པར་འདི་ནི་དྲན་འཁོར་ཡུལ་ཤོག་གི་རབ་ཆོས་དགོན་པའི་ལྡེབས་རིས་རྙིང་པ་རེད།
ལྡེབས་རིས་ནི་བོད་ཀྱི་ལྷ་རིས་སྒྱུ་རྩལ་ཁྲོད་ཀྱི་ཆེས་མཛེས་སྡུག་ལྡན་པའི་སྒྱུ་རྩལ་གྱི་གྲས་ཤིག་རེད། སེར་ཤུལ་རྫོང་གི་རྩེ་མདའ་ཡུལ་ཤོག་གི་འབའ་དྷ་དགོན་དང་། དྲན་འཁོར་ཡུལ་ཤོག་གི་རབ་ཆོས་དགོན། འབའ་གྷ་གྲོང་ཚོའི་ཀ་ཕུ་དགོན་སོགས་སུ་ལྡེབས་རིས་རྙིང་པ་ཁག་ཅིག་ཉར་ཚགས་བྱས་ཡོད།
པར་འདི་ནི་འབའ་གྷ་གྲོང་པའི་ཀ་ཕུ་དགོན་གྱི་ལྡེབས་རིས་རྙིང་པ་རེད།
དེ་ལས་འབའ་དྷ་དགོན་པ་ནི་སྤྱི་ལོ་༡༢༦༩ལོར་ཕྱག་བཏབ་ཅིང་། སྔར་བོན་པོ་དང་ས་སྐྱ་པའི་ཆོས་བརྒྱུད་ཡིན་པར་བཤད་ཀྱང་རྗེས་ཀྱི་སྤྱི་ལོ་༡༤༤༠ལོ་ནས་དགེ་ལུགས་པའི་གྲུབ་མཐར་བསྒྱུར་བར་གྲགས། འབའ་དྷ་དགོན་པའི་འདུ་ཁང་རྙིང་པའི་ནང་མིང་རྒྱལ་རབས་དུས་ཀྱི་ལྡེབས་རིས་དང་འཇིམ་སྐུ་མང་པོ་གསར་དུ་བུད་ཡོད། མང་ཆེ་བ་རྣམས་ཆ་ཚང་ཞིག་ལུས་མེད་ཀྱང་། ཕྱོགས་བཞིའི་ལྡེབས་ངོས་དབུས་ཀྱི་ལྷ་རྣམས་སུ་རྒྱལ་བ་རིགས་ལྔས་གཙོ་སྐུ་བྱས་པའི་མཚམས་སུ་ཉེ་སྲས་བརྒྱད་དང་། སྒོ་འགྲམ་གཉིས་ཀྱི་ལྡེབས་ངོས་སུ་ནོར་ལྷ་དང་ཆོས་སྐྱོང་གི་རི་མོ་ཡོད་པར་ཚོད་དཔག་བྱེད་ཐུབ། ཉུང་ཤས་ཤིག་ཡོད་པ་རྣམས་ལོ་རྒྱུས་ཀྱི་རིན་ཐང་ལྡན་ལ་སྒྱུ་རྩལ་གྱི་ཁྱད་ཆོས་འབུར་དུ་ཐོན་ཡོད།
འདུ་ཁང་རྙིང་པའི་ནང་གི་གུ་རུ་དང་མགོན་པོ་ཕྱག་བཞི་པའི་འཇིམ་སྐུ།
དེ་མཚུངས་སུ་འཇིམ་སྐུ་རྣམས་ཀྱང་མང་ཆེ་བར་ཆག་གྲུག་ཤོར་ཏེ་ཁ་ཤས་མ་གཏོགས་ཕལ་ཆེར་ངོས་འཛིན་མི་ཐུབ་པ་བྱུང་འདུག །ཆེད་མཁས་པ་ཚོས་བཤད་པ་ལྟར་ན་ལྡེབས་རིས་དེ་དག་གི་ཚོན་མདངས་དང་འབྲི་སྟངས་ཀྱི་བཟོ་རྩལ་ཕུལ་དུ་བྱུང་བས་མིང་རྒྱལ་རབས་དུས་ཀྱི་རྩེ་གྲས་ཀྱི་སྒྱུ་རྩལ་དུ་བརྩི་ཆོག་པས་རིན་ཐང་ཆེན་པོ་ལྡན་འདུག
རྣམ་སྣང་དཀར་པོའི་ལྡེབས་སྐུ།
བྱང་ཆུབ་སེམས་དཔའ་སྤྱན་རས་གཟིགས་དང་ཕྱག་ན་ར་རྗེ་ཟུང་གི་བཞེངས་སྐུ།
བྱང་ཆུབ་སེམས་དཔའ་བྱམས་པའི་ལྡེབས་སྐུ།
རྣམ་སྣང་དཀར་པོའི་ལྡེབས་སྐུ།
སྣང་བ་མཐའ་ཡས་ཀྱི་ལྡེབས་རིས།
སངས་རྒྱས་རྣམ་པར་སྣང་མཛད།
འོད་དཔག་མེད་ཀྱི་ལྡེབས་སྐུ།
མོའུ་འགལ་གྱི་བུ་དང་བྱང་ཆུབ་སེམས་དཔའ་སྒྲིབ་པ་རྣམ་སེལ་གྱི་ལྡེབས་སྐུ།