་ཡོངས་བསྒྲགས། དྲང་གཞག་བཅས་ཀྱི་སྒོ་ནས་ཞིབ་དཔྱད་ནན་མོ་བྱས་ཏེ། མཇུག་མཐར་ཨང་དང་པོའི་བྱ་དགའ་གཅིག་དང་། བྱ་དགའ་ཨང་གཉིས་པ་གཉིས་དང་། ཨང་གསུམ་པ་ལྔ། ཕུལ་ཕྱུང་བྱ་དགའ་བཞི་བཅུ་བཅས་བདམས་ཡོད། ད་དུང་རྫོགས་རིམ་གསུམ་པའི་ཡིག་མཁན་དང་རྫོགས་རིམ་ཡིག་མཁན། སློབ་གསོའི་བྱ་དགའ། སློབ་གསོ་སྡེ་ཁག་གི་བྱ་དགའ། ཀ་རིམ་ཡིག་མཁན་ལ་ཆེད་དུ་བྱ་དགའ་གནང་། །